Aydın Hüseynov (şahmatçı)

Vikipediyada bu ad-soyadlı digər şəxslər haqqında da məqalələr var; bax: Aydın Hüseynov.

Aydın Hüseynov
azərb. Aydın Hüseynov‎
Ölkə	SSRİ  Azərbaycan
Doğum adı	Aydın
Doğum tarixi	31 avqust 1957
Doğum yeri	Batumi, Gürcüstan SSR
Vəfat tarixi	30 oktyabr 2003 (46 yaşında)
Vəfat yeri	Bakı, Azərbaycan
Titulu	Qrosmeyster (1998)
Son reytinqi	2.489 (oktyabr 2003)[2]
Maksimal reytinqi	2513 (Yanvar, 1999)[1]
FİDE nömrəsi	13400169

Aydın Hüseynov (31 avqust 1957, Batumi - 30 oktyabr 2003, Bakı) — Azərbaycan şahmatçısı, qrosmeyster (1998).

Həyatı

Aydın «Burevestnik» klubda Vladimir Bağırovun qrupunda şahmatla məşğul olmağa başlayıb. Daha sonra Vladimir Makoqonovun qrupunda məşğul olub. Bütün şahmat karyerası boyunca Aydının məşqiçisi olmayıb. 1978-ci ildə idman ustası, 1995-ci ildə beynəlxalq usta, 1998-ci ildə isə beynəlxalq qrosmeyster titulunu qazanıb (Azərbaycan tarixində üçüncü qrosmeyster). 1991-1996-cı illər arasında Qatar Şahmat Federasiyasında məşqiçi kimi çalışıb. 2003-cü ilin 30 oktyabrında Bakı şəhərində vəfat edib.

Ailəsi

Həyat yoldaşı- Elmira Əliyeva 13 dəfə Azərbaycan çempionu, beynəlxalq usta, idman ustası titulunu qazanan ilk azərbaycanlı qadın

Oğlu- Elmir Hüseynov beynəlxalq usta, Gənlər arasında Azərbaycan çempionu, 2007-ci ildə Şahmat üzrə Azərbaycan Çempionu

Naliyyətləti

Zaqafqaziya Çempionatı

1982- Zaqafqaziya Çempionatı (Gəncə), birinci yer

1984- Zaqafqaziya Çempionatı (Tbilisi), üçüncü yer

1983- «Urojay» Cəmiyylərin Çempionatı, birinci yer

1987- SSRİ Çempionatı (Tümen), ikinci yer

1988-SSRİ Çempionatı (Ujqorod), ikinci yer

1990-SSRİ Çempionatı (Herson), ikinci yer

1996- Azərbaycan Çempinatı (Bakı), birinci yer

1983– Beynəlxalq turnir (Bakı), ikinci yer

1984– Beynəlxalq turnir (Çexiya) , birinci yer

1988– Beynəlxalq turnir (Polşa), birinci yer

1994– Beynəlxalq turnir (Özbəkistan), ikinci yer

1997– Beynəlxalq turnir (Azərbaycan, Zuğulba), birinci-ikinci yer

1998– Beynəlxalq turnir (Türkiyə, Ankara), birinci-ikinci yer

1999– Beynəlxalq turnir (Yunanıstan, Afina), ikinci-dördüncü yer

Aydın Hüseynov komanda turnirlərində Azərbaycanı demək olarki, 30 il təmsil edib:

1974 – SSRİ Spartakiada (məktəblər arası), birnci yer, birinci lövhə (7 oyundan 5.5 xal), Harri Kasparov ikinci lövhədə, komanda ikinci yer tutub

1990 – SSRİ Spartakiada, birinci yer ikinci lövhədə (9 oyundan 8 xal)

Aydın 1979 və 1983-cü ildə SSRİ Spartakiadasında Azərbaycanı təmsil edib. Həmçinin 1998-ci ildə Elistada keçirilən 33-cü Şahmat Olimpiadasında və 1997-ci ildə Xorvatiyanın Pula şəhərində keçirilən Avropa Şahmat Çempionatında iştirak edib.

İstinadlar

1. "FIDE rating history: Guseinov, Aidyn". www.olimpbase.org. 2022-12-14 tarixində arxivləşdirilib. İstifadə tarixi: 2024-08-09.
2. FIDE Ratings and Statistics (ing.).

• Ушел из жизни известный азербайджанский шахматист  (rus.)