Aquilla Smith

Aquilla Smith

Biografía
Nacemento	28 de abril de 1806 Nenagh - Aonach Urmhumhan, Irlanda
Morte	1890 (83/84 anos) Dublín, Irlanda
Educación	Trinity College Dublín
Actividade
Campo de traballo	Medicina, numismática, arqueoloxía.
Ocupación	anticuario, numismático, médico
Familia
Fillos	Walter George Smith, Vincent Arthur Smith
Premios
(1878): Medalla Cunningham (RIA). (1884): Medalla da RNS.
Descrito pola fonte	Dictionary of National Biography
Lista (1878)  Cunningham Medal ^(en)

Aquilla Smith, nado o 28 de abril de 1806 en Nenagh, condado de Tipperary, e finado o 23 de marzo de 1890 en Dublín, foi un médico, numismático e arqueólogo irlandés.

Como numismático, foi unha autoridade en moeda irlandesa.^[1][2][3]

Traxectoria

Vida familiar

Smith naceu en Nenagh, Co. Tipperary, en 1806 fillo máis novo de Aquilla e de Catherine Doolan.^[4][5]

En 1831 casou coa súa curmá Esther Faucett, con quen tivo trece fillos, un deles o destacado historiador e indoloxista Vincent Arthur Smith (1843-1920).

Carreira médica

Logo dalgúns anos de educación en institucións privadas, en 1823 ingresou no Trinity College, da Universidade de Dublín, na capital irlandesa, e en 1825 pasou a ser alumno do Real Colexio de Cirurxiáns de Irlanda (Royal College of Surgeons), aínda que unha doenza o obrigou a deter os seus estudos e, finalmente, en 1827 optou por abandonar a cirurxía en favor da medicina.^[5] Así foi que en 1833 acadou a súa graduación en Medicina e en 1839 recibiu o doutoramentio con honras pola Universidade de Dublín, e ese mesmo ano foi elixido membro do King and Queen's College of Physicians.^[4][6]

Smith foi posteriormente profesor de Materia Medica no mesmo King and Queen's College e de Farmacia na na School of Physic entre 1864 e 1881, e exerceu como médico no hospital Sir Patrick Dun.^[4][7]

Aquilla Smith Foi o representante do Colexio Irlandés de Médicos (Irish College of Physicians) no Consello Médico Xeral de Irlanda de 1851 a 1890. Ademais, foi o editor da publicación periódica Dublin Pharmacopaeia (1850).^[4][7]

Carreira numismática

Smith amosou desde ben cedo o seu interese pola numismática, alentado polo seu amigo Richard Sainthill^[8] –arredor de 500 ilustracións da obra deste último titulada An Olla podrida (1853) eran obra de Smith, e o seu segundo volume está dedicado a el–.^[9][10]

Os traballos de mellora das infraestruturas en Irlanda na primeira metade do século XIX deixou ao descuberto unha importante cantidade de achados arqueolóxicos e Aquilla Smith, xunto con numismáticos como John Lindsay (1789-1870) e filólogos como J. H. Todd (1805-1869), trataron de facer un estudo crítico dese material. Paralelamente ao estudo, Smith foi xuntando unha das mellores coleccións de moedas e fichas comerciais irlandesas, que posteriormente foron adquiridas pola Real Academia de Irlanda, en 1872.^[11]

Aquilla Smith foi elixido membro da Real Academia de Irlanda en 1835 e entrou a formar parte do seu consello directivo en 1838.^[12] Ademais, foi tamén membro da Royal Numismatic Society, de Londres, durante máis de tres décadas.^[10]

Recoñecementos

• (1878): Medalla Cunningham, da Royal Irish Academy, de Dublín.^[13]
• (1884): Medalla da Royal Numismatic Society, de Londres.^[14]

Premio Aquilla Smith

Na memoria de Aquilla Smith, o Trinity College de Dublín instituíu en 1932 o Premio Aquilla Smith, dotado duns fondos legados por un dos seus fillos, Walter G.Smith. Con el, prémiase anualmente o estudante con mellores resultados académicos en Patoloxía e Microbioloxía, no terceiro ano dos estudos de Medicina.^[15]

Publicacións

Smith concentrou os seus artigos científicos nunhas poucas revistas; os relativos á medicina en Journal of Medical Science, de Dublín, e os relacionados coa numismática e a arqueoloxía fundamentalmente en Numismatic Chronicle, en Transactions Proceedings of the Royal Irish Academy, en Proceedings of the Royal Irish Academy, en Journal of Historical and Archaeological Association e en Journal of Medical Science. As súas ilustracións foron publicadas na súa maioría en Transactions of the Kilkenny Archaeological Society. Esta é unha escolma do máis significativo da súa obra:^[16][17]

Sobre medicina

• (1867). "On acupressure". En The British Medical Journal. Vol. 2. Nº 346. Páxina 165.
• (1867). "Convalescent hospital". En The British Medical Journal. Vol. 2. Nº 354. Páxina 326.
• (1868). "On the treatment of small-pox". En The British Medical Journal. Vol. 1. Nº 380. Páxina 346.
• (1868). "Contributions to the History of Medicine (I)". En The British Medical Journal. Vol. 1. Nº 388. Páxina 554.
• (1868). "Contributions to the History of Medicine (II)". En The British Medical Journal. Vol. 1. Nº 391. Páxina 631.
• (1869). "On the treatment of cholera". En The British Medical Journal. Vol. 1. Nº 421. Páxinas 71-72.
• (1869). "On malpositions of the uterus". En The British Medical Journal. Vol. 1. Nº 423. Páxina 116.

Sobre numismática irlandesa

• (1841). "On the Coins of Henry VII". En Proceedings of The Royal Irish Academy. Vol. 2. Nº 30. Páxina 115.
• (1842). "On the irish coins of Edward IV". En The Numismatic Chronicle. Vol. 4. Páxinas 41-54.
• (1843). "On the Irish Coins of Edward the Fourth". En Transactions of the Royal Irish Academy. Vol. XIX. Páxinas 1-49
• (1843). "On the Irish Coins of Henry the Seventh", Transactions of the Royal Irish Academy. Vol. XIX. Páxinas 50-83.
• (1849). "Catalogue of the tradesmen's tokens current in Ireland between the years 1637 and 1679". En Proceedings of the Royal Irish Academy. Vol. IV.
• (1852). "Kilkenny Tradesmen's Tokens". En Kilkenny Archaeological Society. Vol. 2. Nº 1. Páxinas 155-159.
• (1853). "On Scotch Coins and Counterfeits in Ireland". En Proceedings of the Royal Irish Academy. Vol. 5. Páxinas 324-331.
• (1854). "Curious forgeries of scotch coins". En The Numismatic Chronicle. Vol. 16. Páxinas 23-29.
• (1854). "On the Ormonde Money'. Transactions of the Kilkenny Archaeological Society. Vol. III. Nº 1. Páxinas 16-24.
• (1854). "On the Irish Pewter Coins of James II". En Transactions of the Kilkenny Archaeological Society. Vol. III. Nº 1. Páxinas 141-146.
• (1855). "On the Irish Coins of Mary". En Transactions of the Kilkenny Archaeological Society. Vol. III. Nº 2. Páxinas 357-368.
• (1856). "On the Copper Coin commonly called St. Patrick's". En Transactions of the Kilkenny Archaeological Society. Vol. III. Páxinas 67-76.
• (1858). "Catalogue of Leaden and Pewter Tokens Issued in Ireland". En Journal of the Kilkenny and South-East of Ireland Archaeological Society. Vol. 2. Nº 1. Páxinas 215-221.
• (1860). "Money of Necessity Issued in Ireland in the Reign of Charles the First". En The Journal of the Kilkenny and South-East of Ireland Archaeological Society. Vol. 3. Nº 1. Páxinas 11-20, 134-144.
• (1863). "On inedited silver farthings coined in Ireland". En The Numismatic Chronicle. Vol. 3. Páxinas 149-161.
• (1864). "On the type of the first anglo-irish coinage". En The Numismatic Chronicle. Vol. 4. Páxinas 102-113.
• (1869). "On the Copper Tokens Issued in Ireland from 1728 to 1761". En The Journal of the Historical and Archaeological Association of Ireland. Vol. 1. Nº 2. Páxinas 417-434.
• (1870). "Money of necessity issued in Ireland in the reign of James the second". En The Numismatic Chronicle. Vol. 10. Páxinas 244-266.
• (1879). "Notes on the Irish Coins of James I". En The Numismatic Chronicle. Vol. 19. Páxinas 185-190.
• (1879). "Irish silver coins of Henry VIII". En The Numismatic Chronicle. Vol. 19. Páxinas 157-184.
• (1881). "On the Irish coins of Richard III". En The Numismatic Chronicle. 3ª serie. Nº 1. Páxinas 310-333.
• (1882). "Saxon coins found in Ireland". En The Numismatic Chronicle. Vol. 2. Páxinas 103-107.
• (1882). "Mode of coining hammered money in Persia". En The Numismatic Chronicle. 3ª serie. Vol. 2. Páxinas 299-300.
• (1882). "When was money first coined in Ireland?". En The Numismatic Chronicle. 3ª serie. Vol. 2. Páxinas 308-318.
• (1883). "The human hand on Hiberno-Danish coins". En The Numismatic Chronicle. 3ª serie. Vol. 3. Páxinas 32-39.

Notas

1. Falkiner, C. L.; Legg, M. (2004).
2. "Proceedings of the Numismatic Society" (1890).
3. Moore, J. W. (1890).
4. "Proceedings of the Numismatic Society" (1890). Páxina 23.
5. Moore, J. W. (1890). Páxina 476.
6. Moore, J. W. (1890). Páxina 477.
7. Moore, J. W. (1890). Páxina 478.
8. "Richard Sainthill (1787-1870)". National Gallery of Ireland.
9. Sainthill, R. (1853). An Olla Podrida or Scraps, Numismatics, anticuarian and literary. Londres.
10. "Proceedings of the Numismatic Society" (1890). Páxina 24.
11. "Proceedings of the Numismatic Society" (1890). Páxina 26.
12. Moore, J. W. (1890). Páxina 479.
13. Went, A. E. J. (1973). “The Cunningham Medal of the Royal Irish Academy”. En Proceedings of the Royal Irish Academy: Archaeology, Culture, History, Literature. Vol. 73. Páxina 104.
14. "The Society’s Medal". Royal Numismatic Society.
15. "Aquilla Smith Prize". Calendar 2019-2020. Trinity College Dublin. Páxina 238.
16. "Proceedings of the Numismatic Society" (1890). Páxinas 25-26, 41-42.
17. "Smith, Aquilla 1806-1890". WorldCat Identities.

Véxase tamén

Bibliografía

• Falkiner, C. L.; Legg, M. (2004). "Smith, Aquilla (1806-1890)". Oxford Dictionary of National Biography (online ed.). Oxford University Press.
• Moore, J. W. (1890). "In memoriam Aquilla Smith". En The Dublin Journal of Medical Science. Vol. 89. Páxinas 476-480. [https://zenodo.org/record/2316317/files/article.pdf]
• "Obituary of Aquilla Smith". En Proceedings of the Royal Irish Academy. 3ª serie. Vol. 2 (Appendix). 1891. Páxinas 79-81.
• "Proceedings of the Numismatic Society" (1890). En Numismatic Chronicle. 3ª serie. Nº 10. 1890. Páxinas 22-26, 41-42.