Patricia Vico

Patricia Vico

Biografía
Nacemento	27 de agosto de 1972 (52 anos) Madrid, España
Actividade
Ocupación	actriz
Período de actividade	1992 -
Familia
Parella	Daniel Calparsoro
Páxina web	patricia-vico.com

Patricia Vico González, nada en Madrid o 27 de agosto de 1972, é unha actriz española.

Traxectoria

Abandona a carreira de Publicidade para dedicarse ao mundo da interpretación. Así, comeza os seus estudos de interpretación na famosa escola de Cristina Rota.

A súa carreira profesional comeza en 1992 da man de Jesús Hermida no espazo de Antena 3, La noche de Hermida.

Logo de participar en varias películas e series con pequenos papeis, converteríase nun rostro habitual da pequena pantalla por mor de converterse nunha das protagonistas fixas da serie La casa de los líos, na que traballou durante máis de tres anos xunto a Lola Herrera, Arturo Fernández, Miriam Díaz Aroca, Natalia Menéndez ou Emma Ozores entre outros.

Logo desta serie viría o serial Esencia de poder (onde coincidiu con Jesús Olmedo con quen tamén compartiu pantalla en Hospital Central), que non logrou o resultado esperado e foi retirada precipitadamente das pantallas. Máis sorte tería con Paraíso, produción estival gravada na República Dominicana da que rodou catro tempadas á beira de Luis Fernando Alvés e Esperanza Campuzano.

Posteriormente rodou películas como Pacto de brujas (2003), de Javier Elorrieta ou El asombroso mundo de Borjamari y Pocholo (2004), de Juan Cavestany e Enrique López Lavigne. Pero o papel que a devolvería á actualidade é o que interpreta en Hospital Central desde 2004, o da doutora guapa e atractiva lesbiana Macarena Fernández Wilson, que lle outorgou un grande éxito e recoñecemento, especialmente por parte do colectivo gai. Gañou o premio Mostra lambda xunto coa súa compañeira de repartición, Fátima Baeza (Esther García Ruiz, na serie), pola súa grande interpretación e traballo na serie Hospital Central.

A súa parella é o director de cine Daniel Calparsoro, co que tivo o seu primeiro fillo, Hugo, en xullo de 2006. Ao estar embarazada durante a gravación de Hospital Central, os guionistas decidiron que o seu personaxe tamén o estivese. Tras dar a luz, estivo practicamente unha tempada enteira sen aparecer, reincorporándose posteriormente.

Gañou dúas veces o Premio Shangay pola súa interpretación de Maca en Hospital Central, xunto coa súa compañeira Fátima Baeza polo papel lésbico que representan.

Desde xaneiro de 2012 representa a Violante de Aragón, esposa do rei Afonso X, na serie Toledo de Antena 3.

Televisión

Programas

• La noche de Hermida (1992). Antena 3.
• Encantada de la vida (1993). Antena 3 (participación).
• Sólo para inteligentes. TVE (participación).

Series

• Arrayán (1999-2002). Canal Sur (Cirila)
• Los ladrones van a la oficina (1993). Antena 3 (participación).
• Hermanos de leche (1994). Antena 3 (participación).
• Yo, una mujer (1996). Antena 3 (participación).
• La casa de los líos (1996-2000). Antena 3 (Fifina).
• 7 vidas (2000). Telecinco (participación).
• Esencia de poder (2001). Telecinco (Claudia).
• Paraíso (2000-2003). TVE (personaxe fixo).
• Diez en Ibiza (2004). TVE (participación).
• Hospital Central (2004-2011). Telecinco (Maca).
• Toledo (2012). Antena 3 (Violante de Aragón).

Mini Series

• La ira (2009). Telecinco (Verónica).
• Carmina (2011). Telecinco (Carmen Ordóñez).
• Anna Karenina (2012). Telecinco (Lidia Ivanovna).
• Tormenta (2013). Antena 3 (Susana).

Cine

• Sabor latino (1996), de Pedro Carvajal.
• Libertarias (1996), de Vicente Aranda.
• Un asunto privado (1996), de Imanol Arias.
• Dile a Laura que la quiero (1997), de José Miguel Juárez.
• Pacto de brujas (2003), de Javier Elorrieta.
• El asombroso mundo de Borjamari y Pocholo (2004), de Juan Cavestany e Enrique López Lavigne.
• Íntimos (2005), de Frank Spano (curtametraxe).
• Recolectora (2010), de Sara Mazkiaran (curtametraxe).

Premios

• Premios Gayo 2004
• 5ª Premios Shangay TV 2005
• 8ª Premios Shangay TV 2008
• Premio Mostra Lambda 2005
• Premio LesGay á mellor Visibilidade homosexual da televisión
• Nomeación ao premio Fotogramas de Prata á mellor actriz de televisión, en 2004
• Premio Fotogramas de Prata á mellor actriz de televisión, en 2008
• Nomeación ao Premio Eñe á mellor actriz de televisión por Maca en Hospital Central. 2004
• Nomeación ao Premio Eñe á mellor actriz de televisión por Maca en Hospital Central. 2008

Véxase tamén

Ligazóns externas

• Web de Patricia VicoArquivado 12 de xaneiro de 2012 en Wayback Machine. (en castelán)
• Representante Patricia Vico (en castelán)
• Primeira web de Patricia Vico na Arxentina (en castelán)