Patricia Ellis

Patricia Ellis
Vida
Nacimientu	Birmingham, 20 de mayu de 1916[1]
Nacionalidá	Estaos Xuníos
Llingua materna	inglés
Muerte	Kansas City, 26 de marzu de 1970[1] (53 años)
Sepultura	Elmwood Cemetery ^(en)
Causa de la muerte	cáncanu
Estudios
Llingües falaes	inglés
Oficiu	actriz, actriz de cine, cantante
Emplegadores	Warner Bros.  (1932 –  1939) Metro-Goldwyn-Mayer  (1939 –  1956) Paramount Pictures  (1957 –  1970)
Trabayos destacaos	The Wizard of Oz
IMDb	nm0255012

Patricia Ellis (20 de mayu de 1916, Birmingham – 26 de marzu de 1970, Kansas City) foi una actriz cinematográfica d'Estaos Xuníos que trabayó fundamentalmente na década de 1930.

Biografía

Nacida en Birmingham (Michigan), Ellis interesóse yá de moza na interpretación, gracies en bona parte a ser la fiyasca del actor Alexander Leftwich. En 1932 ella fixo dos pequeños papeles, dambos ensin apaecer nos creitos, nes películes Three on a Match (Tres vides de muyer) y Central Park. Esi mesmu añu foi escoyida una de los catorce WAMPAS Baby Stars. Ellis, con 16 años, yera la más nueva de toes. Ente les otres escoyíes atopábase la futura lleenda de Hollywood Ginger Rogers y Gloria Stuart.

El so primer papel acreditáu llegó al añu siguiente, cola película The Kings Vacation, interpretada por George Arliss. Con esti títulu la so carrera desapegó y caltuvo un bon ritmu, anque bona parte de la mesma ocupóse nel cine de serie B. En 1933 trabayó n'ocho film, y en 1934 en siete. Empezó 1935 con A Night at the Ritz, na cual interpretaba'l papel femenín principal, xunto a William Gargan. Esi añu participó en siete títulos, y n'otros siete en 1936.

Trabayando xunto a delles de les más importantes estrelles de Hollywood, incluyendo a James Cagney, Ricardo Cortez, y Béla Lugosi, la carrera de Ellis llegó al so visu en 1937. Casi tolos sos papeles teníen llugar en comedies, anque tamién rodó delles películes de misteriu y policiaques, y yá en 1936 la mayor parte de les sos interpretaciones yeren primeros papeles. En 1937 trabayó en cinco film, en solu trés en 1938, y dos en 1939.

A diferencia de munches actrices de la dómina, que les sos carreres remataben cuando dexaben de recibir papeles, Patricia Ellis menguó la intensidá del so trabayu por eleición propia, y retiróse en 1941 pa casase con George T. O'Malley, un home de negocios de Kansas City (Missouri). Ellis dexó Hollywood y asitióse en Kansas City con cuenta de dedicase a la vida en familia. El matrimoniu duró hasta'l fallecimientu de Ellis por causa de un cáncer en 1970, con 53 años d'edá, en Kansas City.

Referencies

• Patricia Ellis na Internet Movie Database (n'inglés)
• Biografía de Patricia Ellis (enllaz rotu disponible n'Internet Archive; ver l'historial y la última versión).

Referencies

1. Afirmao en: autoridaes BNF. Identificador BnF: 14678143p. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

• Esta obra remanez de la traducción de Patricia Ellis de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.