Woppn | Deitschlandkoatn | |
---|---|---|
![]() |
Koordinaten: 48° 59′ N, 13° 18′ O | |
Basisdotn | ||
Bundesland: | Bayern | |
Regiarungsbeziak: | Niedabayern | |
Landkroas: | Landkroas Reng | |
Hechn: | 616 m ü. NHN | |
Flächn: | 60,13 km2 | |
Eihwohna: | 2693 (31. Dez. 2020)[1] | |
Bevökarungsdichtn: | 45 Einwohner je km2 | |
Postleitzoien: | 94258, 94518 (Linden) | |
Voawoi: | 09926 | |
Autokennzeichn: | REG | |
Gmoaschlissl: | 09 2 76 121 | |
Gmoagliedarung: | 15 Ortstei | |
Address vo da Gmoavawoitung: |
Rathausplatz 4 94258, 94518 (Linden) Frauenau | |
Webseitn: | ||
Buagamoasta: | Fritz Schreder (SPD) | |
Log vo da Gmoa Frauenau im Landkroas Reng | ||
![]() |
Frauenau, aa D'Au (amtle: Frauenau) is a Gmoa im niadabayerischn Landkroas Reng. De Leid duad song, se hand Auara.
D'Au im Boarischn Woid ligd am Fuas fom Rachl am Nationalpark Boarischa Woid und an da Glosstraß. Afm Gmoagebiet is de Drinkwossatoisperr Frauenau, de wou an groussn Tei fo Ostbayern mid Drinkwossa fasoagd. Frauenau is uma 7 km esdle fo Zwiesl, 22 km neadle fo Grafenau und 16 km fo da Groasstod Reng weg. Frauenau hod an Bohhof an da Woidboh.
De bolitische Gmoa Frauenau hod 15 amtli bnennte Ortstei[2]:
|
|
|
Es gibt nua de Gemarkung Frauenau.
Anno 1324, da Lainbruada Hermann is fom Glousta Niadaoida iwa Rinchna ins Toi da wuidn Au kema gwen und hod mid Rodunga oogfangd kod. 1331, da Hermann is 1326 gschdoam gwen, do hod da Hartwig fo Degenberg, a häizane Kapäin fiara Bäidl fo da schmeazhaftn Muttagottes (Pietà) baud kod, des wo eam ois wundatäte bschriem woan is. Den Toigrund hoda dano Unsa Liam Fraun Aue gnennd. Iwa de Joohundad san dano Woifora kema gwen. Im 18. Joohundad homs de gotisch Krumanaua Kiacha ogrissn und a Rokokokiacha hibaud kod, in dera Midd no oiwai des Gnadnbäidl fo da Liam Frau is.
Wia iwaroi im Woid, is d Glosmocharei wichde gwen. 1420 homs scho de easchd Gloshittn baud kod. 1568 hods de Famäi fo Poschinga kaffd und bis heid nimma heagem. Da Benedikt Poschinga is 1790 Gaadld woan und hod damid d Heaschofd iwa Frauenau im Kuafiaschdndum Baian griagd kod. Da no biagaliche Poschinga hod scho 1785 de Hofmarksgrichtsbarkeit af seim Gloshittnguad z Owafrauanau griagd. Seit 1818 is de Gmoa aso wias etz is. Prägd fo Woid und Glos.
Zweng de Woifora, is Frauenau scho um 1342 a Pfoarei woan und hod zan Bistum Bassa kead. Pfoakiacha is de Rokokokiach Mariä Himmefoat und d Filioikiach St. Gunther z Buchnau (Gmoa Lindberg) gwen. Fo 2004 oo, buin Frauenau und d Gmoa Lindberg den Pfoavoband Frauenau-Lindberg unta da Leitung fom Pfoara Lorenz Glatz, dea im Hirgschd 2009 de Nochfoig fom Pfoara Robert Rödig oodren hod. Fiad evangelische Kiachagmoa is de Evang.-luth. Pfoarei Zwiesl untam Pforra Heiko Hermann zuaschdande.
A Badnaschoft bschdäd mid da Gmoa Nový Bor, Tschechei, (ba.: Haida), de wia Frauenau a Glosmocha-Dradition hod.
In Säiwa a schräg gstäida fimfbladdriga rouda Lindnzweig.
Achslach | Arnbruck | Bischofsmais | Eisnstoa | Bebra | Bomoas | Drachselsriad | Frauenau | Geiersthal | Gotteszell | Kiaberg | Kiadorf im Woid | Kollnburg | Langdoaf | Lindberg | Patersdorf | Prackenbach | Reng | Rinchnach | Ruhmannsfeldn | Teisnach | Veita | Zachenberg | Zwiesl |