Nokia Lumia 620

Nokia Lumia 620
Nokia Lumia 620
Гандлёвая марка	Нокія
Вытворца	Nokia (Фінляндыя)
Сэрыя	Lumia series^[d]
Дыяпазоны частасьцяў	GSM/GPRS/EDGE 850/900/1800/1900, HSPA 850/900/1900/2100, Wi-Fi, NFC
Дата выпуску	студзень 2013
Дата спыненьня	2015
Папярэднік	Nokia Lumia 610^[d]
Наступнік	Nokia Lumia 625^[d]
Тып корпусу	Пліта
Маса	127 грамаў
Памеры	115×61×11 мм
Апэрацыйная сыстэма	Windows Phone 8^[d]
Цэнтральны працэсар	Qualcomm Snapdragon^[d]
Пярэдняя камэра	5 млн. піксэлаў, сьветладыёдная ўспышка, аўтафакусаваньне
Інтэрфэйсы	USB 2.0, Bluetooth 3.0, 802.11a/b/g/n
nokia.com/global/… (анг.)
Nokia Lumia 620 у Вікісховішчы

Nokia Lumia 620 (па-фінску: Lumi — сьнег) — смартфон, выпушчаны Nokia для Windows Phone 8 у сьнежні 2012 году замест ранейшага Nokia Lumia 610. Апэрацыйная сыстэма WP8 мае беларускамоўны інтэрфэйс. Зьявіўся на рынку ў студзені 2013 г. у Азіі па розьнічнай цане $249. Зарада акумулятара стае на 15 гадзінаў размоваў або на 13 дзён і 18 гадзінаў чаканьня (гадз. размовы = 22 гадз. чаканьня або 65 хвілінаў размовы = суткі чаканьня). Паказьнік паглынаньня выпраменьваньня (SAR) ад тэлефона складаў 0,86 ват/кг^[1].

Уласьцівасьці

Дотыкавы экран памерам 3,8 цаляў з тонкастужкавых транзыстараў (TFT) меў разрозьненьне 480×800 піксэлаў (246 пкс/цаля) і здольнасьць адлюстроўваць да 16 млн адценьняў. Сховішча складала 8 гігабайтаў з магчымасьцю пашырэньня за кошт падлучэньня картаў памяці, апэратыўная запамінальная прылада — 512 мэгабайтаў. Камэра дазваляе ствараць высокаразрозьненае відэа ў 720 паземных лініяў з суадносінамі бакоў 16:9 (1,78:1). Двухядзерны працэсар мае частасьць 1 гігагэрц. Корпус прапаноўваўся ў адным з 5 адценьняў — аранжавы, блакітны, ружовы, салатавы або фіялетавы^[2].

Крыніцы

1. Удзельны каэфіцыент паглынаньня для Нокіа 620 (RM-846) // Нокіа Праверана 3 чэрвеня 2013 г.
2. Nokia Lumia 620 // Майкрасофт Праверана 3 чэрвеня 2013 г.