Fran Perea

Fran Perea

(2015)
Biografía
Nacemento	(es) Francisco Manuel Perea Bilbao 20 de novembro de 1978 (45 anos) Málaga, España
Actividade
Ocupación	cantante, actor, actor de televisión
Período de actividade	2000 -
Instrumento	Voz
Páxina web	franperea.com

Francisco Manuel Perea Bilbao, nado en Málaga o 20 de novembro de 1978, máis coñecido como Fran Perea, é un actor e cantante español.

Biografía

Fran Perea no photocall de Alicia no país das marabillas en 2010.

Fillo de José Joaquín Perea Rodríguez e Amparo Bilbao Guerrero. Formou parte dun grupo de música e dos scout no Grupo 39 de Málaga, durante a súa mocidade, antes de licenciarse en Arte Dramática na Escola Superior de Arte Dramática de Málaga.

Televisión

Estreouse como actor nun capítulo de El comisario (Telecinco), aínda que se fixo coñecido en Al salir de clase un ano máis tarde. En 2003 recibiu a oferta de interpretar un papel en Los Serrano (Telecinco), serie á que puxo banda sonora grazas a unha canción de Mikel Erentxun. A principios de 2006 deixou o seu personaxe para dedicarse ao cine.

Tras este traballo, Fran diminuía a súa presenza en televisión, aínda que tivo un papel en varios capítulos de Hospital Central (Telecinco), e quixo participar no regreso do mítico programa Estudio 1 en La 2 de Televisión Española, neste caso como protagonista masculino da obra La viuda valenciana, adaptación da obra de Lope de Vega, xunto a Aitana Sánchez Gijón en 2010. Este programa foi a primeira produción en alta definición en España. Tamén en 2010 participou no programa Tu vista favorita (Cuatro), onde nos presentou o Valle de Abdalajís, o pobo natal da súa nai, na provincia de Málaga.

En abril de 2012, Antena 3 estrea Luna, el misterio de Calenda onde Fran Perea interpreta a Nacho, un garda civil da sección xudicial que axuda ao seu tenente (Daniel Grao) e á xuíz interpretada por Belén Rueda a desvelar os estraños acontecementos que ocorren en Calenda.

Música

En canto á súa carreira musical, en 2003 converteuse no número 1 das listas musicais españolas con "1+1 son 7". La chica de la habitación de al lado saíu en outubro dese mesmo ano, con temas compostos por Pau Donés, Coti e Xabi San Martín. Foi nomeado aos Premios Amigo 2003 como Artista Revelación e ten 4 discos de platino e 1 disco de ouro. En xuño de 2005 saíu o seu segundo disco ao mercado: Punto y aparte, do que seis temas foron compostos por el mesmo e a súa banda.

O 26 de abril de 2010 lanzou o seu terceiro disco: Viejos conocidos, esta vez baixo o seu propio selo musical, Sinfonía en Nobemol, en España. É o primeiro traballo musical elaborado integramente por el, quen tamén se apoiou na súa banda á hora de compor a música das cancións que o integrarán.

A súa xira Viejos conocidos xa percorreu en 2012 cidades como Zaragoza, Ávila, Madrid e Málaga.

Cine

Xunto con Paco León protagonizou a primeira película como director de Fernando Guillén Cuervo: Los Mánagers (2006). Tamén participou en El camino de los ingleses (2006), a segunda película como director de Antonio Banderas na súa Málaga natal. Tamén formou parte do elenco da película Las trece rosas (2007) e de Balada triste de trompeta, do director Álex de la Iglesia (2010).

En xuño de 2010 participou na gravación da película De tu ventana a la mía, xunto a Maribel Verdú e Roberto Álamo. Trátase da primeira película da directora aragonesa Paula Ortiz. Tamén é o protagonista da curtametraxe El opositor, dos directores María Giráldez e Miguel Provencio, que está cultivando premios en case todos os festivais nacionais. Con eles repetiu no curto Life vest under your seat (Voamos cara a Miami), gravado en 2011.

Teatro

No verán de 2007, aparcou a súa carreira musical para participar na montaxe de Fedra, do director José Carlos Plaza con texto de Juan Mayorga. Nesta obra, deu vida a Hipólito e Ana Belén a Fedra. Desde mediados de 2008 ata mediados de 2009 estivo de xira coa obra Don Juan, el burlador de Sevilla ao redor de numerosas cidades españolas, así como en Niza e Nápoles. En 2010 representou a obra Todos eran mis hijos, de Arthur Miller, dirixida por Claudio Tolcachir no papel de Chris, un dos protagonistas. Dous anos máis tarde, no Festival de Mérida, de novo ás ordes de Plaza, formou parte do elenco de Electra, de Eurípides, no papel de Orestes.

Filmografía

Televisión

Personaxes fixos

• Al salir de clase (2001-2002) como Hugo.
• Los Serrano (2003-2006) como Marcos Serrano.
• Estudio 1: La viuda valenciana (2010) como Camilo. - Produción teatral para a canle TDT "Cultural.es"
• Luna, el misterio de Calenda (2012) como Nacho, axente da Garda Civil.
• B&b, de boca en boca (2014-)
• El vecino (2021) como Fran Perea.

Personaxes episódicos

• El comisario (2000).
• Los Serrano (2007, 3 capítulos; 2008, 2 capítulos).
• Hospital Central 1 episodio de extra como Javi.
• Hospital Central (2008) Enrique Trujillo (interpretando a un psicópata secuestrador de bebés).

Cine

Longametraxes

• 2012: Pedro en De tu ventana a la mía, Dir.: Paula Ortiz.
• 2010: Balada triste de trompeta, Dir.: Álex de la Iglesia.
• 2009: Los sabios de Córdoba (documental, Voz Narrador), Dir.: Jacob Bender.
• 2007: Teo en Las trece rosas, de Emilio Martínez Lázaro.
• 2006: David en Los Mánagers, de Fernando Guillén Cuervo.
• 2006: 'El Garganta' en El camino de los ingleses, de Antonio Banderas.
• 2006: Pérez, el ratoncito de tus sueños (Voz)

Curtametraxe

• Life vest under your seat (Voamos cara a Miami) (2011)
• El Opositor (2009)
• Paco (2009)
• La aventura de Rosa de Ángela Armero (2008)
• Final feliz para un crimen de Aure Roces (2001).
• Cañí (2000)
• Tu mismo (2000)

Teatro

• Electra (2012), de Eurípides.
• Todos eran mis hijos (2010-2011), de Arthur Miller.
• Don Juan, el burlador de Sevilla (2008-2009), de Tirso de Molina.
• Fedra (2007, 2009-2010), de Séneca, con Ana Belén e Víctor Elías.

Discografía

Álbums

• La chica de la habitación de al lado (2003) - #2 España, #10 Finlandia // Reedición do álbum - #48 España
• Punto y aparte (2005) - #8 España
• Viejos Conocidos (2010)- Lanzamento: 26 de abril de 2010

Álbums en directo

• Fran Perea, en concierto (2004) - #60 España

Recompilatorio - Greatest Hits

• Fran Perea, singles, inéditos & otros puntos (2006) - #57 España

Premios e nomeamentos

2007

• Nomeamento aos Fotogramas de Prata ao mellor actor de teatro por "Fedra".

2010

• Premio ao mellor actor no Festival Internacional de Curtametraxes de Móstoles por "El opositor".

Véxase tamén

Ligazóns externas

• Sitio web oficial (en castelán)
• Fran Perea en YouTube (en castelán)
• Entrevista a Fran Perea en Diario Sur (en castelán)
• Foro Oficial Fran Perea (en castelán)