Chloe Webb

Chloe Webb
Vida
Nacimientu	Greenwich Village ^(es) , 25 de xunu de 1956[1] (68 años)
Nacionalidá	Estaos Xuníos
Llingua materna	inglés
Estudios
Estudios	Boston Conservatory at Berklee ^(en) Bishop Grimes Junior/Senior High School ^(en)
Llingües falaes	inglés[2]
Oficiu	actriz, actriz de televisión, actriz de cine, actriz de teatru
IMDb	nm0916050

Chloe Webb (25 de xunu de 1956, Greenwich Village ^(es) ) ye una actriz d'Estaos Xuníos. Ye conocida por protagonizar películes como Sid y Nancy (1986), Twins (1988) y Heart condition (1990). Ella foi nomada a los Premios Primetime Emmy, pol so papel de Laurette Barber, na serie d'ABC China Besch y pol so rol de Monica Gallagher na comedia dramática Shameless.^[3]

Biografía y primeros años

Primeros años

Webb nació na Greenwich Village, una área residencial nel llau oeste de Manhattan na ciudá de Nueva York y vivió en delles ciudaes de la mariña este, por cuenta que'l so padre trabayaba como diseñador de pontes y carreteres, y camudábense constantemente.^[4] Pasó enforma tiempu cola so güela, que moraba na ciudá de Nueva York. Asistió a una escuela católica para neñes, antes de matriculase nun conservatoriu de Boston y más tarde, nel Berklee College of Music. Orixinalmente, Webb siguió la so pasión pol cantar y empezó a cantar nos chigres de Nueva York, pero dio cuenta de qu'a pesar de que yera una apasionada nel cantar, ella decidió dedicase a l'actuación.^[5]

Años 1980

N'abril de 1982, Webb xunióse Forbidden Broadway, una revista d'Off-Broadway, faciendo parodies de teatru musical, cuantimás los musicales del circuitu de Broadway. En 1986, fixo'l so debú nel cine, nel filme del cineasta británicu Alex Cox, Sid & Nancy, xunto a Gary Oldman como Sid Vicious y Webb como la groupie adicta la heroína Nancy Spungen. Pola so actuación, llogró premios como meyor actriz, pola National Society of Film Critics, la Boston Society of Film Critics y la San Francisco Film Critics Circle.^[6] Depués siguiéron-y papeles secundarios como l'ayenada novia d'alta sociedá nel drama de 1987 empobináu por Peter Greenaway El banduyu del arquiteutu, xunto a Brian Dennehy.^[7]

Por esi periodu, interpretaría a Paoli, una moza de Pennsylvania con suaños de convertise nuna cantante d'ésitu na serie dramática de televisión China Beach de la cadena ABC. Nesta serie, Webb apaeció en namái siete episodios. En 1988, interpretó a la novia escéntrica de Danny DeVito, na película risible d'Ivan Reitman, Twins, tamién col protagónico d'Arnold Schwarzenegger y un cameo como una muyer convencida de que fuera secuestrada por estraterrestres en Ghostbusters II (1989). Nos intervalos ente papeles en películes y series de televisión, Webb apaeció con frecuencia en delles producciones teatrales, basaos en Los Angeles: The House of Blue Leaves, pola que ganó un premiu teatral y The Model Apartment, por que ganó un premiu del Los Angeles Drama Critics Circle Award.

Años 1990

En 1990, Webb co-protagonizó'l filme Heart Condition, xunto a Denzel Washington and Bob Hoskins. En 1991, interpretó'l papel d'una peluquera na comedia Queens Logic.^[8]

Nesi mesmu añu, Webb interpretó a una muyer con una discapacidá de desenvolvimientu que gana la llotería, pero la so fortuna lleva a la tensión ente la so madre y la so hermana na película pa televisión Lucky Day de ABC. Dempués realizaría otros papeles como la d'una trabayadora de la Cruz Bermeya, na película de drama australiana Silent Cries (1993), con Debra Winger nel filme A Dangerous Woman (1993). Tamién participaría en mini-series como la escéntrica Mona Ramsey en Tales of the City (1993) de Stephen Gyllenhaal. Otros papeles nesta década son: como l'amiga d'Annette Bening en Love Affair de 1994, el remake de la película de 1939 del mesmu nome; amiga del personaxe de Robin Wright en She's So Lovely y como Carla, l'amiga de Sandra Bullock en Practical Magic, (1998).

Años 2000

El nuevu sieglu, atopó Webb asumiendo apaiciones en delles series de televisión, ente elles: Judging Amy (2000), House M. D. (2005), Two and a Half Men (2005), Medium (2005) y CSI: Crime Scene Investigation (2008). Webb axuntóse nuevamente con Alex Cox en 2009, pa la so película Repo Chick; onde interpretó a la hermana Duncan.^[9]

Años 2010

El papel más recién de Webb foi como Monica Gallagher, ex esposa del personaxe de William H. Macy, na serie de televisión de comedia dramática Shameless; polo que-y valió una nominación a los Critics' Choice Television Award for Best Guest Performer in a Drama Series.^[10]

Filmografía

Añu	Títulu	Papel	Notes
1983	Remington Steele	Episodiu: "Steele Away with Me: Part 1"
1986	Mary	Actriz	Episodio: "Steppin' Out with Mary Brenner"
1986	Sid and Nancy	Nancy Spungen	National Society of Film Critics como meyor actriz Boston Society of Film Critics Award for Best Actress New York Film Critics Circle Award for Best Actress
1987	The Belly of an Architect	Louisa Kracklite
1988	China Beach	Laurette Barber	Siete episodio Nomada - Primetime Emmy a la meyor actriz convidada - Serie dramática
1988	Twins	Linda Mason
1989	Ghostbusters II	Elaine	Cameo
1990	Heart Condition	Crystal Gerrity
1991	Queens Logic
1991	Lucky Day	Allison	Película de televisión
1993	Twenty Bucks	Cameo
1993	Silent Cries	Dinki Denk
1993	Heart and Souls	Cameo
1993	A Dangerous Woman	Birdy
1993	Tales of the City	Mona Ramsey	mini-serie
1994	Love Affair	Tina Wilson
1997	She's So Lovely	Nancy Swearingen
1998	The Newton Boys	Avis Glasscock
1998	Practical Magic
2001	The Ballad of Lucy Whipple	Sophie	Película de televisión
2003	Judging Amy	Mrs. Goodman	Episodiu: "Tricks of the Trade"
2005	House M. D.	Cora	Episodiu: "DNR"
2005	Two and a Half Men	Trudy	Episodiu: "That Old Hose Bag Is My Mother"
2005	Medium	Margaret Folsom	Episodiu: "Time Out of Mind"
2008	CSI: Crime Scene Investigation	Evelyn Polychronopolous	Episodiu: "The Theory of Everything"
2009	Repo Chick	Hermana Duncan
2011–2015	Shameless	Monica Gallagher	Trece episodio Nominatea - Critics' Choice Television Award for Best Guest Performer in a Drama Series(2012)[11]

Referencies

1. Afirmao en: Gemeinsame Normdatei. Data de consulta: 2 mayu 2014. Llingua de la obra o nome: alemán. Autor: Biblioteca Nacional d'Alemaña.
2. Afirmao en: idRef. Identificador de referencia de idRef SUDOC: 078683637. Data de consulta: 11 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
3. Biography of Chloe Webb Consultáu'l 5 d'avientu de 2015
4. Biografía de Chloe Webb
5. Fortune Smiles On Chloe Webb. The Free Lance Star.. 9 de marzu de 1991. https://news.google.com/newspapers?nid=1298&dat=19910309&id=T-VLAAAAIBAJ&sjid=QYsDAAAAIBAJ&pg=5696,1640593. Consultáu'l 4 d'avientu de 2015. 
6. «Under The Skin Of 2 Vicious Lives» (inglés). Los Angeles Times (23 d'ochobre de 2015). Consultáu'l 5 d'avientu de 2015.
7. Chloe Webb-Biography and Filmography Consultáu'l 4 d'avientu de 2015
8. Biografía de Chloe Webb Consultáu'l 4 d'avientu de 2015
9. «"Gang member convicted of murdering 'Judging Amy' actress"» (inglés). Los Angeles Times. (23 de xineru de 2012). Consultáu'l 5 d'avientu de 2015.
10. «2012 Critics’ Choice Television Awards Announces Nominations» (inglés). CriticsChoice.com (5 de mayu de 2015). Archiváu dende l'orixinal, el 2013-06-03. Consultáu'l 4 d'avientu de 2015.
11. «Community' and 'Mad Men' lead 2012 Critics Choice nominations"» (inglés). Zap2it. (5 de xunu de 2012). Consultáu'l 4 d'avientu de 2015.

Enllaces esternos

• Wikimedia Commons acueye conteníu multimedia sobre Chloe Webb.