Teo Teocoli

Biografia

El nase a Taranto, ndove el pare el zera stà trasferìo par un curto parìodo, da zenitori regini; poco dopo ła só nasita ła fameja ła torna a Reggio Calabria dove che'l crese inte'l cuartier de Sbarre, presizamente inte'l Rione Marconi, fin a l'età de 5 ani, cuando ła fameja ła se stabiłise definitivamente a Miłan. Spozà da'l 1989 co Elena Fachini, el ga tre fie: Anna Adele Letizia (nasùa inte'l 1989), Paola (1991) e Chiara (1992).

I ezordi

Da bòcia el se ezibise cofà cantante de rock and roll in łocałi de Miłan, come el Santa Tecla, co el só conpleso, I Demoniaci. Inte'l 1965 el otien un contrato discogràfego co ła Dischi Ricordi, co ła cuała el debuta inte'l mèdemo ano co Una mossa sbagliata^[1] co'l cuało el partesipa a ła Caravella dei successi de Bari inte l'isteso ano. Cua el conose Wilma Goich, co ła cuała el se fidansa.

Inte'l 1966 el entra a far parte dei Quelli (ła futura Premiata Forneria Marconi), come voze sołista, par po' ndárghene fora inte'l 1967, dopo aver otenjùo un gran suceso co Una bambolina che fa no no no ; el aceta cuindi l'oferta de ła caza discogràfega de Celentano formando un novo conpleso, Teo e le vittime, co'l cuało el inside alguni 45 ziri.

Senpre in cheł'ano el ciapa parte a'l Festival de ła Canson Napołetana, proponendo ła bałada Carulina nun parte cchiù^[2], eseguìa in abinamento co i Campanino; drioman el inside Le vitamine^[3]. El entra po' a far parte, inte'l 1969, de'l cast itałian de ła comedia muzegałe Hair, insieme a Carlo De Mejo, Renato Zero, Loredana Bertè, Glen White e Ronnie Jones; l'ano sucesivo l'RCA Italiana ła pùblega l'àlbun co łe canson de'l spetacoło.

Dai ani setanta ai ani novanta: el gran suceso in tełevizion

Inte'l desenio sucesivo el ezordise come cabaretista a'l Derby de Miłano, insenbre ad altri noti comici cofà Massimo Boldi, Cochi Ponzoni e Renato Pozzetto, Giorgio Faletti, Mauro Di Francesco; cui el ga modo de conóser Enzo Jannacci, autore po' de ła canson Il dritto, ispirada a ła só storia (Teocoli el viveva so na caza popołar a'l n. 3, e ła descrision de'l parsonazo ła recalca cueło che łu el zera da zòvane).

El sèita ła cariera de cantante, e inte'l 1976 el pùblega el 45 ziri E sorridi.../Atropos, in cui el łado A el ze na cover de I'm Easy de Keith Carradine (da'l film Nashville de Robert Altman), co el testo in itałian scrito da Ricky Gianco^[4].

El ezordise in tełevizion inte'l 1973 co na partesipasion de contorno inte ła trazmision Il poeta e il contadino trazmeso da Rete 2, co Cochi e Renato, ma el suceso el ghe rivarà so Antennatre insieme a Massimo Boldi inte'l programa Non lo sapessi ma lo so inte'l 1982. Daspò Drive In e Una rotonda sul mare, inte'l 1989 el propone inte ła trazmision Emilio el parsonazo de Peo Pericoli (un tifoso de'l Milan).

Inte'l 1991 co Gene Gnocchi el partecipa a Il gioco dei 9 e el ze tra i protagonisti de ła sit-com Vicini di casa so Italia 1. Da'l 2 desenbre 1991 a'l 6 zenaro 1992 el conduze Striscia la notizia. Da'l 9 febraro a'l 3 magio 1992 el prezenta so Italia 1 Scherzi a parte co Gene Gnocchi. Da senpre pasionà de spor, in partegołar de calcio, sendo tifozo de'l Milan, da ła stazon 1992/1993 el prezenta Mai dire gol fin a'l 1995 co'l venjarà sostituìo da Claudio Lippi. Inte'l 1996 el conduze so Canale 5 el varietà Il boom insieme a Gene Gnocchi e Simona Ventura. El repropone i só parsonaji sportivi in EuroPeo, trazmetesto so Italia 1 in ocazion de'l Canpionato europeo de calcio.

Inte'l 1997 el pasa in Rai e el conduze so Rai 1 el varietà Faccia tosta insieme a Wendy Windham. Inte l'isteso ano el ze uno dei protagonisti de Fantastica italiana. Dapò serte partesipasion a ła trazmision domenégałe Quelli che il calcio, de e co Fabio Fazio, el ghe ne devien ospite fiso inte łe stajon 1998-1999 e 1999-2000 co eziłaranti parsonazi cofà l'imitasion de Cesare Maldini e de Peppino Prisco. Inte'l febraro 1999 insieme a Fabio Fazio e Orietta Berti el conduze Sanremo Notte, l'apontamento che'l conpanja ła 49ª edision de'l Festival. Inte l'otobre 1999 el ze ospite fiso de Adriano Celentano inte ła trazmision Francamente me ne infischio e senpre in chel steso ano el reseve el Premio Regia Televisiva par el mejo parsonajo mascołin de l'ano.

Anni 2000-2020

Inte'l 2000 el afianca Fabio Fazio e Luciano Pavarotti inte ła condusion de'l 50º Festival de Sanremo. Tornà drioman e a Mediaset, el partesipa a'l varietà Italiani. Drioman el conduze na soła pontada de Paperissima co Natalia Estrada a cauza de desapori co i cołeghi.^[5]

El conduze do edision de Scherzi a parte co Massimo Boldi, una insieme a ła ezordiente Michelle Hunziker e n'altra co Manuela Arcuri e Anna Maria Barbera; el conduze el show Il Teo - Sono tornato normale insieme ad Alba Parietti co poco suceso; el prezenta insieme a Roberta Capua el show de istà Sei un mito!. Vołùo de'l diretor de Rai 1 Fabrizio Del Noce, el pasa in RAI par condùzer Affari tuoi ma ła Endemol, só caza produtora de'l programa, no ła crede che'l sia idoneo a tałe trazmision e ła ghe prefarise Pupo.

In RAI el partecipa a ła trazmisione Che tempo che fa in onda el sabao sera so Rai 3, a Rockpolitik so Rai 1 e a ła Domenica Sportiva so Rai 2 inte ła stajon 2006-2007 conduzesta da Jacopo Volpi e inte łe stajon 2007-2008, 2008-2009 e 2009-2010 conduzesta da Massimo De Luca. Inte ła verta de'l 2007 un só show so Rai 1 no'l vedarà mai ła łuze e el partesipa a'l programa conduzesto da Simona Ventura Colpo di genio, che parò no'l otien el suceso sperà e el vien sarà daspò solche do pontade.

Inte'l 2008 el ga prezentà a'l Festival de Sanremo ła só canson Carta d'identità cantada co Tony Dallara, ma i do i ze stà escluzi da ła comision zudegadora e i ga cantà ła canson inte'l mini-show de Fiorello Viva Radio Due minuti. Inte'l zunjo 2008 el partesipa a Notti Europee prezentà da Jacopo Volpi, in ocazion de'l Canpionato europeo de calcio 2008. Asè ativo anca a teatro, el ze in tournée co Teo Teocoli show - Non ero previsto in palinsesto. Da l'otobre 2009 el deventa testimonial e comentador sportivo par l'azienda Betfair Italia. Inte'l Festival de Sanremo, Teocoli el dota co Alexia e Mario Lavezzi inte'l brano "Biancaneve".

Inte'l 2014 el entra a far parte de'l cast de concorenti inte'l talent show conduzesto da Milly Carlucci Ballando con le stelle in copia co Natalia Titova, ma el se retira daspò tre pontade par problemi fìzeghi. Da'l 28 novenbre 2015 el torna in tv, so Rai 3, co'l programa Teo in the box, varsion itałiana de'l format Host in the box produzeto da Endemol. El 31 desenbre 2016 el conduze insieme ad Amadeus el programa L'anno che verrà so Rai 1 in direta da Potenza. El torna ezibirse in tełevizion, in prima serada, inte'l novenbre de'l 2021 partesipando a Zelig co'l só séłebre parsonazo Felice Caccamo^[6].

Parsonaji imità

Parsonaji imazenari de Teocoli

File:Mai dire Gol - Teo Teocoli (Felice Caccamo).JPG

Teocoli inte i pani de Felice Caccamo

Felice Caccamo: el ze un zornałista sportivo napołetan. El zera aparìo par ła prima volta inte'l 1990 in Paperissima e el ze devenjùo uno dei piłastri de Mai dire Gol; el ze rafegurà fulvo, co ociałoni stiłe ani sesanta, vestìo co na giaca azura masa streta. Ła crovata ła fa vołutamente el sfondo co'l Golfo de Napułi grasie a l'utiłizo inpropio de'l chroma key. El só tormentone el ze Gira la palla, gira la palla, i só miti Bruno Pesaola, Corrado Ferlaino e Giuseppe Bruscolotti.
Macho Camicho
Il marocchino
Peo Pericoli
Il prete
Il colonnello Eranio Stoppani
Gianduia Vettorello
Zobeide
Il Ciurlo
Il Muratore
Harry Bellafronte
Abelardo Norchis: el ze un cantante spanjoło, ghitarista, sensa na man, persa durando na discusion co un tozo de Toledo (spiegasion avenjùa durando n'ezibision a Che tempo che fa de Fabio Fazio inte'l 2011),^[7] da ałora el sona ła ghitara doparando na man finta ed ezeguìndo un continuo barré (che łu el ciama cascada de note); el se ga ezibìo pluzore volte conpanjà da Ossario (Armando Celso) cantando un só aranzamento de na canson catałana Don Toribio Carambola de Peret.^[8]

Discografia

Singołi

1965: Una mossa sbagliata/Mi son svegliato (Dischi Ricordi, SRL 10.401)
1966: Una bambolina che fa no no no/Non ci sarò (Dischi Ricordi, SRL 10.443; con i Quelli)
1967: Carolina nu parte cchiù/Scapricciatello (Clan Celentano, ACC 24060)
1967: Le vitamine/Scapricciatello (Clan Celentano, ACC 24062)
1976: E sorridi.../Atropos (Blu Records, BLR 503)
1984: Gitana/Il guazzabuglio (CGD 10568)
1989: Por un beso me mareo/ Macho Camicho's band (Alpharecord, AR 3011)
1990: Te-O'/Te-O' (versione strumentale) (Five Record, FM 13268)

Albun

1970: Hair - varsion itałiana (RCA Italiana, PSL 10479; co Loredana Bertè, Renato Zero e el cast)

Filmografia

Paolo e Francesca, rezìa de Gianni Vernuccio (1971)
Il giudice e la minorenne, rezìa de Franco Nucci (1974)
Il padrone e l'operaio, rezìa de Steno (1975)
L'Italia s'è rotta, rezìa de Steno (1976)
Come ti rapisco il pupo, rezìa

de Lucio De Caro (1976)

Sturmtruppen, rezìa de Salvatore Samperi (1976)
L'inquilina del piano di sopra, rezìa de Ferdinando Baldi (1977)
Il balordo, rezìa de Pino Passalacqua (1978) - miniserie TV
Saxofone, rezìa de Renato Pozzetto (1978)
Liquirizia, rezìa de Salvatore Samperi (1979)
L'imbranato, rezìa de Mario Castellacci, Pier Francesco Pingitore (1979)
Ciao marziano, rezìa de Pier Francesco Pingitore (1980)
Una vacanza bestiale, rezìa de Carlo Vanzina (1981)
L'onorevole con l'amante sotto il letto, rezìa de Mariano Laurenti (1981)
Spaghetti a mezzanotte, rezìa de Sergio Martino (1981)
Si ringrazia la regione Puglia per averci fornito i milanesi, rezìa de Mariano Laurenti (1982)
Eccezzziunale... veramente, rezìa de Carlo Vanzina (1982)
Sturmtruppen 2 - Tutti al fronte, rezìa de Salvatore Samperi (1982)
Diego 100% - serie TV (1985)
Grandi magazzini, rezìa de Castellano e Pipolo (1986)
Professione vacanze, rezìa de Vittorio De Sisti (1986) - miniserie TV, epizodio 3: Un complicato intrigo di camere, donne e dritti
I miei primi 40 anni, rezìa de Carlo Vanzina (1987)
Missione eroica - I pompieri 2, rezìa de Giorgio Capitani (1987)
I giorni del commissario Ambrosio, rezìa de Sergio Corbucci (1988)
Abbronzatissimi, rezìa de Bruno Gaburro (1991)
Vicini di casa - serie TV (1991-1992)
Croce e delizia, rezìa de Luciano De Crescenzo (1995)
Papà dice messa, rezìa de Renato Pozzetto (1996)
Bibo per sempre, rezìa de Enrico Coletti (2000)
Bar Sport, rezìa de Massimo Martelli (2011)
I 2 soliti idioti, rezìa de Enrico Lando (2012)
Forever Young, rezìa de Fausto Brizzi (2016)

Tełevizion

Il poeta e il contadino (Secondo Programma, 1973)
Valentina, una ragazza che ha fretta (Rete 1, 1977)
Profumo di classe (Rete 1, 1979)
Saltimbanchi si muore (Rete 2, 1980)
Non lo sapessi ma lo so (Antennatre, 1982)
Il guazzabuglio (Antennatre, 1984)
Grand Hotel (Canale 5, 1986)
Drive in (Italia 1, 1986-1988)
Una rotonda sul mare (Canale 5, 1989-1990)
Emilio (Italia 1, 1989-1990)
Il gioco dei 9 (Canale 5, 1990-1992)
Pressing (Italia 1, 1990-1991)
Mai dire Gol (Italia 1, 1990-1995)
L'Odissea (Canale 5, 1991)
I tre moschettieri (Canale 5, 1991)
Striscia la notizia (Canale 5, 1991-1992)
Scherzi a parte (Italia 1, 1992; Canale 5, 1993-1995, 2002-2003)
Arrivederci Estate (Rete 4, 1993)
Quelli che il calcio (Rai 3, 1993-1998; Rai 2, 1998-2001)
Gran Galà della Musica (Canale 5, 1993)
Prima notte con Pamela (Rete 4, 1993)
Il boom (Canale 5, 1996)
EuroPeo (Italia 1, 1996)
Faccia tosta (Rai 1, 1997)
Fantastica italiana (Rai 1, 1997)
DopoFestival - Sanremo notte (Rai 1, 1999-2000)
Francamente me ne infischio (Rai 1, 1999)
Comici (Italia 1, 1999)
Festival di Sanremo (Rai 1, 2000)
Paperissima - Errori in TV (Canale 5, 2002) ^{1ª puntata}
Il Teo - Sono tornato normale (Canale 5, 2004)
Sei un mito (Canale 5, 2005)
Che tempo che fa (Rai 3, 2005-2006)
La domenica sportiva (Rai 2, 2006-2010)
Colpo di genio (Rai 1, 2007)
Ballando con le stelle (Rai 1, 2014) concorrente
Techetechete' (Rai 1, 2015) Puntata 68
Teo in the Box (Rai 3, 2015)
L'anno che verrà (Rai 1, 2016)
Premio Lelio Luttazzi (Rai 1, 2017)
Zelig (Canale 5, 2021)

Publisità

Brillantina Brylcreem (1964)
Oransoda (1968-1969)
Sofficini Findus (1994)
Latte fresco Granarolo (1996)
Pagine gialle (1997)
Aperol Soda (1998-1999)
Panettone Maina (2004)
Poltronesofà (2011)
Unieuro (2021)

Reconosimenti

Ambrogino d'oro
- 2006 – Ambrogino d'oro – Medaglia d'oro^[9]

Leggio d'oro
- 2007 – Leggio d'oro per la voce televisiva^[10]

Notasion

↑ (canson scrita da Luciano Beretta par el testo e da Iller Pattacini par ła mùzega)
↑ de Nisa (autor de'l testo) e de Angelo Fiorentini ed Emma Chelotti (autori de ła mùzega)
↑ canson scrivesta par łu da Miki Del Prete e Luciano Beretta par el testo e da Adriano Celentano e Detto Mariano par ła mùzega
↑ Discografia Nazionale della canzone italianadiscografia.dds.it. entrada il 15 de zenaro 2023.
↑ Teo Teocoli abbandona, Columbro torna a PaperissimaRepubblica.it, 18 ottobre 2002. entrada il 18 aprile 2017.
↑ Teocoli, Teo, 1945-, Frittura globale totale : la vera storia di Felice Caccamo, Baldini & Castoldi, 1999, ISBN 88-8089-749-7, OCLC 45551084. entrada il 15 de zenaro 2023.
↑ Teo TeocoliRai. entrada il 15 de zenaro 2023.
↑ Io ballo da solo, autobiografia de Teo Teocoli, 2010, Ed. Mondadori, pag 76
↑ Ambroginimilano.corriere.it, 12 dicembre 2006. entrada il 29 gennaio 2019.
↑ Premio alla VoceLeggiodoro.it. entrada il 18 aprile 2017 (archivià dal URL orizenałe il 3 aprile 2017).

Bibliografia

2000 - "Vai, vai, vai, Teo!", Teo Teocoli, Ed. Mondadori
2003 - "Che libidine, è pieno!", Teo Teocoli e Gabriella Mancini, Ed. Rizzoli
2003 - "Frittura globale totale. La vera storia di Felice Caccamo.", Teo Teocoli, Ed. Poligrafici Editoriale
2005 - "Sono tornato normale show", Teo Teocoli, Ed. Mondadori
2005 - "Dim e didum e didera...", Teo Teocoli e Massimo Boldi, Ed. Mondadori
2010 - "Io ballo da solo", Teo Teocoli, Ed. Mondadori

Altri projeti

Wikimedia Commons el detien imàjini o altri file so Teo Teocoli
Scholia el detien schemi gràfeghi so Teo Teocoli

Linganbi foresti

Sito ufisałeteoteocoli.it.
Teo TeocoliDiscografia nazionale della canzone italiana, Istituto centrale per i beni sonori ed audiovisivi.
(EN) Teo TeocoliDiscogs, Zink Media.
(EN) Teo TeocoliMusicBrainz, MetaBrainz Foundation.
(EN) Teo TeocoliInternet Movie Database, IMDb.com.
(EN) Teo TeocoliAllMovie, All Media Network.

Controło de autorità	VIAF (EN) 120393520 · ISNI (EN) 0000 0001 1701 161X · El vałore TO0V330695 de SBN no el xe mija bon. · LCCN (EN) no2011037689 · GND (DE) 141153636 · WorldCat Identities (EN) no2011-037689

[1] (canson scrita da Luciano Beretta par el testo e da Iller Pattacini par ła mùzega)

[2] Nisa (autor de'l testo) e de Angelo Fiorentini ed Emma Chelotti (autori de ła mùzega)

[3] son scrivesta par łu da Miki Del Prete e Luciano Beretta par el testo e da Adriano Celentano e Detto Mariano par ła mùzega

[4] Discografia Nazionale della canzone italianadiscografia.dds.it. entrada il 15 de zenaro 2023.

[5] Teo Teocoli abbandona, Columbro torna a PaperissimaRepubblica.it, 18 ottobre 2002. entrada il 18 aprile 2017.

[6] Teocoli, Teo, 1945-, Frittura globale totale : la vera storia di Felice Caccamo, Baldini & Castoldi, 1999, ISBN 88-8089-749-7, OCLC 45551084. entrada il 15 de zenaro 2023.

[7] Teo TeocoliRai. entrada il 15 de zenaro 2023.

[8] Io ballo da solo, autobiografia de Teo Teocoli, 2010, Ed. Mondadori, pag 76

[9] Ambroginimilano.corriere.it, 12 dicembre 2006. entrada il 29 gennaio 2019.

[10] Premio alla VoceLeggiodoro.it. entrada il 18 aprile 2017 (archivià dal URL orizenałe il 3 aprile 2017).

[1]

[2]

[3]

[4]

[5]

[6]

[7]

[8]

[9]

[10]