Մարգարիտ Բարանկիցե

Մարգարիտ Բարանկիցե
Ծնվել է	1957
Ծննդավայր	Ռույիգի, Բուրունդի
Քաղաքացիություն	Բուրունդի
Մասնագիտություն	իրավապաշտպան
Պարգևներ և մրցանակներ	Չորս Ազատությունների մրցանակ «Հյուսիս-հարավ» մրցանակ Նանսենի մրցանակ և Ավրորա [1]
Կայք	maisonshalom.org
Marguerite Barankitse Վիքիպահեստում

Մարգարիտ Բարանկիցե (ֆր.՝ Marguerite Barankitse, Maggy, 1957, Ռույիգի, Բուրունդի), ազգությամբ թութսի բուրունդիացի մարդասեր։

Կենսագրություն

Մարգարիտի հայրը՝ Միշել Բարանկիցեն, 1962 թվականին մահացել է քաղցկեղից։ Մագիի պապը պահանջել է, որ մայրը երկու երեխաների ազգանունը փոխարինի հոր ազգանունով և «Habonimana»-ն («Աստված, ով հետևում է») դարձել է «Barankitse» («ինձ ուզում եք»)։ Տարրական դպրոցում ցուցաբերած բարձր առաջադիմության համար Մարգարիտին թույլատրել են շարունակել ուսումը։ 1970-1976 թվականներին սովորել է Բուժումբուրայի ավագ դպրոցում։ Աշխատանքային գործունեությունն սկսել է 1979 թվականից՝ որպես ֆրանսերենի ուսուցիչ Ռույիգի քաղաքում^[2]։ 1981 թվականին վերապատրաստման դասընթացներ է անցել Լուրդում, 1983 թվականին վերադարձել է Ռույիգի։ Վրդոհված այն հանգամանքից, որ գերազանց առաջադիմությամբ ուսանողները չեն կարողանում ավելի բարձր կրթություն ստանալ, նա հանդես է եկել բոլորի համար հավասար կրթության առաջարկով։ Իր գործունեության համար 1986 թվականին կանգնել է դատարանի առջև։ Իր տանը ընդունել է որբերի, ինչի համար համարվել է «դավաճան»։

Մարգարիտ Բարանկիցեին նվիրված նամականիշ^[3]

Կրթաթոշակ ստանալով՝ 1988 թվականին մեկնել է Ֆրիբուր, մինչև 1990 թվականը ուսանել Բենեդիկտի դպրոցում, այնուհետև 1991 թվականին վերադարձել Ռույիգի և աշխատել որպես առաջնորադարանի քարտուղար։ Ուսումը ընդհատել է 6 ամսով՝ օգնելու քաղցկեղից տառապող մորը, ով մահացել է 1989 թվականին։

Բուրունդիի քաղաքացիական պատերազմի տարիներին ականատես է եղել մարդկանց դաժան սպանությունների և որոշել է 25 երեխաների ապահովել սննդով և ապաստանով։ Եվրոպացի, բուրունդիացի ընկերների օգնությամբ ստեղծել է աջակցության ցանց։ 1994 թվականի մայիսին Ռույիգիի հռոմեական կաթոլիկ եպիսկոպոս Ժոզեֆ Մդուհիրուբուսան^[4] համաձայնվել է նախկին դպրոցը վերածել երեխաների համար ապաստանի, որն անվանվել է «Maison Shalom» («Խաղաղության տուն»)։

2009 թվականի հունիսին Լյուքսեմբուրգի դքսուհի Մարիա Թերեզան՝ ՅՈՒՆԻՍԵՖ-ի մանկական հարցերով փաստաբանը, Բուրունդի կատարած այցի ժամանակ այցելել է «Խաղաղության տուն»^[5]։ 2011 թվականի հոկտեմբերին դքսուհու աջակցությամբ Մարգարիտ Բարանկիցեն Լյուքսեմբուրգում կազմակերպել է լուսանկարների ցուցահանդես՝ օգնելու «Խաղաղության տանը»։

Ակտիվ գործունեություն է ծավալել նաև Բուտեզի և Գիզուրու քաղաքներում, այնտեղ ևս հիմնել է մանկական ապաստաններ։ 2004 թվականին օժանդակություն է ցուցաբերել շուրջ 20,000 երեխաների^[6][7]։

2017 թվականին մայիսի 26-ին Երևանում մարվել և շրջանառության մեջ է դրվել «Ավրորա» մարդասիրական նախաձեռնություն. «Ավրորա» մրցանակի դափնեկիրներ. Մարգարիտ Բարանկիցե» թեմային նվիրված նամականիշը^[8]։

Մրցանակներ

• «Մարդու իրավունքների մրցանակ» ֆրանսիական կառավարության կողմից, 1998
• «Հյուսիս-հարավ մրցանակ» Եվրախորհրդի կողմից, 2000
• «Երեխաների համաշխարհային մրցանակ» երեխաների իրավունքների պաշտպանության համար, 2003
• «Խիզախության ձայն» մրցանակ Փախստական կանանց և երեխաների հարցերով Կանանց կոմիտեի կողմից, 2004
• «Նանսենի մրցանակ», 2004
• «Օպուս մրցանակ», 2008
• «ՅՈՒՆԵՍԿՕ-ի մրցանակ», 2008
• 2011 թվականի նոյեմբերի 24-ին Մարգարիտ Բարանկիցեն^[9] Քոֆի Անանից ստացել է «Կոնֆլիկտի կանխարգելման մրցանակ»^[10] (մրցանակը տրամադրում է «Շիրակ հիմնադրամը», գործարկվել է 2008 թվականից Ֆրանսիայի նախագահ (1995-2007) Ժակ Շիրակի կողմից)
• «Ավրորա» մրցանակի հավակնորդ, 2016^[11]
• «Ավրորայի» առաջին մրցանակակիր, 2016^[12][13]

Մեջբերումներ Մարգարիտ Բարանկիցեից

Ես աշխարհի քաղաքացի եմ, ես մեծ ընտանիքի՝ ամբողջ մարդկության մասն եմ[14]։

Սերը վեր է բոլոր արգելքներից։ Նույնիսկ եթե մենք ոչինչ չունենք, մենք կարող ենք պարգևել խինդ ու քնքշանք։

Հայերը մարդիկ են, որոնք ի վիճակի եղան վերակառուցել իրենց հայրենիքը, նրանք իրոք արժեքներ ունեցող ազգ են։ Սերունդը, որը ողբերգություն է վերապրել, կարող է պետություն ստեղծել[15]։

Ծանոթագրություններ

1. Marguerite Barankitse Awarded Inaugural Aurora Prize for Awakening Humanity
2. La Fondation Chirac honore Marguerite Barankitse, « l’ange du Burundi»
3. «Ավրորա» մարդասիրական նախաձեռնություն. «Ավրորա» մրցանակի դափնեկիրներ. Մարգարիտ Բարանկիցե
4. Bishop Joseph Nduhirubusa
5. «Grand Duchess Maria Teresa of Luxembourg visits Burundi». Արխիվացված է օրիգինալից 2016 թ․ մարտի 4-ին. Վերցված է 2016 թ․ մարտի 16-ին.
6. Maggy, 40 ans, Burundaise, recueille des orphelins hutus et tutsis. Elle risque sa vie, mais se dit choisie par Dieu. La folle Ruyigi
7. Burundi: les "Princesses des enfants" s'inquiètent pour la paix
8. «Թողարկվել է նամականիշ՝ նվիրված 2016 թվականի «Ավրորա» մրցանակի դափնեկիր Մարգարիտ Բարանկիցեին». mtcit.am (անգլերեն). Վերցված է 2017 թ․ մայիսի 27-ին.
9. «Marguerite Barankitse, Laureate of the 2011 the Fondation Chirac Prize». Fondation Chirac. Վերցված է 2015 թ․ մայիսի 14-ին.
10. «Video: Marguerite Barankitse, 2011 Laureate of the Fondation Chirac Prize». Fondation Chirac. Վերցված է 2015 թ․ մայիսի 14-ին.
11. Հայտնի են «Ավրորա» մրցանակի հավակնորդները
12. Մարգարիտ Բարանկիցեն՝ «Ավրորայի» դափնեկիր
13. George Clooney, Co-Chair of the Selection Committee, presents the $1 million Aurora Prize to Marguerite Barankitse at ceremony in Yerevan, Armenia
14. Սիրո կանչ
15. «Ավրորա» մրցանակի առաջին դափնեկիր. Հայերը մեզ սովորեցնում են ոտքերի վրա կանգնած մնալ

Արտաքին հղումներ

• Official Web-site of Maison Shalom (in French)
• Video on Marguerite Barankitse's action, Fondation Chirac's website

Վիքիպահեստն ունի նյութեր, որոնք վերաբերում են «Մարգարիտ Բարանկիցե» հոդվածին։