María Luisa Paredes Bartolomé (3 d'abril de 1946, Madrid) ye una actrizespañola con una destacada trayeutoria teatral y cinematográfica, desenvuelta tamién en países como Francia ya Italia.
Dende neña amosaba una gran vocación pol teatru. En 1960 (a los catorce años d'edá) debutó en cine. Al añu siguiente debutó en teatru. Actuó cola compañía de Conchita Montes como meritoria, na obra de José López Rubio Esta nueche tampoco.
El teatru acompañola mientres tola so trayeutoria profesional (hasta apocayá trunfaba nel teatru con Hamlet con Eduard Fernández), anque'l númberu d'intervenciones como actriz en cine o televisión (Estudiu 1 ente otros) ye considerable.
Nes décades de 1960 y 1970 Marisa Paredes interpreta papeles secundarios en filmes de xéneros bien desemeyaos; intervién na película El mundu sigue (1965) de Fernando Fernán Gómez, en dalgún spaghetti western y nuna comedia de Marisol.
Posiblemente Ópera prima (1980) de Fernando Trueba supón un puntu d'inflexón y l'entamu del despegue de Marisa Paredes nel cine.
De la so rellación col direutor de #cine Antonio Isasi-Isasmendi, naz en 1975 la so única fía, la tamién actriz María Isasi.
La so reconocencia internacional y masivo ente'l públicu español llegó-y col direutor manchegu Pedro Almodóvar, quien la convirtió nuna «chica Almodóvar»; Paredes tien un papel n'Entre tinieblas (1983) y consigue yá papeles principales en películes como Tacones lejanos o La flor de mi secreto. Por esta #últimu película foi nomada al premiu Goya como meyor actriz protagonista.
Siguió collaborando con Almodóvar en Todo sobre mi madre (1999), Hable con ella (2002) y La piel que habito (2010).
Almodóvar abrió-y les puertes del mercáu internacional y tuvo l'honor de trabayar con direutores bien reconocíos del cine européu y en producciones tan emblemátiques como La vida ye bella (de Roberto Benigni) y Fondu Carmesí d'Arturo Ripstein.
En 2010 interpreta'l papel de reina Sofía na miniserie de televisión emitida por Telecinco Felipe y Letizia. La so participación, xunida a la de Juanjo Puigcorbé como #rey Juan Carlos, recibió crítiques por causa de los acentos adoptaos por dambos actores.[4][5][6]
Dende'l 2000 al 2003 foi la presidenta de l'Academia del Cine Español, faciendo frente a la dómina más revesosa y discutiniu d'ésta, yá que nel momentu inicial de la Guerra d'Iraq, los profesionales del cine español manifestáronse rotundamente en contra de too ello na gala del añu 2003.