ჰენრიხ მალიანი

ჰენრიხ მალიანი
მემორიალური დაფა მესროპ მაშტოცის №54 სახლზე
დაბადების თარიღი	30 სექტემბერი, 1925 თელავი, საქართველოს სსრ, სსრკ
გარდაცვალების თარიღი	14 მარტი, 1988 (62 წლის) ერევანი, სომხეთის სსრ, სსრკ
საქმიანობა	რეჟისორი, სცენარისტი
ჯილდოები	სსრკ სახალხო არტისტი (1982)

ჰენრიხ მალიანი (სომხ. Հենրիկ Սուրենի Մալյան; დ. 30 სექტემბერი, 1925, თელავი — გ. 14 მარტი, 1988, ერევანი) — სომეხი საბჭოთა კინოსა და თეატრის რეჟისორი, სცენარისტი და პედაგოგი. სსრკ სახალხო არტისტი (1982).

ბიოგრაფია

ჰენრიხ მალიანი დაიბადა თელავში, 1925 წლის 30 სექტემბერს.

1942-1945 წლებში მუშაობდა მხაზველად, კონსტრუქტორის მოწაფედ თბილისში, გ. დიმიტროვის სახელობის ქარხანაში.

1951 წელს დაამთავრა ერევნის თეატრალური ინსტიტუტის სარეჟისორო ფაკულტეტი, 1953 წელს - ლუნაჩარსკის სახელობის თეატრალური ხელოვნების სახელმწიფო ინსტიტუტის (ГИТИС) უმაღლესი სარეჟისორო კურსები. 1951-54 წლებში მუშაობდა რეჟისორად სომხეთის სსრ-ის სხვადასხვა თეატრებსა და ტელევიზიაში. 1954 წლიდან კინოსტუდია „არმენფილმის“ რეჟისორია. 1980 წელს კინოსტუდიასთან ჩამოაყალიბა კინომსახიობთა თეატრ-სტუდია (ამჟამად ჰ. მალიანის სახელობის ერევნის თეატრ-სტუდია) და იყო პირველი სამხატვრო ხელმძღვანელი. ასწავლიდა ერევნის თეატრალურ ინსტიტუტში (1982 წლიდან — პროფესორი).

ჰენრიხ მალიანი გარდაიცვალა 1988 წლის 14 მარტს ერევანში. დაკრძალულია თოხმახის სასაფლაოზე.

ოჯახი

• დედა — ვართუშ ეპიტიანცი
• მამა — სურენ მალიანი, თბილისის ფილარმონიის დირექტორი
• და — ემა მალიანი
• ბიძა — დავიდ მალიანი (1904—1976), მსახიობი, რეჟისორი, სსრკ სახალხო არტისტი (1974)
• მეუღლე — ასმიკ მელქონიანი, კინოსტუდია „არმენფილმის“ მემონტაჟე
• შვილი — ნარინა მალიანი, ჰ. მალიანის სახელობის ერევნის კინომსახიობთა თეატრ-სტუდიის დირექტორი

ჯილდოები და აღიარება

• 1967 : სომხეთის სსრ-ის ხელოვნების დამსახურებული მოღვაწე
• 1971 : საპატიო ნიშნის ორდენი
• 1975 : სომხეთის სსრ-ის სახელმწიფო პრემია
• 1977 : სომხეთის სსრ-ის სახალხო არტისტი
• 1982 : სსრკ სახალხო არტისტი

ფილმოგრაფია

რეჟისორი

• 1960 : მუსიკალური რაზმის ბიჭები
• 1963 : გზა არენისკენ
• 1964 : ძალად დამსმენი (ნოველა კინოალმანახში „მუსიე ჟაკი და სხვები“)
• 1967 : სამკუთხედი
• 1969 : ჩვენ და ჩვენი მთები
• 1972 : აირიკი
• 1977 : ნაჰაპეტი
• 1980 : ცის ნაჭერი
• 1982 : ერთი წვეთი თაფლი (სატელევიზიო ფილმი)

სცენარისტი

• 1977 : ნაჰაპეტი
• 1979 : უკვდავება (დოკუმენტური)
• 1980 : ჩვენი ეზოს ვარსკვლავები (ნოველა კინოალმანახში „ყველა ასაკი ემორჩილება“)
• 1980 : ცის ნაჭერი
• 1982 : გიქორი
• 1982 : ერთი წვეთი თაფლი
• 1987 : ბარაქა (დოკუმენტური)
• 1990 : სევდა

რესურსები ინტერნეტში

• ჰენრიხ მალიანი — კინოფილმების ინტერნეტ მონაცემთა ბაზა (ინგლისური)
• ჰენრიხ მალიანი