Anadón (Cuencas Meneras)

	Anadón
	Municipio d'Aragón
	; Envista d'Anadón a piet de la muela d'Anadón.
Entidat; • País; • Provincia; • Comarca	Municipio; Aragón; Teruel; Cuencas Meneras
Partiu chudicial	Calamocha
Superficie	24,6 km²
Población; • Total	; 34 hab. (2013)
Altaria; • Meyana	; 1.112 m.
Distancia; • 108 km	; enta Teruel
Alcalde	Luis García Roche
Codigo postal	44212
Parroquial; • Diocesi; • Arcipestrau; • Parroquia	; Teruel y Albarracín; Calamocha; Santa María la Mayor
Coordenadas	40°58’55’’N 0°58’59’’U
	Anadón Anadón en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre lo municipio d'Anadón. Pa lo pollet de l'anade u aneda, se veiga Anadón.

Anadón ye un municipio de la provincia de Teruel, situau en la comarca de las Cuencas Meneras. La suya población yera de 34 habitants en 2020, en una superficie de 24,6 km².

Cheografía

Ye situau a piet de la muela d'Anadón.

Mugas

Lo suyo termin municipal muga con Uesa, con Maicas, con Segura de los Banyos, con Salcediello, con Allueva.

Toponimia

Lo toponimo Anadón presenta lo sufixo -ón, que ye diminutivo pero tamién puede formar posesivos a partir de nombres propios.^[1] Como diminutivo anadón ye lo pollo de l'anade. Se puede interpretar como nombre de persona u embotada provinient de lo diminutivo porque dende 1199 se rechistra Anadón como antroponimo en la val d'Ebro.

En textos de lo sieglo XV bi ha microtoponimos en aragonés:^[2] La Foya, Fuent del Bustal, Los Losares (una partida de mont en la versant norte de la muela), Los Mariellyos, La Fonteziella, Collados de Albas, Sarcoçiello, La Maxiella, El Barranquiello, Carrera Rodiella, La Cueva u Las Huertas.

Historia

En la baixa Edat Meya, Anadón, Blesa, Cortes d'Aragón, Chosa, Maicas, Muniesa, Plenas, Plou, Salcediello, Segura y Uesa formaban la Honor de Uesa. En 1489 estas localidaz perteneixeban a la sobrecullida de Mont Albán, y a diferencia de belunas d'estas, en 1495 Anadón encara i yera.

En la primera mitat de lo sieglo XVII Anadón y las localidaz de la Honor de Uesa pasoron a depender de la Comunidat de Daroca por compra y se convertioron en la Sexma de la Honor de Uesa. En 1646 yera una localidat de la vereda de Mont Albán. Entre 1711 y 1833 yera en lo correchimiento de Daroca. En 1834 teneba concello. Estió en lo partiu chudicial de Mont Albán pero en 1965 pasó a lo partiu chudicial de Calamocha.^[3]

Demografía

Evolución demografica

1992	1994	1996	1997	1998	1999	2000	2001	2002
-	-	-	-	19	17	17	19	19

2003	2004	2005	2006	2007	2008	2009	2010	2011
19	19	16	20	21	20	20	21	24

2012	2013	2014	2015	2016	2017	2018	2019	2020
27	23	24	25	27	27	27	28	32

2021	2022	2023	2024	2025	2026	2027	2028	-
32	33	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Total									1

Alcaldes

Lista d'alcaldes
Lechislatura	Nombre	Partiu politico
1979–1983	Casimiro García Millán	UCD
1983–1987	Casimiro García Millán	AP
1987–1991	Casimiro García Millán	AP
1991–1995	Casimiro García Millán	PP
1995–1999	Casimiro García Millán	PP
1999–2003	Casimiro García Millán	PP
2003–2007	Casimiro García Millán	PP
2007–2011	Casimiro García Millán	PP
2011–2015	Luis García Roche	PP
2015–2019	Luis García Roche	PP
2019–2023
2023–2027	Jose Cesar Burriel Guillen ^[4]	PP

Puestos d'intrés

Ilesia de Sant Bertolomeu, sieglo XVIII.

Fiestas

Referencias

↑ (es) Agustín Ventura Conejero: Toponimia de la provincia de Teruel. Revista Teruel nº 48, 1972, pp. 234-235, p. 245.
↑ (es) Guillemo Iturbe Polo, Isabel Lorenzo Magallón: El sieglo XV en Muniesa y su entorno (1367-1503. Centro de Estudios Miguel de Molinos.
↑ (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. p. 110.
↑ (es) Consulta el listado de alcaldes que han sido proclamados en Aragón en Heraldo de Aragón

Municipios d'a comarca d'as Cuencas Meneras

Datos: Q1645446
Multimedia: Anadón / Q1645446

[1] (es) Agustín Ventura Conejero: Toponimia de la provincia de Teruel. Revista Teruel nº 48, 1972, pp. 234-235, p. 245.

[2] (es) Guillemo Iturbe Polo, Isabel Lorenzo Magallón: El sieglo XV en Muniesa y su entorno (1367-1503. Centro de Estudios Miguel de Molinos.

[UBIETODESPOBLAUS-3] (es) Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. p. 110.

[4] (es) Consulta el listado de alcaldes que han sido proclamados en Aragón en Heraldo de Aragón

[1]

[2]

[3]

[4]