Эўгеніюс Гянтвілас

Эўгеніюс Гянтвілас
прэм’ер-міністр Літвы
20 чэрвеня 2001 — 3 ліпеня 2001
Папярэднік Раландас Паксас
Пераемнік Альгірдас Бразаўскас
дэпутат Еўрапейскага парламента
20 ліпеня 2004 — 15 чэрвеня 2009
спецыяльны госць Парламенцкай асамблеі Савета Еўропы[d]
2 сакавіка 1992 — 1 лютага 1993
Міністр эканомікі і інавацый Літвы[d]
14 лютага 2001 — 12 ліпеня 2001
Дэпутат Сейма Літвы[d]
з 14 лістапада 2024
Дэпутат Сейма Літвы[d]
13 лістапада 2020 — 14 лістапада 2024
Дэпутат Сейма Літвы[d]
16 лістапада 2012 — 14 лістапада 2016
Дэпутат Сейма Літвы[d]
14 лістапада 2016 — 13 лістапада 2020
Нараджэнне 14 сакавіка 1960(1960-03-14)[1] (64 гады)
Дзеці Simonas Gentvilas[d]
Партыя
Член у
Адукацыя
Месца працы
Узнагароды
ордэн Трох зорак 3-й ступені
Лагатып Вікісховішча Медыяфайлы на Вікісховішчы

Эўгеніюс Гянтвілас (лат.: Eugenijus Gentvilas; нар. 14 сакавіка 1960 года) — літоўскі палітычны і дзяржаўны дзеяч, мэр Клайпеды, выконваючы абавязкі прэм’ер-міністра Літвы ў 2001 годзе.

У 1983 годзе скончыў факультэт прыродазнаўства Вільнюскага ўніверсітэта. У 1993 годзе атрымаў ступень кандыдата навук. Пасля заканчэння вучобы быў навуковым супрацоўнікам Акадэміі навук Літвы, працаваў у інстытутах геаграфіі (1983—1987), а таксама матэматыкі і кібернетыкі (1987—1990). У 1993—1996 гадах чытаў лекцыі ў Клайпедскім універсітэце.

У 1988 годзе пачаў удзельнічаць у русе Саюдзіс. У 1988—1990 гадах быў дэпутатам гарадской рады ў Клайпедзе. У 1990 годзе абраны ў Вярхоўны Савет Літоўскай ССР, быў адным з падпісантаў Акту аб аднаўленні Літоўскай дзяржавы ад 11 сакавіка 1990 года.

У 1993—2003 гадах — член Ліберальнага саюза Літвы, у 1996—1999 і 2001—2003 гадах — яго старшыня. З 2003 года — першы намеснік старшыні Ліберальнага саюза і Цэнтра. У 2006 годзе стаў сябрам Ліберальнага руху Літоўскай Рэспублікі і заняў пасаду старшыні філіі партыі ў Клайпедзе.

У 1997—2004 гадах быў дэпутатам гарадской рады, а да 2001 года быў мэрам Клайпеды. З лютага па ліпень 2001 года ён быў міністрам эканомікі ва ўрадзе Раландаса Паксаса. З 20 чэрвеня па 3 ліпеня 2001 года выконваў абавязкі прэм'ер-міністра.

У 2004 годзе быў абраны дэпутатам Еўрапарламента і ўваходзіў у парламенцкую групу Альянсу лібералаў і дэмакратаў за Еўропу. У 2009 годзе ён не балатаваўся. Стаў генеральным дырэктарам Клайпедскага марскога порта. У 2011 годзе быў зноў выбраны дэпутатам гарадской рады. У 2012 і 2016 гадах пераабіраўся ў Сейм. У снежні 2017 года стаў старшынёй Ліберальнага руху Літоўскай Рэспублікі. Узначальваў партыю да верасня 2019 года. У 2020 годзе ён падоўжыў свой дэпутацкі мандат яшчэ на адзін тэрмін.

Зноскі

  1. ↑ Eugenijus Gentvilas // Visuotinė lietuvių enciklopedija