George Francis Hill

Para outros artigos de persoas chamadas George Hill, véxase a páxina de homónimos George Hill

George Francis Hill
–G. F. Hill–

Nome orixinal	(en) George Francis Hill
Biografía
Nacemento	22 de decembro de 1867 Berhampur, India ^(pt)
Morte	18 de outubro de 1948 (80 anos) Londres Inglaterra
País de nacionalidade	Británica
Educación	- Universidade de Londres - Universidade de Oxford
Q89547790	- Traballos sobre moeda da Antiga Grecia e sobre medalla renacentista. - Director do Museo Británico.
Actividade
Campo de traballo	Numismática, biblioteconomía, museística
Ocupación	bibliotecario, arqueólogo, profesor universitario, numismático, historiador da arte
Empregador	Museo Británico
Membro de	Academia de Inscricións e Linguas Antigas (foreign member of Académie des Inscriptions et Belles-Lettres ^(en) ) (1936–1948) Instituto Arqueolóxico Alemán Academia Austríaca de Ciencias
Familia
Cónxuxe	Mary Paul (1897)
Premios
- 1915: Medalla da RNS. - 1923: Medalla Huntington, da ANS. - 1934: Jeton de Vermeil, da SFN. - 1948: "Serena Medal", da BA.
Lista (1948)  Serena Medal ^(en)  Knight Commander of the Order of the Bath ^(en)

George Francis Hill, nado en Brahmapur, India Británica, o 22 de decembro de 1867, e finado en Londres o 18 de outubro de 1948, foi un numismático e historiador británico, bibliotecario principal e director do Museo Británico (1931-1936). Foi un destacado especialista en moeda da Antiga Grecia e en medallas renacentistas.^[1][2][3]

Traxectoria

Infancia e formación

O seu avó paterno, Micaiah Hill, fora o fundador en Londres da London Missionary Society, unha institución de misioneiros da igrexa congregacional, e o seu pai, Samuel John Hill, establecérase en Brahmapur, onde naceu George Francis Hill.^[1][2]

Formouse xa desde rapaz en Inglaterra; primeiro no Blackheath College, ao sueste de Londres, e posteriormente no University College, da Universidade de Londres, e finalmente no Merton College, da Universidade de Oxford, onde foi alumno do numismático e arqueólogo clásico Percy Gardner (1846-1937) e acadou a súa graduación en estudos clásicos.^[1][2][4]

Carreira

En 1893 ingresou no Museo Británico, onde se adscribiu ao seu Departamento de Moedas e Medallas, que naquel momento era un importante centro de estudo da moeda da Antiga Grecia. Alí traballou con persoeiros tan salientables como Barclay Head e Reginald Poole, e cinco anos máis tarde publicou o seu primeiro traballo sobre moeda grega.^[1][2]

A Hill débeselle a publicación de moitos dos catálogos das coleccións numismáticas do Museo Británico. En 1912 pasou a ser o conservador do Departamento de Moedas e Medallas e en 1931 foi nomeado director e bibliotecario principal do Museo Británico. Baixo a súa dirección compróuselle á Unión Soviética o Codex Sinaiticus e, xunto co Victoria and Albert Museum, a colección de antigüidades orientais de George Eumorfopoulos.^[1][2]

Hill foi tamén editor do Journal of Hellenic Studies, da Sociedade de Promoción dos Estudos Helénicos, desde 1898 ata 1912. He was knighted in 1933.^[1][2]

Vida persoal

En 1897 casou con Mary Paul (finada en 1924). Hill xubilouse en 1936 e faleceu en Londres en 1948.^[1][2][3]

Recoñecementos

• 1915: Medalla da Royal Numismatic Society, de Londres.^[5]
• 1923: Medalla Huntington, da American Numismatic Society.^[6]
• 1933: Cabaleiro da Orde do Baño.^[1][2]
• 1934: Jeton de Vermeil, da Société française de numismatique.^[7]
• 1948: Serena Medal, da Academia Británica.^[8]

Escolma de publicacións

Estas son as monografías máis salientables publicadas por George Francis Hill:^[1][2][9]

• (1897): Catalogue of the Greek Coins of Lycia, Pamphylia, and Pisidia. British Museum. Londres.
• (1899): A Handbook of Greek and Roman Coins. Macmillan. Nova York.
• (1900): Catalogue of the Greek Coins of Lycaonia, Isauria, and Cilicia. British Museum. Londres.
• (1901): A Manual of Greek Historical Inscriptions. Clarendon press. Oxford.
• (1904): Catalogue of the Greek Coins of Cyprus. British Museum. Londres.
• (1905): Pisanello. Duckworth and Co. Londres.
• (1906): Historical Greek Coins. Archibald Constable and Co. Londres.
• (1909): Historical Roman Coins: from the Earliest Times to the Reign of Augustus. Constable & Co. Londres.
• (1910): Catalogue of the Greek Coins of Phoenicia. British Museum. Londres.
• (1914): Catalogue of the Greek Coins of Palestine (Galilee, Samaria, and Judaea). British Museum/Longmans. Londres.
• (1915): Italian Medals of the Renaissance in the British Museum. 2 vols. British Museum. Londres.
• (1917): The Conmemorative Medal in the Service of Germany. Longmans.
• (1924): A Guide to the Exhibition of Historical Medals in the British Museum. British Museum. Londres.
• (1930): A Corpus of Italian Medals of the Renaissance Before Cellini. 2 vols. British Museum. Londres.
• (1940): A History of Cyprus. Cambridge University Press. Cambridge.
• (1960): Renaissance Medals. Volume 1 of Samuel H. Kress Collection of Renaissance Bronzes. Paul A. Stroock. Nova York.

Notas

1. "Hill, George Francis, Sir". En Dictionary of Art Historians.
2. "Sir George Hill, Deep And Wide Learning". En The Times. 20 de outubro de 1948. Páxina 7.
3. Myres, J. L. (1948). "Sir George Hill, K.C.B.". En Nature. Vol. 162. Nº 4.123. Páxinas 725-726.
4. Levens, R. G. C., ed. (1964). Merton College Register 1900-1964. Basil Blackwell. Oxford. Páxina 213.
5. "The Society’s Medal". The Royal Numismatic Society.
6. "Recipients of the Huntington Medal Award". American Numismatic Society.
7. "Médaille et jeton de vermeil". Société Française de Numismatique (SFN).
8. "Serena Medal". The British Academy.
9. "Hill, George Francis 1867-1948 Arquivado 28 de xullo de 2021 en Wayback Machine.". Digital Library Numis.

Véxase tamén

Wikimedia Commons ten máis contidos multimedia na categoría:  George Francis Hill

Ligazóns externas

• Departamento de Moedas e Medallas do Museo Británico
• Museo Británico