Jennifer Aniston
Jennifer Joanna Aniston (11 de febreru de 1969, Sherman Oaks (es) 
) ye una actriz norteamericana, direutora de cine y productora. Ganó la reconocencia mundial na década de 1990 por interpretar a Rachel Green na serie cómica de televisión Friends, un papel que-y fizo ganar un Premiu Emmy, un Premiu Globu d'Oru y un Premiu del Sindicatu d'Actores.
Aniston tamién esfrutó d'una exitosa carrera nel cine, apruciendo en delles producciones de Hollywood. Ganó allabances de la crítica poles sos interpretaciones en películes independientes como She's the One (1996), Office Space (1999), The Good Girl (2002) y Friends with Money (2006). Tuvo los sos mayores éxitos comerciales coles películes Bruce Almighty (2003), Along Came Polly (2004), The Break-Up (2006), Marley & Me (2008), y He's Just Not That Into You (2009).
Biografía
[editar | editar la fonte]Primeros años
[editar | editar la fonte]Jennifer Aniston nació'l 11 de febreru de 1969 en California y medró na ciudá de Nueva York. Ye fía del actor John Aniston, nacíu col nome Yannis Anastassakis y de l'actriz Nancy Dow. El pá d'Aniston ye greco-americanu, ya que nació na islla de Creta, en Grecia, mientres que so ma nació en Nueva York, descendiente d'ingleses y escoceses. Aniston tien dos mediu-hermanos, John Melick y Alex Aniston. So padrín yera l'actor Telly Savalas, el meyor amigu de so pá. Vivió en Grecia un añu cuando yera nena con so familia y más sero tornaron a Nueva York. So pa actuó nes telenoveles Days of Our Lives, Love of Life y Search for Tomorrow. Aniston foi a la escuela Rudolf Steiner y graduóse na secundaria de Manhattan Fiorello H. LaGuardia High School of Music & Art and Performing Arts. Trabayó en producciones de pocu valir, tales como For Dear Life y Dancing on Checker's Grave. Mientres esti tiempu, trabayó en dellos emplegos a tiempu parcial, incluyendo como teleoperadora y como mensaxera. En 1989 mudóse a Los Angeles, California.
Carrera
[editar | editar la fonte]Televisión
[editar | editar la fonte]Aniston mudóse a Hollywood, Los Angeles, California, y foi aceptada nel so primer papel de televisión en 1990, protagonizando na serie Molloy y na película de televisión Camp Cucamonga. Tamién co-protagonizó en Ferris Bueller, una adautación a la televisión de la éxitosa película de 1986 Ferris Bueller's Day Off. La serie, sicasí, foi rápidamente cancelada. Aniston llueu apaeció en dos programes de televisión cómicos, The Edge y Muddling Through, Herman's Head y Burke's Law. Dempués d'una serie de shows cancelaos, xunto cola so apaición nuna película de mieu de 1992, Leprechaun, Aniston consideró renunciar a l'actuación.
Los planes d'Aniston camudaron, dempués de facer l'audición pa Friends, una comedia que se fizo pa debutar en NBC en 1994-1995. Los productores del programa nun entamu queríen a Aniston pa facer l'audición pal papel de Monica Geller, pero Courteney Cox foi considerada meyor. Poro, Aniston foi escoyida como Rachel Green. Tamién se-y ufrió un llugar como actriz en Saturday Night Live, pero refugólu para tar en Friends. Interpretó'l personaxe de Rachel dende 1994 hasta que'l programa remató en 2004.
El programa foi éxitosu y Aniston, xunto colos sos compañeros de repartu, ganó una reputación en tol mundu ente los telespectadores. Aniston recibió un salariu d'un millón de dólares por episodiu poles dos caberes temporaes de Friends, como tamién cinco nominaciones al Emmy (dos por Actriz de Repartu, trés por Actriz Cimera), incluyendo un premiu a la Meyor Actriz nuna Serie de Comedia. Acordies col Llibru Guinness (2005), Aniston (xunto coles sos co-protagonistes femenines) convirtióse na actriz meyor pagada de tolos tiempos col cheque de pagu de $1 millón por episodiu pola décima temporada de Friends.
En 2007, Aniston protagonizó nun episodiu de la serie de Courteney Cox Dirt, interpretando al rival de Arquette, Tina Harrod. Aniston apaeció nel tercer episodiu de la Temporada 3 de 30 Rock de NBC interpretando a la compañera d'habitación de Liz Lemon quien xingla a Jack Donaghy. El 16 de xunetu de 2009, Aniston recibió una nominación al Emmy por Meyor Actriz Convidada nuna Serie de Comedia pol so papel en 30 Rock.
Aniston foi estrella convidada na Temporada 2 del estrenu de temporada de Cougar Town, interpretando a una psiquiatra.
Cine
[editar | editar la fonte]Mientres aprucía en Friends, Jennifer tamién entamó a tener papeles nel cine. Fizo'l so estrenu nel cine en Leprechaun en 1992 que foi esamináu con crítiques negatives, pero foi un éxitu comercial y ganó un seguimientu de cultu. Tres un paréntesis en cuatro años dende'l cine, Aniston tornó a trabayar nel cine en 1996, cuando interpretó los papeles secundarios nes películes independientes Dream for an Insomniac y She's the One xunto con Edward Burns y Cameron Diaz. El primer papel protagonista d'Aniston foi na película Picture Perfect (1997), na qu'actuó xunto a Kevin Bacon y Jay Mohr. Mientres que la película recibió crítiques desemeyaes, el rindimientu d'Aniston foi más bien recibíu, con munchos críticos encamentando que tenía presencia na pantalla.
Mientres la segunda metá de la década de 1990, protagonizó en delles películes como la película romántica 'Til There Was You (1997) con Dylan McDermott y Sarah Jessica Parker, The Thin Pink Line (1998), la película animada The Iron Giant (1999), y la comedia aclamada Office Space (1999). Ganó allabances de la crítica pola so interpretación en The Object of My Affection (1998), una comedia-drama sobre una muyer que se namora d'un home gay (interpretáu por Paul Rudd), y na película de baxu presupuestu de 2002 The Good Girl, interpretando a una caxera con pocu xeitu nun pequeñu pueblu. La postrer película estrenóse en pocos cines - menos de 700 en total - teniendo $14M na taquilla d'Estaos Xuníos.
El mayor éxitu de taquilla d'Aniston hasta la fecha foi pola so apaición na película de 2003 Bruce Almighty, na qu'interpretó a la novia del personaxe de Jim Carrey. Aniston llueu protagonizó na película de 2004 Along Came Polly, xunto a Ben Stiller. No cabero de 2005, Aniston remaneció en dos películes de grandes estudios, Derailed y Rumor Has It....
En 2006 Aniston aprució na película de baxu presupuestu Friends with Money, que foi estrenada nel Festival de Cine de Sundance y tuvo un probe llanzamientu. La siguiente película d'Aniston, The Break-Up, foi asoleyada el 2 de xunu y pañó aproximao 39.17 millones de dólares mientres la so primer fin de selmana, magar les crítiques poco entusiastes. En 2006 Aniston dirixó una sala d'emerxencies d'un curtiumetraxe llamáu Room 10, protagonizáu por Robin Wright y Kris Kristofferson. Aniston decatóse que prestába-y dirixir gracia a l'actriz Gwyneth Paltrow, que tamién dirixó un curtiumetraxe en 2006.
El 25 d'avientu de 2008 asoleyóse Marley & Me, na qu'Aniston foi protagonista xunto con Owen Wilson. Fixó un récor de ventes de 14.75 millones d'euros n'entraes nel día de Navidá. Ganó un total de 51.7 millones de dólares mientres el fin de selmana de cuatro díes y tuvo nel númberu 1 na taquilla, una posición que se caltuvo mientres dos selmanes. El total en tol mundu foi de 242.717.113 millones de dólares. La so siguiente película He's Just Not That Into You, onde yera protagonista xunto a Ben Affleck, estrenóse en febreru de 2009. La película consiguió 27.5 millones de dólares, allugándose nel númberu 1 na taquilla na so primer fin de selmana. Mientres la película recibió critiques, Aniston, xunto con Affleck, Ginnifer Goodwin y Jennifer Connelly, foron bien emponderaos polos críticos de la película.
En marzu de 2010, Aniston llanzó The Bounty Hunter, que co-protagonizó xunto a Gerald Butler. Mientres la película recibió crítiques sarcástiques de los críticos, foi un éxitu modestu na taquilla, ganando más de 130 millones de dólares en tol mundu. Una calecida receición de taquilla recibió The Switch, co-protagonizada con Jason Bateman. L'estrenu de la película nel fin de selmana de The Hollywood Reporter dexó 8.4 millones de dólares. La película recibió crítiques estremaes, col llugar Metacritic dándo-y 13 de 30 crítiques emitiendo un veredictu positivu. El 20 de xunu de 2010 les películes d'Aniston atroparen más de 1000 millones nos Estaos Xuníos y más de 1700 millones en tol mundu.
Just Go With It, con Adam Sandler, asoleyóse'l fin de selmana del Día de San Valentín en 2011. La historia ye sobre un ciruxanu plásticu, interpretáu por Sandler, que-y pide a la so xefe d'oficina, interpretada por Aniston, facese pasar pola so esposa p'amosar la so honestidá a la so moza novia, interpretada por Brooklyn Decker, dempués de tene-y dicho que ta casáu pa evitar comprometese con ella. Nicole Kidman tamién apruz na película como una antigua rival del personaxe d'Aniston.
Aniston tamién s'ameció a Colin Farrell, Jason Bateman, Charlie Day y Jamie Foxx nuna película cómica entitulada Horrible Bosses, dirixida por Seth Gordon. La película fala d'un tríu d'emplegaos que faen un complot p'asesinar a los sos supervisores. Aniston interpreta a ún de los xefes, una dentista sexualmente agresiva que xingla al personaxe de Charlie Day. Aniston firmó pa protagonizar en Wanderlust con Paul Rudd, con quien protagonizó la película de 1998 The Object of My Affection. El guión, que foi mercáu por Universal Pictures, foi escritu por Rudd, Ken Marino y David Wain col postreru tamién dirixendo la película y foi producida por Judd Apatow. La película cunta la historia d'una pareya casada que s'amestan a una comuna dempués de perder el dineru y decidir que la vida moderna nun ye pa ellos.
Otres xeres
[editar | editar la fonte]Aniston tien aprucío en dellos anuncios comerciales y vídeos musicales. En 1996 tuvo nel videu musical de Tom Petty and The Heartbreakers pa "Walls". En 2001 tuvo nel videu musical de Melissa Etheridge, "I Want To Be In Love". Foi escoyida nel anunciu de Heineken que foi llueu canceláu por problemes de marca. Aniston tamién tuvo n'anuncios pa L'Oréal. En 1994 Microsoft convidó a Aniston, xunto col so collaciu de trabayu Matthew Perry, a grabar un anunciu promocional de 30 minutos pal so nuevu sistema operativu Windows 95.
Xunto con Brad Pitt y Brad Grey, CEO de Paramount Pictures, Aniston fundó la compañía productora Plan B Entertainment en 2002, anque ella y Grey retiráronse en 2005. En 2008, ella y la so ñera Kristin Hahn aniciaron la compañía productora Echo Films.
Dende 2007 trabayó nuna campaña publicitaria pa la bebida SmartWater. Aniston trabayó más d'un añu nun nuevu perfume, que foi asoleyáu el 21 de xunetu de 2010 en Harrods en Londres. Los planes orixinales pidieron que'l perfume se llamara Lolavie por Jennifer Aniston, pero pa evitar tracamundios con un perfume que tenía un nome semeyáu, el nome foi camudáu a simplemente Jennifer Aniston.
Nuna entrevista tres el llanzamientu, Aniston dixo que-y gustaría aniciar tamién una fragancia pa homes.
Vida personal
[editar | editar la fonte]Aniston salió col so collaciu de televisión Charlie Schlatter en 1990 y mientres pocu tiempu salió col músicu Adam Duritz en 1995. Dende 1995 hasta 1998 tuvo venceyada románticamente col actor Tate Donovan.
En mayu de 1998 entamó a salir col actor Brad Pitt. Casáronse'l 29 de xunetu de 2000, nuna boda privada en Malibú. Por unos años el so matrimoniu foi consideráu un éxitu estrañu en Hollywood. Sicasí, la pareya anunción la so dixebra'l 6 de xineru de 2005. Pitt y Aniston foron vistos xuntos en públicu dempués d'anunciar la so dixebra, inclusive na folixa de cumpleaños del númberu 36 d'Aniston, y los amigos de la pareya declariaron que se taben reconciliando. Aniston, sicasí, solicitó'l divorciu'l 25 de marzu de 2005, que remató'l 2 d'ochobre de 2005. Mientres esti tiempu hebo espiculaciones nos medios sobre la supuesta infidelidá de Pitt cola so compañera de trabayu de Mr. & Mrs. Smith, Angelina Jolie.
Nos meses siguientes, la reaición del públicu hacia'l divorciu aprució na prensa. La historia tornóse en primer planu de los medios como Entertainment Tonight y Access Hollywood y fizo primer páxina en revistes sensacionalistes por munchos años, continuando hasta anguaño. Apaecieron camisetes de 'Team Aniston' y 'Team Jolie'.
Anistón espeyó que'l so divorciu emburrióla a averase a so ma, Nancy, de quien tuviera separtada cuasi una década. Alloñáronse nun entamu cuando Nancy faló sobre so fía nun show de televisión y llueu escribió un llibru entituláu From Mother and Daughter to Friends: A Memoir (1999). Aniston tamién dixo que taba estragada pola muerta del que foi'l so terapeuta mientres munchu tiempu, y la so llabor aidóla a que la so dixebra de Pitt fora muncho más cenciella. Aniston dixo que la so rellación con Pitt, de la que nun s'arrepiente, foron "siete años mui intensos xuntos" y que "foi una rellación fermosa y abegosa".
Dempués del so divorciu, Anistón entamó una rellación col actor Vince Vaughn, con quien protagonizó The Break-Up. Publicáronse problemes na rellación en setiembre de 2006, a lo que siguió una dixebra confirmada n'avientu d'esi añu. Salió col modelu británicu Paul Sculfor mientres dellos meses en 2007. En febreru de 2008 entamó a salir col músicu John Mayer. La pareya dixebróse n'agostu, pero volvieron a axuntase n'ochobre enantes de desapartase de nuevu en marzu de 2009.
Aniston fízose dos septoplasties pa correxir el so tabique esviáu -una que se fizo mal en 1994 y la segunda en xineru de 2007-.
Ye la madrina de Coco Riley Arquette, la fía de los sos amigos los actores Courteney Cox y David Arquette. En 2007 Forbes nominó a Aniston col top 10 de les muyeres más bayuroses del mundu del entretenimientu y camentó'l valor del so capital en 110 millones de dólares.
Tien una rellación col actor, direutor y guionista norteamericanu Justin Theroux.
Nos medios de comunicación
[editar | editar la fonte]Forbes numberó a Aniston como la décima muyer más bayurosa na industria del entretenimientu nel añu 2007. Tamién tuvo incluyida nel Top 10 de salarios de la revista The Holywood Reporter en 2006. Acordies con Forbes, n'ochobre de 2007, Aniston foi la cara afamada más vendida na industria del entretenimientu. Tamién foi la actriz más rentable de Hollywood. Aniston tuvo na llista 100 de Forbes, basada en "ganancies y fama", cada añu dende'l 2001, llegando a la cima nel 2003. Nel 2008 Forbes albidró les ganancies d'Aniston en 27 millones de dólares. Apaeció na llista añal de People de Les Más Fermoses cada añu dende 1995 y tuvo nel númberu unu nel 2004. En 2006 Aniston tuvo na llista de les Persones Meyor Vistíes. Foi titular de les 100 Muyeres Más Sexys dende 1996, allugándose nel númberu 81 en 2010, nel 24 en 2009 y nel 27 nel 2008. En 2011, The Telegraph informó de les estayes del cuerpu más buscaes de los ricos y afamaos, según espeyaron dos ciruxanos plásticos (que fixeran una encuesta ente los sos pacientes p'aniciar la semeya d'una muyer perfeuta). Baxo la categoría de la forma de cuerpu más naguada, Aniston foi votada nel top trés xunto con Gisele Bündchen y Penélope Cruz.
Anque a Aniston nun-y gustaba'l peináu que tuvo mientres los sos dos primeros años en Friends, aínda sigue gustando muncho ente les muyeres.
Filmografía
[editar | editar la fonte]| Añu | Títulu | Papel | Notes |
|---|---|---|---|
| 1993 | Leprechaun | Tory Reding | |
| 1996 | She's the One | Renee Fitzpatrick | |
| 1996 | Dream for an Insomniac | Allison | |
| 1997 | 'Til There Was You | Debbie | |
| 1997 | Picture Perfect | Kate Mosley | |
| 1998 | The Thin Pink Line | Clove | |
| 1998 | Waiting for Woody | Herself | Curtiumetraxe |
| 1998 | The Object of My Affection | Nina Borowski | |
| 1999 | Office Space | Joanna | |
| 1999 | The Iron Giant | Annie Hughes | Voz |
| 2001 | Rock Star | Emily Poule | |
| 2002 | The Good Girl | Justine Last | Película independiente |
| 2003 | Bruce Almighty | Grace Connelly | |
| 2003 | Abby Singer | Ella mesma | |
| 2004 | Along Came Polly | Polly Prince | |
| 2005 | Derailed | Lucinda Harris | |
| 2005 | Rumor Has It... | Sarah Huttinger | |
| 2006 | Friends with Money | Olivia | Película independiente |
| 2006 | The Break-Up | Brooke Meyers | |
| 2008 | Marley & Me | Jenny Grogan | |
| 2009 | He's just not that into you | Beth Murphy | |
| 2009 | Managament | Sue Claussen | Película independiente. Productora executiva |
| 2009 | Love Happens | Eloise Chandler | |
| 2009 | Journey to Sundance | Ella mesma | Documental |
| 2010 | The Bounty Hunter | Nicole Hurly | |
| 2010 | The Switch | Kassie Larson | También Productora Executiva |
| 2011 | Just Go with It | Katherine Murphy | |
| 2011 | Horrible Bosses | Dr. Julia Harris | |
| 2011 | Wanderlust | Linda | Estrena'l 07/10/2011 en EEUU |
| Añu | Títulu | Papel | Notes |
|---|---|---|---|
| 1990 | Molloy | Courtney | Papel cimeru |
| 1990 | Camp Cucamonga | Ava Schector | Película de televisión |
| 1990– 1991 |
Ferris Bueller | Jeannie Bueller | |
| 1992– 1993 |
The Edge | Dellos personaxes | Papel cimeru |
| 1994 | Muddling Through | Madeline Drego Cooper | Papel cimeru |
| 1994– 2004 |
Friends | Rachel Green | 236 episodios; ún de los seyes papeles cimeros |
| 2004 | Growing Up Grizzly 2 | Ella mesma – Anfitriona | Documental |
| Añu | Títulu | Papel | Notes |
|---|---|---|---|
| 1992 | Quantum Leap | Kiki Wilson | "Nowhere to Run" (Temporada 5, Episodiu 4) |
| 1992–1993 | Herman's Head | Suzie Brooks | "Twisted Sister" (Temporada 1, Episodiu 25) "Jay Is for Jealousy" (Temporada 3, Episodio 8) |
| 1994 | Burke's Law | Linda Campbell | "Who Killed the Beauty Queen?" (Temporada 1, Episodiu 4) |
| 1995 | The Larry Sanders Show | Ella mesma | "Conflict of Interest" (Temporada 4, Episodio 10) |
| 1998 | Partners | CPA Suzanne | "Follow the Clams?" (Temporada 1, Episodiu 17) |
| 1998 | Ellen | Ella mesma | "Ellen: A Hollywood Tribute: Part 2" (Temporada 5, Episodiu 20) |
| 1998 | Hércules | Galatea (Voz) | "Dream Date" (Temporada 1, Episodiu 27) |
| 1999 | South Park | Mrs. Stevens – Profesora de Coru (Voz) | "Rainforest Schmainforest" (Temporada 3, Episodiu 1) |
| 2003 | Freedom: A History of Us | Jessie Benton | "Wake Up America " (Temporada 1, Episodiu 4) |
| 2003 | King of the Hill | Pepperoni Sue/Stephanie (Voz) | "Queasy Rider" (Temporada 7, Episodio 13) |
| 2007 | Dirt | Tina Harrod | "Ita Missa Est" (Temporada 1, Episodiu 13) |
| 2008 | 30 Rock | Claire Harper | "The One with the Cast of Night Court" (Temporada 3, Episodiu 3) |
| 2010 | Cougar Town | Glenn | "All Mixed Up" (Temporada 2, Episodiu 1) |
| Añu | Título | Papel | Notes |
|---|---|---|---|
| 1996 | Steven Spielberg's Direutor's Chair | Laura | Voz |
Direutor
[editar | editar la fonte]| Añu | Títulu | Notes |
|---|---|---|
| 2006 | Room 10 | Curtiumetraxe |
Productora
[editar | editar la fonte]| Añu | Títulu | Notes |
|---|---|---|
| 2008 | Management | Productor executivu |
| 2010 | The Switch | Productor executivu |
| 2011 | The Goree Girls | Productora |
Premios
[editar | editar la fonte]| Añu | Categoría | Serie | Resultáu |
|---|---|---|---|
| 2003 | Globu d'Oru a la meyor actriz de serie de TV - Comedia o musical | Friends | Ganadora |
| 2002 | Globu d'Oru a la Meyor Actriz de repartu en Televisión | Friends | nomada |
| Añu | Categoría | Serie | Resultáu |
|---|---|---|---|
| 1996 | Premios SAG al Meyor Repartu de Televisión-Comedia | Friends | Ganadora |
| 1999 | Premios SAG al Meyor Repartu en Televisión-Comedia | Friends | nomada |
| 2000 | Premios SAG al Meyor Repartu en Televisión-Comedia | Friends | nomada |
| 2001 | Premios SAG al Meyor Repartu en Televisión-Comedia | Friends | nomada |
| 2002 | Premios SAG al Meyor Repartu en Televisión-Comedia | Friends | nomada |
| 2002 | Premios SAG a la Meyor Actriz de Televisión-Comedia | Friends | nomada |
| 2003 | Premios SAG a la Meyor Actriz de Televisión-Comedia | Friends | nomada |
| 2003 | Premios SAG al Meyor Repartu en Televisión-Comedia | Friends | nomada |
| 2004 | Premios SAG al Meyor Repartu en Televisión-Comedia | Friends | nomada |
| Año | Categoría | Serie | Resultáu |
|---|---|---|---|
| 2000 | Premios Emmy a la Meyor Actriz de repartu nuna serie de comedia | Friends | nomada |
| 2001 | Premios Emmy a la Meyor Actriz de repartu nuna serie de comedia | Friends | nomada |
| 2002 | Premios Emmy a la Mejor Actriz protagonista nuna serie de comedia | Friends | Ganadora |
| 2003 | Premios Emmy a la Mejor Actriz protagonista nuna serie de comedia | Friends | nomada |
| 2004 | Premios Emmy a la Mejor Actriz protagonista nuna serie de comedia | Friends | nomada |
Referencies
[editar | editar la fonte]- ↑ URL de la referencia: http://www.examiner.com/x-2530-Celebrity-Profile-Examiner.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Encyclopædia Britannica Online. Identificador Encyclopædia Britannica Online: biography/Jennifer-Aniston. Llingua de la obra o nome: inglés.
- ↑ URL de la referencia: http://people.com/celebrity/jennifer-aniston-and-justin-theroux-marry-in-bel-air-on-august-5/, . Data de consulta: 8 marzu 2018.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://walkoffame.com/jennifer-aniston/.
Enllaces esternos
[editar | editar la fonte]
Wikimedia Commons tien conteníu multimedia tocante a Jennifer Aniston.
| Control d'autoridaes |
|
|---|
Datos: Q32522- Multimedia: Jennifer Aniston
Cites famoses: Jennifer Aniston