Մարիա Պույմանովա (չեխ․՝ Marie Pujmanová, օրիորդական ազգանուն՝ Հեներովա [Hennerová], հունիսի 8, 1893(1893-06-08)[1][2][3], Պրահա, Բոհեմիայի թագավորություն, Ցիսլեյտանիա, Ավստրո-Հունգարիա[1][3] - մայիսի 19, 1958(1958-05-19)[1][2][3], Պրահա, Չեխոսլովակիա[3]), չեխ գրող, Չեխոսլովակիայի ժողովրդական արվեստագետ (1953)։
Տպագրվել է 1909 թվականից։ Վաղ շրջանի պատմվածքներին բնորոշ է իմպրեսիոնիզմը։ 30-ական թվականների սկզբին անցել է մարքսիզմի դիրքերը։ ԽՍՀՄ այցելելու արգասիք է «Հայացք նոր երկրի վրա» (1932) գիրքը։ Գրել է եռերգություն, որի առաջին մասում՝ «Մարդիկ խաչմերուկում» (1937), նկարագրված է Չեխոսլովակիայի հասարակության կյանքը ինքնուրույն պետության կազմավորումից հետո։ Երկրում գերմանական ֆաշիզմի տիրապետության տարիներին Պույմանովան դիմել է պոեզիային («Երգարան», 1939, «Ռաֆայել և Սատելիտ», 1944)։ Պատերազմից հետո հրատարակել է «Ուրախություն և ցավ» (1945), «Սիրո խոստովանություն» (1949), «Միլիոնավոր աղավնիներ» (1950) և այլ ժողովածուներ։ Եռերգության երկրորդ («Խաղ կրակի հետ», 1948) և երրորդ («Կյանքն ընդդեմ մահվան», 1952) մասերում պատկերված է Չեխոսլովակիայի ժողովրդի պայքարը ֆաշիզմի դեմ։ Հետագայում տպագրվել են Պույմանովայի «Պանի Կյուրի» (1957) պոեմը, «Ալենի քույրը» (1958) վիպակը և Հնդկաստանի մասին ճամփորդական ակնարկները։ Պետական մրցանակներ (1937, 1948, 1951, 1953, 1955)։
- ↑ 1,00 1,01 1,02 1,03 1,04 1,05 1,06 1,07 1,08 1,09 Չեխիայի ազգային գրադարանի կատալոգ
- ↑ 2,0 2,1 2,2 2,3 2,4 Encyklopedie dějin města Brna (չեխերեն) — 2004.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 Կերպարվեստի արխիվ — 2003.
- ↑ BillionGraves — 2011.
- ↑ Čestný titul národní umělec (չեխերեն) — 2015.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 460)։ 
|
| |
|---|
| | Բառարաններ և հանրագիտարաններ | |
|---|
| |
|
Ավստրո-Հունգարիա և 
Չեխոսլովակիա
Marie Pujmanová Վիքիպահեստում
