Joane Somarriba

Joane Somarriba
Bizitza
Jaiotzako izen-deiturak	Joane Somarriba Arrola
Jaiotza	Gernika-Lumo, 1972ko abuztuaren 11 (52 urte)
Herrialdea	Bizkaia, Euskal Herria
Lehen hizkuntza	euskara
Familia
Ezkontidea(k)	Ramón González Arrieta
Hezkuntza
Hizkuntzak	euskara gaztelania
Jarduerak
Jarduerak	txirrindularia
Ibilbidea
Taldeak	Urteak
Bizkaia-Durango	2003-2006
Pragma Deia Colnago ^(en)	2002-2002
Alfa Lum ^(en)	1999-2001
Vittorio Veneto-Sprint ^(en)	1998-1998
Parte-hartzailea 2004ko Udako Olinpiar Jokoak 2000ko Udako Olinpiar Jokoak 1996ko Udako Olinpiar Jokoak
Jasotako sariak	ikusi Euskal Herritar Unibertsala Saria  (2004) Letizia Erregina saria  (2003) kirol merezimenduzko errege ordenako urrezko domina  (2001)
joanesomarriba.com

Joane Somarriba Arrola (Gernika, Bizkaia, 1972ko abuztuaren 11 - ) euskal txirrindulari profesional ohia. Emakumezkoen txirrindularitzako zirkuitoetan nabarmendu zen lehen emakume euskalduna.^[1] Bi Giro eta hiru Tour irabazi ditu eta 2004ko Atenasko Olinpiar Jokoetan parte hartu zuen.^[2][3]

Bizitza

Gernikan jaio zen eta Sopelan hazi. Lau ahizpa ditu, bera bigarrena delarik. Bere familian txikitatik ezagutu zuen ziklismoa, kirolariz inguratuta hazi baitzen eta haren aitak, marinela ogibidez, osabak eta ahizpa zaharrenak urteak eman baitzituzten txirrindularitzan.^[4] 8 urterekin hasi zen txirrindularitzan.^[5] 1991n hernia diskal baten ondorioz 18 hilabetez errepideetatik kanpo igon zen. Medikuek txirrindularitza uzteko gomendatu bazioten ere, Somarribak aurrera egin zuen. Bere karrera garatzeko 1999an Italiara joan zen eta profesional gisa Alfa Lum taldearekin fitxatu eta garaipenak eskuratzen hasi zen, egun oso txirrindulari gutxik lortu duena.^[6]

Bere lorpen nagusien artean hauek: Emakumezkoen Frantziako Tourra irabazten lehenengo euskalduna izan da, eta guztira hiru aldiz lortu du (2000, 2001 eta 2003). Milurteko lehen Frantziako Tourrean, 2001ean, lehen zenbakia zeraman dortsala eraman zuen eta bere ohorean Bilbon hasi zen lehen etapa. Edizio horretan Tourra berriro irabazi zuenean podium-era ikurriñarekin igo zen eta hedabideek hedatu zuten irudia mundu osora zabaldu zen.^[2] Gainera, Emakumezkoen Italiako Giroa (1999 eta 2000) eta Munduko Erlojupeko Txapelketa ere bi aldiz eskuratu ditu.

Txirrindulari profesional izandako Ramón González Arrieta izan zuen entrenatzaile baita ezkontidea ere.

2005eko Munduko Txapelketa burutu ondoren (bigarren postuan) txirrindularitza profesionaletik erretiratu zen.^[7][5]

Sariak eta errekonozimenduak

2004ko urriaren 14an "Euskal Herritar Unibertsala" saria jaso zuen Juan Jose Ibarretxe Lehendakariaren eskutik bere arrakastengatik ez ezik, gizonezkoen eta emakumezkoen arteko berdintasuna lortzeko egindakoagatik, baita Euskal Herriaren izen ona zabaltzeagatik ere.^[8]

Palmaresa

1990 1. Bizkaiko Itzulian 1996 4. Italiako Giroan 11. Atlantako Joku Olinpikoetan erlojupeko proban 1998 6. Italiako Giroan 14. La Flèche Wallonnen (Belgika) 4. Bolzanoko Giroan 3. Trentinoko Giroan 3. Luganoko Sari Nagusian 1999 Italiako Giroa eta etapa 1 1. Venetoko Giroan 2. Bizkaiko Itzulian 2000 Italiako Giroa eta etapa 1 Frantziako Tourra eta 2 etapa 1. Akitaniako Tourrean 1. Bizkaiko Itzulian 5. Sydneyko Joku Olinpikoetan erlojupeko proban[9] 2001 Frantziako Tourra eta 3 etapa 5. Italiako Giroan

2002 3. Frantziako Tourrean 3. Munduko errepideko Txapelketan 4. Munduko erlojupeko Txapelketan 1. Durangoko Nazioarteko Klasikoan 2003 Frantziako Tourra eta 2 etapa[10] 3. Italiako Giroan[11] Munduko erlojupeko txapelketa[12] 1. Durangoko Nazioarteko Klasikoan 4. Plouayko Munduko Kopan (Frantzia) 2004 1. Bizkaiko Itzulian[13] 7. Munduko errepideko Txapelketan[14] 4. Munduko erlojupeko Txapelketan[15] 7. Atenasko Joku Olinpikoetan erlojupeko proban 7. Atenasko Joku Olinpikoetan errepideko proban 2005 2. Munduko erlojupeko Txapelketan[16] 1. Trophee d'Or 2. Italiako Giroan[17] 8. Emakumeen Bira

Sailkapen orokorra Itzuli Handietan

Lasterketa	1999	2000	2001	2002	2003	2004	2005
Italiako Giroa	1.	1.	-	-	3.	-	2.
Tour de l'Aude	-	-	-	-	-	-	-
Frantziako Tourra	-	1.	1.	3.	1.	-	-
Munduko txapelketa	-	-	-	3.	-	7.	-
Munduko erlojupeko tx.	-	-	-	-	1.	4.	2.

Erreferentziak

1. «Joane Somarriba» www.procyclingstats.com (Noiz kontsultatua: 2019-05-31).
2. ↑ «Somarriba Arrola, Joane - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2019-05-31).
3. Berria. «Joane Somarriba: "Joko Olinpikoak dira orain nire helburua"» Berria (Noiz kontsultatua: 2019-05-31).
4. Hirukide. «Joane Somarriba – "Nire amak beti animatu nau asko eta asko lagundu dit txikitatik nituen amets horiek betetzen"» Hirukide (Noiz kontsultatua: 2019-05-31).
5. ↑ (Gaztelaniaz) «Joane Somarriba, una pionera en el ciclismo» El Correo 2018-10-01 (Noiz kontsultatua: 2019-05-31).
6. «Elkarrizketa: Joane Somarriba» www.euskonews.eus (Noiz kontsultatua: 2019-05-31).
7. Berria: «Burua txirrindularitza uzteko egina daukat, aspertuta nago dagoeneko»^{[Betiko hautsitako esteka]}
8. «"Euskal Herritar Unibertsala" saria jaso du Joane Somarribak - Ukberri - Hiruka.eus» hiruka.eus (Noiz kontsultatua: 2019-05-31).
9. Emaitzak Joko Olinpiarretan
10. Berria: horiz, hirugarrenez^{[Betiko hautsitako esteka]}
11. Berria: Somarriba hirugarren izan da azkenean^{[Betiko hautsitako esteka]}
12. Berria: Egoskorkeriari urrea^{[Betiko hautsitako esteka]}
13. Berria: Somarriba eta Mayo, nor hobeto?^{[Betiko hautsitako esteka]}
14. Berria: Berriz ere zazpigarren^{[Betiko hautsitako esteka]}
15. Berria: Mikatza eta mingarria^{[Betiko hautsitako esteka]}
16. Berria: Zilarrezko buruko mina^{[Betiko hautsitako esteka]}
17. Berria: Boubnekovak irabazi du azken aurreko etapa, eta Somarribak bigarren amaituko du^{[Betiko hautsitako esteka]}

Ikus, gainera

• Txirrindularitza

Kanpo estekak

• Joane Somarriba - ProCyclingStats
• (Gaztelaniaz)Joane Somarribaren webgunea
• Joane Somarribari elkarrizketa (Radio Euskadi, 2016)
• Elkarrizketa: Barruan daramat ziklismoa, eta oso polita da sentipen zaharrak berritzea Berria, 2023.06.17