Արամ Ա
- Վիքիպեդիայում կան հոդվածներ Քեշիշյան ազգանունով այլ մարդկանց մասին։
| Արամ Ա. Քեշիշյան Պետրոս Քեշիշյան | ||
| ||
| ||
|---|---|---|
| հուլիսի 1, 1995[1] | ||
| Նախորդող | Գարեգին Բ Սարգսյան (1977-1995), որ հետագայում դառնում է Գարեգին Ա Ամենայն Հայոց Կաթողիկոս (1995-1999) | |
| Կրթություն՝ | Ֆորդհեմի համալսարան | |
| Մասնագիտություն՝ | հոգևորական | |
| Ազգություն | հայ | |
| Դավանանք | քրիստոնեություն | |
| Ծննդյան օր | 8 մայիս, 1947թ. | |
| Ծննդավայր | Լիբանանի մայրաքաղաք Բեյրութ | |
| Քաղաքացիություն |  Լիբանան
| |
| Ի ծնե անուն | արմտ. հայ.՝ Պետրոս Քէշիշեան | |
| Պարգևներ |
 | |
Արամ Ա Քեշիշյան (մայիսի 8, 1947, Բեյրութ, Լիբանան), Մեծի Տանն Կիլիկիոյ Կաթողիկոս։
Կենսագրություն
[խմբագրել | խմբագրել կոդը]Արամ Ա. Քեշիշյանը ծնվել է 1947 թվականի մարտի 8-ին Լիբանանի մայրաքաղաք Բեյրութում։
Կրթություն
[խմբագրել | խմբագրել կոդը]Արամ Ա-ն նախնական կրթություն է ստացել Լիբանանի Մեսրոպյան վարժարանում։
- Հոկտեմբեր 1961թվականին, ընդունվում է Մեծի Տանն Կիլիկիո Կաթողիկոսության դպրեվանքում,Անթիլիաս ։ Դպրեվանքի Ժառանգավորաց բաժնի քառամյա շրջանը աւարտելուց հետո,
- Մայիս 1965 թվականին ձեռնադրվում է սարկավագ՝ ձեռամբ Գարեգին Եպսկ. Սարգիսյանի։ Իսկ Դպրեվանքի Ընծայարանի բաժնի եռամյա շրջանի ավարտին,
- Մայիս 1968 թվականին ձեռնադրվում է աբեղա՝ ձեռամբ Լիբանանի Հայոց Առաջնորդ Տաճատ Արք. Ուրֆալյանի եւ
- Ապրիլ 1970 թվականին ստանում է Վարդապետական աստիճան՝ ձեռամբ Խորէն Ա. Կաթողիկոսին։
- Հոկտեմբեր 1978 թվականին, դեռեւս ուսանող Միացյալ Նահանգներում, ընտրվում է Լիբանանի Հայոց Թեմի Առաջնորդական Տեղապահ եւ
- Մայիս 1979 թվականին՝ Առաջնորդ։
- Մայիս 1980 թվականին ստանում է Ծայրագույն Վարդապետության աստիճան, և հաջորդ օրն իսկ ձեռնադրվումէ Եպիսկոպոս՝ ձեռամբ Գարեգին Բ. Աթոռակից Կաթողիկոսին։
- Հունվար 1985 թվականին ստանում է Արքութեան տիտղոս։
Դպրեվանքի ուսման շրջանը հաջողությամբ ավարտելուց հետո,
- 1968-1978 թվականներին հաջորդաբար սովորել է Մերձավոր արևելքի Աստվածաբական ճեմարանում (Near East School of Theology), Բեյրութի ամերիկյան համալսարանում(American University of Beirut), Շվեյցարիայի Պոսե Էկումենիկ հաստատությունում (Ecumenical Institute of Bossey), Օքսֆորդի համալսարանի (Oxford University) արևելագիտության բաժնում և Նյու Յորքի (Fordham University) Ֆորդհամի համալսարանում։ Եւ ստացել է ակադեմական հետեւյալ վկայականները.- բակալավրի (B.A.), Աստվածաբանության մագիստրոսի (M.Div.), Եկեղեցական պատմության մագիստրոսի (S.T.M.) եւ Փիլիսոփայության դոկտորի (Ph.D.) կոչումներին։
- 1968 - 1975 թվականներին մինչեւ Ամերիկա ուսման գնալը, Արամ Ա. Կաթողիկոս Անթիլիասի Մայրավանքում վարում է հևտեւևալ պաշտոնները.- Փոխ-Տեսուչ Մարտիկյան վարժարանի, Դպրեվանքի Տեսչի Օգնական ու ապա՝ Փոխ-Տեսուչ, աստվածաբանական նյութերու դասախոս Դպրեվանքում, և Մեծի Տանն Կիլիկիոյ Կաթողիկոսութեան միջ-եկեղեցական հարաբերութեանց Ընդհանուր Քարտուղար։
- 1972- 1975 դասաւանդում է նաև Հայկազյան համալսարանում և դասախոսություններ է տալիս Բեյրութի Համալսարանում (BUC) և Ամերիկյան համալսարանում (AUB)։
Միջ-եկեղեցական շարժումը (Ecumenical Movement)
[խմբագրել | խմբագրել կոդը]Վեհափառին հայրապետի եկեղեցական կյանքում կարևոր տեղ է գրավում միջ եկեղեցական շարժումը ( Ecumenical Movement ): Աբեղայական Ձեռնադրությունից անմիջապես հետո , հանգրուանային զարգացումով նա իր հետևողական ու գործոն մասնակցությունն է բերում միջազգային եկեղեցական շարժումին՝ թե՛ տեղական, թե՛ Միջին Արեւելյան եւ թե միջազգային մակարդակներում։ Ներկա գտնվում է սեմինարների ավելի քան երեք հարյուր միջազգային , աստվածաբանական երկխoսութիւններու և համագումարների աշխարհի չորս կողմերը, ներկայացնելով Մեծի Տանն Կիլիկիո Կաթողիկոսությունը՝ երբեմն նաև հրավիրվելով որպես դասախոս։
Միջին Արեւելքի Եկեղեցիներու Խորհրդի (Middle East Council of Churches) կառույց
[խմբագրել | խմբագրել կոդը]Վեհափառ հայրապետը 1974-ին իր կարևոր դերն է ունենում միջին Արևելքի եկեղեցիների խորհրդի ( Middle East Council of Churches ) կառույցի վերակազմակերպման աշխատանքներում, և այդ թվականից սկսած դառնում է նույն խորհրդի գործադիր վարչության մնայուն անդամը։
2006-ից մինչև 2014,Հաջորդական երկու շրջանի ընտրվումէ նախագահ և ապա պատուոյ նախագահ հիշյալ միջ-եկեղեցական խորհրդին։
1977-ին նշանակվում է Մեծի Տանն Կիլիկիո Կաթողիկոսությանը ներկայացուցիչ Վիեննայի PRO ORIENTE կաթոլիկ Էկյումենիկ Կիլիկիո կազմակերպության մոտ, որից հետո Նույն կազմակերպության պատուոյ անդամ է ընտրվում։
(Joint Commission of Theological Dialogue Between the Orthodox Church and the Oriental Orthodox Churches)
[խմբագրել | խմբագրել կոդը]Իր գործոն Մասնակցությունը բերում է Արևելեան ուղղափառ ոչ քաղկեդոն և քաղկեդոն եկեղեցի (Joint Commission of Theological Dialogue Between the Orthodox Church and the Oriental Orthodox Churches):
Ուղղափառ ավետարանչական ( Orthodox Evangelical ) և Արևելեան ուղղափառ Բարեկարգեալ (Oriental Orthodox) ընտանիքների աստվածաբանական տիալոկին միջազգային մակարդակի վրայ՝ որպես հիմնադիր ու մնայուն անդամ վերոհիշյալ հանձնախմբերի։
Կարևոր դեր ունենում է Արևելեան ուղղափառ ոչ քաղկեդոնական եկեղեցիների և կաթոլիկ Եկեղեցւոյ աստվածաբանական երկխոսության Oriental Orthodox Roman Catholic Theological Dialogue նախաձեռնությունում։
Դառնում է մնայու անդամ նաև շրջանային ու միջազգային մի շարք աստվածաբանական Էկյումենիկ հանձնախմբերի և կազմակերպությունների։
Եկեղեցիներու Համաշխարհային Խորհուրդը (World Council of Churches)
[խմբագրել | խմբագրել կոդը]- Վեհափառ Հայրապետին Էկյումենիկ ծառայությունում հատուկ տեղ է զբաղեցնում Եկեղեցիների Համաշխարհային Խորհուրդը (World Council of Churches)։
- 1970 թվականից նա իր մասնակցությունն է բերում նշյալ Խորհրդի զանազան բաժանմունքների աշխատանքներում
- Դառնում է անդամ խորհրդի երիտասարդական բաժանմունքին (Youth Department) և ապա «Հաւատ և Կարգ» հանձնաժողովին (Faith and Order Commission) ու նրա գործադիր վարչությանը (Standing Commission):
- 1983 թվականին Ե.Հ. Խորհուրդի Վանքուվըրի, Կանադա համաժողովում ընտրվում է խորհրդի կենտրոնական վարչության անդամը. Իսկ
- 1991 թվականին Քեմբերայի , Ավստրալիա համաժողովում կենտրոնական ու գործադիր Վարչությանց ( Central Committee and Executive Committee ) Ատենապետ՝ եօթ տարվա ժամանակաշրջանի համար։
- Վեհափառը առաջին Ուղղափառն է և ամենից երիտասարդը Ե.Հ.Խորհրդի պատմությունում, որը ընտրվում է միջազգային սույն մեծ կազմակերպության ամենաբարձր պաշտոնի անունից։
- 1998 թվականին Հարարեյի, Զիմբաբվեյում գումարված եկեղեցիների համաշխարհային խորհրդի 8-րդ վեհաժողովին վեհափառ հայրապետ միաձայնության վերընտրվում է Ատենապետ՝ դառնալով եկեղեցիների համաշխարհային խորհրդի պատմությունում առաջին վերընտրված ատենապետը (1991-1998, 1998-2007) թթ.
Եկեղեցական գործունեություն
[խմբագրել | խմբագրել կոդը]1970 թվականին ավարտելով կրթությունը Անթիլիասի Դպրեվանքի ընծայարանի բաժնում Խորեն Ա. Կաթողիկոսի ձեռամբ ստացել է Վարդապետական աստիճան։ 1978 թվականին երբ դեռ ուսանում էր ԱՄՆ-ում ընտրվել է Լիբանանի Հայոց Թեմի առաջնորդական տեղապահ, իսկ 1979 թվականին Լիբանանի Հայոց Թեմի առաջնորդ։ 1980 թվականի մայիսին ստացել է Վարդապետության ծայրագույն աստիճան։ Վարդապետության ծայրագույն աստիճան ստանալու հաջորդ օրը Գարեգին Ա Կաթողիկոսի ձեռամբ դարձել է Եպիսկոպոս։ Մինչև ԱՄՆ ուսման մեկնելը Արամ Ա-ն Անթիլիասի Մայրավանքում ստացել է Անթիլիասի Մարտիկյան վարժարանի փոխտեսուչի, Անթիլիասի դպրեվանքի տեսուչի օգնականի և փոխտեսուչի պաշտոնները։ 1972-1975 թվականներին դարձել է Անթիլիասի դպրեվանքի աստվածաբանության դասախոս։ Արամ Ա-ն 1974 թվականին կարևոր դեր է ունեցել Մերձավոր Արևելքի Եկեղեցիների Խորհրդի կառույցի վերակազմակերպման աշխատանքներին, և նույն տարում դարձել է այդ խորհրդի Գործադիր Վարչության անդամ։ 1977 թվականին նշանակվել է Վիեննայում Մեծի Տանն Կիլիկիո Կաթողիկոսության ներկայացուցիչ։ 1970 թվականին դարձել է Եկեղեցիների Համաշխարհային խորհրդի երիտասարդական բաժանմունքի ապա «Հավատք և Կարգ» հանձնաժողովի գործադիր ղեկավար։ 1978 թվականին Արամ Ա. ստացել է Լիբանանի Հայոց Առաջնորդի պաշտոնը։ Արամ Ա-ն Մեծի Տանն Կիլիկիո կաթողիկոս է դարձել 1995 թվականի հունիսի 28-ին։ Օծումը տեղի է ունեցել 1995 թվականի հուլիսի 1-ին։ Կաթողիկոս դառնալուց հետո Արամ Ա-ն լուծել է Մեծի Տանն Կիլիկիո Կաթողիկոսության առաքելության վերակազմակերպման և վերածաղմկան աշխատանքները։
Աշխատանքային գործունեություն
[խմբագրել | խմբագրել կոդը]- 1968 թ.` Անթիլիասի դպրեվանքի փոխտեսուչ։
- 1968 թ.` Անթիլիասի Մայրավանքի աստվածաբանության դասախոս։
- 1972-1975 թթ.` Բեյրութի Հայկազյան համալսարանի դասախոս։
- 1974 թ.` Մերձավոր Արևելքի Եկեղեցիների Խորհուրդի գործադիր վարչության անդամ։
- 1974-1975 թթ.` Բեյրութի Ամերիկյան համալսարանի դասախոս։
- 1975 թ.` Կիլիկիո կաթողիկոսարանի միջեկեղեցական հարաբերությունների ընդհանուր քարտուղար։
- 1977 թ.` Վիեննայի Էկումենիկ կազմակերպությունում Մեծի Տանն Կիլիկիո կաթողիկոսության ներկայացուցիչ։
- 1978 թ.` Միացյալ Նահանգներում Լիբանանի հայկական թեմի առաջնորդական տեղապահ։
- 1978 թ.` Լիբանանի հայկական թեմի առաջնորդ։
- 1979-1995 թթ.՝ Միացյալ Նահանգներում Լիբանանի հայկական թեմի առաջնորդ։
- 1983 թ.` Եկեղեցիների Համաշխարհային Խորհրդի վարչության անդամ։
- 1994 թ.` World Religions Museum Foundation միջազգային կազմակերպության պատվավոր նախագահ։
- 1998 թ.` Եկեղեցիների Համաշխարհային Խորհրդի ատենապետ։
- 2006 թ.՝ World Religions for Peace միջազգային կազմակերպության նախագահ։
Եկեղեցական պաշտոններ
[խմբագրել | խմբագրել կոդը]Գիտական աշխատություններ
[խմբագրել | խմբագրել կոդը]| աշխատություն | վայր | թվական | լեզու |
|---|---|---|---|
| Ներսես Շնորհալի - Աստուածաբանու Էքիւմէնիստ | Բեյրութ | 1974 | հայերեն |
| Հայաստանեայց Եկեղեցւոյ Ճշմարիտ Դիմագիծը | Անթիլիաս | 1979 | հայերեն |
| Վերականգնումի Կամքով | Բեյրութ | 1983 | հայերեն |
| Ժողովուրդին հետ | Անթիլիաս | 1989 | հայերեն |
| Դէպի 1700-ամեակ Սուրբ Թադէի Ճամբով | Անթիլիաս | 1996 | հայերեն |
| Որդի Աստուծոյ, Որդի Մարդոյ | Անթիլիաս | 1999 | հայերեն |
| Ազգ, Եկեղեցի, Հայրենիք | Անթիլիաս | 1999 | հայերեն |
| Հաւատքի Առաքելութիւն | Անթիլիաս | 2003 | հայերեն |
| Տէր Զօր։ Համազգային Ուխտատեղի | Անթիլիաս | 2005 | հայերեն |
| Ծառայութեան Մեծութիւնը | Անթիլիաս | 2005 | հայերեն |
| Կեանքը Արժէքներով Իմաստաւորել | Անթիլիաս | 2009 | հայերեն |
| The Witness of the Armenian Church in a Diaspora Situation | Նյու Յորք | 1978 | հայերեն |
| Conciliar Fellowship | Ջենովա | 1991 | հայերեն |
| Orthodox Perspectives on Mission | Օքսֆորդ | 1992 | հայերեն |
| The Challenge to be a Church in a Changing World | Նյու Յորք | 1997 | հայերեն |
| In search of Ecumenical Vision | Անթիլիաս | 2000 | հայերեն |
| L’eglise Face aux Grands defis | Անթիլիաս | 2000 | հայերեն |
| The Armenian Church Beyond the 1700th Anniversary | Անթիլիաս | 2002 | հայերեն |
| Justice, Paix, Reconciliation | Անթիլիաս | 2003 | հայերեն |
| The Christian Witness at the Crossroads in the Middle East | Անթիլիաս | 2004 | հայերեն |
| For a Church Beyond its Walls | Անթիլիաս | 2006 | հայերեն |
| Pour un Monde Transforme | Անթիլիաս | 2006 | հայերեն |
| Dialogue with Youth Montreal | Մոնրեալ | 2009 | անգլերեն, Ֆրանսերեն |
| Enriching Life with values | Անթիլիաս | 2009 | հայերեն |
| St. Nerses the Gracious and Church Unity | Անթիլիաս | 2010 | անգլերեն |
| A Journey of Faith, Hope and Vision | Անթիլիաս | 2011 | անգլերեն |
| Taking the Church to the People | Անթիլիաս | 2011 | անգլերեն |
| THE ARMENIAN CHURCH | Անթիլիաս | 2016 | անգլերեն |
| L’ÉGLISE ARMÉNIENNE | Անթիլիաս | 2018 | ֆրանսերեն |
| «ՆՈՐ ՀՈՐԻԶՈՆՆԵՐՈՒ ԴԻՄԱՑ» | Անթիլիաս | 2018 | հայերեն |
| АРМЯНСКАЯ ЦЕРКОВЬ | Անթիլիաս | 2018 | ռուսերեն |
. Author: His Holiness Aram I - Antelias, 2016, English, 241 Pages.
Պատկերասրահ
[խմբագրել | խմբագրել կոդը]-
«Ներսէս Շնորհալի Աստուածաբան եւ Էքիւմէնիստ» Արամ Վրդ. Քէշիշեան - Պէյրութ, 1974: -
«Հայ Եկեղեցւոյ Ճշմարիտ Դիմագիծը» Արամ Վրդ. Քէշիշեան - Անթիլիաս,1979: -
«Որդի Աստուծոյ, Որդի Մարդոյ» Արամ Ա.Կաթողիկոս - Անթիլիաս, 1999: -
«Ազգ, Եկեղեցի, Հայրենիք» Արամ Ա. Կաթողիկոս - Անթիլիաս, 1999: -
«Հաւատքի Առաքելութիւն» Արամ Ա.- Անթիլիաս,2003: -
«ԾԱՌԱՅՈՒԹԵԱՆ ՄԵԾՈՒԹԻՒՆԸ» (ԽՈՀԵՐ, ՏԱԳՆԱՊՆԵՐ ԵՒ ԿԵՑՈՒԱԾՔՆԵՐ) Արամ Ա. Կաթողիկոս, Անթիլիաս, 2005 -
«Կեանքը Արժէքներով Իմաստաւորել» Արամ Ա.Կաթողիկոս - Անթիլիաս, 2009 -
Orthodox Perspectives on Mission, Oxford, 1992 -
Aram I. Towards An Ecumenical Ethic For A Responsible Society In A Sustainable Creation, Beirut, 1994 -
Aram I. Et Ethnicité, Antelias, 1996 -
Aram I. In search of Ecumenical Vision, Antelias, 2000 -
Aram I. The Armenian Church Beyond the 1700th Anniversary, Antelias, 2002 -
Aram I. Justice, Paix, Reconciliation, Antelias, 2003 -
Aram I. St. Nerses the Gracious and Church Unity. Antelias, 2010 -
«ՆՈՐ ՀՈՐԻԶՈՆՆԵՐՈՒ ԴԻՄԱՑ» Արամ Ա. Կաթողիկոս: Անթիլիաս, 2018
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Կենսագրական». ՀԱՅ ԵԿԵՂԵՑԻ ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆ ԱՆԹԻԼԻԱՍ - ԼԻԲԱՆԱՆ. Վերցված է 2017 թ․ օգոստոսի 20-ին.
Արտաքին հղումներ
[խմբագրել | խմբագրել կոդը] | Վիքիդարանն ունի նյութեր, որոնք վերաբերում են «Արամ Ա» հոդվածին։ |
 | Վիքիպահեստն ունի նյութեր, որոնք վերաբերում են «Արամ Ա» հոդվածին։ |
| ||||||||||||||||||||
