Tantoo Cardinal

Tantoo Cardinal
akteur
persoanlike bysûnderheden
echte namme	Tantoo Cardinal
nasjonaliteit	Kanadeesk
berne	20 july 1950
berteplak	Fort McMurray (Alberta)
etnisiteit	Mety Kry
jierren aktyf	1975 – no
offisjele webside
Tantoo Cardinal yn 'e IMDb

Tantoo Cardinal (Fort McMurray (Alberta), 20 july 1950) is in Kanadeesk aktrise fan mingd Mety- en Kry-Yndiaansk etnysk komôf. Se hat in protte film- en tillefyzjewurk dien, wêrby't se ornaris byrollen fertolke. Dêrnjonken hat se ek in soad op 'e planken stien. Yn Jeropa ken men har mooglik út spylfilms as Dances with Wolves en Legends of the Fall en tillefyzjesearjes as Longmire en Stumptown.

Libben en karriêre

Jonkheid

Cardinal waard yn 1950 berne yn Fort McMurray, yn it noardlike part fan 'e Kanadeeske provinsje Alberta. Har mem, Julia Cardinal, wie in Mety (Métis) (d.w.s. ien fan mingd blank en Yndiaansk ras), en har heit wie in Kry-Yndiaan (Cree). Hja waard grutbrocht troch it folk fan har mem.

Karriêre

Yn 1975 sette Cardinal mei 25 jier útein mei in karriêre as aktrise. Hja hie rollen yn in grut tal films. Sa spile se yn 1990 de rol fan Black Shawl yn it bekroande Dances with Wolves, mei as tsjinspilers û.o. Kevin Costner, Mary McDonnell, Graham Greene, Rodney A. Grant en Floyd Red Crow Westerman. It jiers dêrop wie se te sjen as de frou fan it personaazje Chomina, yn 'e film Black Robe. Fierders hie se yn 1992 yn 'e western Unforgiven, mei Clint Eastwood en Morgan Freeman, in lyts roltsje as Sally Two Trees. Mei û.m. Brad Pitt, Anthony Hopkins, Aidan Quinn, Julia Ormond, Gordon Tootoosis en Karina Lombard spile Cardinal yn 1994 yn it bekroande Legends of the Fall, wêrby't se de rol fan Pet Decker fertolke.

De hânleasten fan Tantoo Cardinal op 'e Aboriginal Walk of Honour, yn Edmonton.

Guon oare films dêr't Cardinal byrollen yn hie, wiene Loyalties (1986), War Party (1988), Sioux City (1994), Smoke Signals (1998), Eden (2012) en Wind River (2017). Yn 1993 fertolke se de titelrol yn 'e film Silent Tongue, en yn 1994 spile se yn 'e tillefyzjefilm Lakota Woman: Siege at Wounded Knee, oer de Besetting fan Wounded Knee. Op 'e tillefyzje spile Cardinal yn 1992 ek mei Eric Schweig en Gordon Tootoosis yn 'e minysearje By Way of the Stars. Gastrollen hie se yn searjes as North of 60, Dr. Quinn, Medicine Woman, Spirit Bay, The Killing, Arctic Air en Longmire.

Yn 2012 en 2013 hie Cardinal de fêste rol fan Wilma Stoney yn 'e rige Blackstone, en yn 2019 en 2020 fertolke se de weromkearende rol fan Sue Lynn Blackbird, it bikkelhurde froulike opperhaad fan 'e pleatslike Yndianestamme yn Portland (Oregon), yn 'e Amerikaanske detektivesearje Stumptown, mei yn 'e haadrol har lângenoate Cobie Smulders. Yn 2018 spile Cardinal yn 'e film The Grizzlies de rol fan in skoalhaad dat skeptysk is oer de bedoeling fan in nije learaar om sosjale swierrichheden op te lossen yn it doarp Kugluktuk, yn noardwestlik Nûnavût.

Yn 1999 rjochte Cardinal mei Gordon Tootoosis de Saskatchewan Native Theatre Company op, in Yndiaansk toanielselskip yn Kanadeeske provinsje Saskatchewan, en yn dy hoedanichheid holp se jonge Yndiaanske akteurs om harren karriêre fan 'e grûn te krijen. Sels stie se ek in protte op 'e planken, en yn 2012 hie se de rol fan Regan yn in opfiering fan it toanielstik Kening Lear, fan Shakespeare, troch in folslein Yndiaanske cast yn it National Arts Centre yn 'e Kanadeeske haadstêd Ottawa. Yn 2009 waard Cardinal foar har bydragen oan film, tillefyzje en toaniel beneamd yn 'e Oarder fan Kanada, wat in keninklike ûnderskieding is.

Priveelibben

Cardinal mette har earste man, Fred Martin, doe't se yn 'e 1960-er jierren yn 'e kost wie by de húshâlding fan syn âldelju sadat se yn Edmonton nei de middelbere skoalle koe. Hja trouden yn 1968 en krige in soan, Cheyenne, foar't it houlik yn 1978 einige yn in skieding. Neitiid krige Cardinal in twadde soan, Clifford, mei akteur Beaver Richards. Fan 1988 oant 2000 wie se troud mei akteur John Lawlor, mei wa't se in dochter krige, dy't Riel hjit.

Op 23 augustus 2011 waarden Cardinal, har kollega-aktrise Margot Kidder en tsientallen oaren arrestearre by in demonstraasje tsjin it foarstelde trochlûken fan 'e Keystone-oaljepiiplieding.

Filmografy

Filmografy as aktrise
jier	titel	rol of funksje	opmerkings
films
1978	Marie-Anne	Tantou
1981	Death Hunt	Yndiaanske frou
1983	Running Brave	Caroline
1986	Places Not Our Own	Rose
1986	Loyalties	Rosanne Ladouceur
1987	Candy Mountain	Annie
1990	Divided Loyalties	Molly Brant
1990	Dances with Wolves	Black Shawl
1991	Black Robe	frou fan Chomina
1992	Unforgiven	Sally Two Trees
1993	Silent Tongue	Silent Tongue
1993	Where the Rivers Flow North	Bangor
1993	Mustard Bath	suster Amantha
1994	Sioux City	Dawn Rainfeather
1994	Legends of the Fall	Pet Decker
1996	Grand Avenue	?
1997	The Education of Little Tree	beppe
1997	Silence	Dolores
1998	Honey Moccasin	Honey Moccasin
1998	Smoke Signals	Arlene Joseph
1998	Heartwood	Violet Boucher
1999	The Hi-Line	Singing Bird
1999	A Stranger in the Kingdom	Heaven Fontaine
2000	Postmark Paradise	Reenie
2000	Blood River	Claire / Mattie	koarte film
2002	Edge of Madness	Ruth
2004	Memory	Ida	koarte film
2006	Unnatural & Accidental	muoike Shadie / Rita
2008	Older than America	muoike Apple
2008	Ancestor Eyes	Verna	koarte film
2008	Mothers & Daughters	Celine
2010	Every Emotion Costs	muoike Marcy
2011	Shouting Secrets	June
2012	Eden	ferpleechkundige
2013	From Above	âldere Venus
2013	Maïna	Tekahera
2014	Down Here	Stella Mitchell
2015	Hope Bridge	Lana
2016	ARQ	The Pope
2017	Wind River	Alice Crowheart
2018	Falls Around Her	Mary Birchbark
2018	The Grizzlies	Janice
2018	Through Black Spruce	Mary-Lou
2018	Hold the Dark	Illanaq
2018	Angelique's Isle	Thunderbird Woman
2019	Red Snow	Ruth
2020	The Corruption of Divine Providence	Juniper Fairweather
20??	Killers of the Flower Moon	Lizzie Q
tillefyzje
1984	Spirit Bay	Annie	fêste rol
1987	Gunsmoke: Return to Dodge	Little Doe	tillefyzjefilm
1990	The Campbells	Maria Brant	gastrol; ôfl. Miles to Go
1991	Lightning Field	Vivian	tillefyzjefilm
1992	Street Legal	Renee Stonehouse	weromkearende rol; 4 ôfl.
1992–1993	By Way of the Stars	Franois	minysearje
1993	Harts of the West	Helen	gastrol; ôfl. Auggie's End
1993	Spirit Rider	Marilyn St. Claire	tillefyzjefilm
1993–1995	Dr. Quinn, Medicine Woman	Snow Bird	weromkearende rol; 7 ôfl.
1994	Lakota Woman: Siege at Wounded Knee	mem fan Mary	tillefyzjefilm
1994–1997	North of 60	Betty Moses	weromkearende rol; 7 ôfl.
1995	500 Nations	?	as stimaktrise; minysearje
1996	Grand Avenue	Nellie	tillefyzjefilm
1998	Big Bear	Running Second	minysearje
1998	Cold Squad	Theresa Sandiman	gastrol; ôfl. Salty Cheever
2000	Navigating the Heart	Mary	tillefyzjefilm
2000	The Lost Child	muoike Mary	tillefyzjefilm
2001	MythQuest	Walloha	gastrol; ôfl. Red Wolf's Daughter
2002	Tom Stone	rjochter Crowfoot	gastrol; ôfl. Royalty
2003–2006	Moccasin Flats	Betty Merasty	weromkearende rol; 22 ôfl.
2004	Windy Acres	muoike Laura	weromkearende rol; 7 ôfl.
2004	H2O	grutopperhaad Katie Blackfire	gastrol; 2 ôfl.
2004	A Thief of Time	Irene Musket	tillefyzjefilm
2006	Indian Summer: The Oka Crisis	Iba Beauvais	minysearje; 4 ôfl.
2007	Luna: Spirit of the Whale	Gloria Maquinna	tillefyzjefilm
2008	The Guard	Ursula	weromkearende rol; 4 ôfl.
2008	Just Breathe	Heather	tillefyzjefilm
2008	Changing Climates, Changing Times	Grace Lajoie	tillefyzjefilm
2009	Tales of an Urban Indian	Dianne	tillefyzjefilm
2009	Dear Prudence	Ruth Vigil	tillefyzjefilm
2010	Shattered	Carol	gastrol; 2 ôfl.
2012–2015	Blackstone	Wilma Stoney	weromkearende rol; 18 ôfl.
2013	Arctic Air	muoike Mary	gastrol; ôfl. Skeletons in the Closet
2014	Strange Empire	Pichette	gastrol; ôfl. Lonely Hearts
2014–2016	Mohawk Girls	mem fan Zoe	weromkearende rol; 5 ôfl.
2015–2017	Longmire	Marilyn Yarlott	weromkearende rol; 4 ôfl.
2016	Frontier	Kamenna	gastrol; 2 ôfl.
2016	On the Farm	Ada Taylor	tillefyzjefilm
2017	Godless	Iyovi	minysearje; yn 7 ôfl.
2018	Outlander	Adawehi	gastrol; 2 ôfl.
2019–2020	Stumptown	opperhaad Sue Lynn Blackbird	weromkearende rol; 18 ôfl.
2020	New Amsterdam	dokter Jane Munsee	gastrol; 1 ôfl.

Keppelings om utens

• (in) Folsleine filmografy fan Tantoo Cardinal yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.