Castellot

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castellot
Municipio d'Aragón
Entidat  • País  • Provincia  • Comarca	Municipio  Aragón  Teruel Mayestrato
Partiu chudicial	Alcanyiz
Superficie	233,2 km²
Población  • Total	678 hab. (2013)
Altaria  • Meyana	774 m.
Distancia  • 154 km	enta Teruel
Alcalde	Ramón Millán Piquer
Codigo postal	44560
Parroquial  • Diocesi  • Arcipestrau  • Parroquia	Teruel y Albarracín Alcorisa Sant Miguel arcánchel
Coordenadas	40°47’58’’N 0°19’ 10’’U
Castellot Castellot en Aragón
Web oficial

Castellot (Castellote en castellano) ye un municipio de la provincia de Teruel, situato en la comarca de lo Mayestrato.^[1] A suya población yera de 804 habitants (2010), en una superficie de 233,2 km².

Cheografía

Ye situato en una cuenca marguinal de lo Sistema Iberico. Comprende los lugars d'Abenfigo, L'Alchezira, Crespol, Las Cuevas de Canyart, Dos Torres de Mercader, Ladrunyán, Las Planas, Alagons, Luco de Bordón y Torremocha. Bi ha nuclios de pardinas despoblatos u cuasi, Alconzal, Güergo, Mas de Blasco, Mas de Ricol, Perogil, Mas de Soler, Mas de Lej, Lo Figueral, Latonar. Cuan se fació lo entibo de Santolea inundoron Mas de Campos y Santolea.

Mugas

Lo suyo termin muga con Molins, Berche, Seno, Alcorisa, Lo Mas de las Matas, Las Parras de Castellot, Palanques, Lo Forcallo, La Todoliella, Bordón, Villar Luengo y Exulv.

Berche	Seno, Alcorisa, Berche	Lo Mas de las Matas
Molins, Exulv		Las Parras de Castellot
Villar Luengo	Bordón, Villar Luengo	Palanques, Lo Forcallo, La Todoliella

Historia

Pareix que fue reconquiesto en una primera fase por Alifonso I, porque bi ha un documento de 1175 en la epoca de Alifonso II en que lo caballero Espanyol de Castellot invocaba dreitos datos por lo primer rei. Lo nombre de lo lugar vien por este personache. Dimpués pasó a depender de la Orden de lo Santo Redentor d'Alfambra, pero en abril de 1196 pasó a la Orden de lo Temple, que i organizoron una comanda con churisdicción sobre atros lugars dependients. Los templers de Castellot estioron un nuclio de resistencia en lo sieglo XIV. Cuan la orden templera se disolvió, Castellot pasó a depender de la Orden de lo Hespital. Cuan las guerras carlistas desfacioron lo castiello templer.

Toponimia

Como s'ha dito prene lo nombre de lo caballero Espanyol de Castellot. En textos medievals podemos veyer lo nombre trascrito de diferents trazas: Castellot, Castelloth, Castelot, Casteloth, seguntes las preferencias de diferents escribas, y las mas estranias y minoritarias como Castelloto, Casteeleyt (curiosa interpretación con lo medievalismo esleito).

Parla

Como en La Iglesuela, Alcorisa y lo Mas de las Matas bi ha muitos aragonesismos, a sobén coincidents con palabras catalanas. Fueras de la parla de Las Cuevas de Canyart no s'han investigato guaire. Destacan palabras como tajudo, fuesa, pulso, escullar, zoca, ansa, fiemo, royo, fardacho, apegar, panizo, espinae, zurrón, coscolla, badar, carrucha, purna, puncha, furdinya, tetar, somero, mesache, vorruga, melico, esparvero, astral, cachapo y espullar.

Demografía

Evolución demografica

1992 1994 1996 1997 1998 1999 2000 2001 2002 - - - - 744 739 737 741 796

2003 2004 2005 2006 2007 2008 2009 2010 2011 805 794 787 817 819 832 824 804 805

2012 2013 2014 2015 2016 2017 2018 2019 2020 794 782 754 728 706 688 676 681 676

2021 2022 2023 2024 2025 2026 2027 2028 - 687 677 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals[2]
Partiu	1979	1983	1987	1991	1995	1999	2003	2007	2011	2015	2019
Partido Aragonés	-	3	4	3	1	3	5	5	5	5	4
Independients	-	3	-	-	-	-	-	-	-	-	3[3]
Partido Popular	-	-	-	-	1	2	1	1	1	2	0
Partido de los Socialistas de Aragón	-	3	4	4	5	2	1	1	1	-	-
Centro Democrático y Social	-	-	1	-	-	-	-	-	-	-	-
Unión de Centro Democrático	9	-	-	-	-	-	-	-	-	-	-
Total	9	9	9	7	7	7	7	7	7	7	7

Alcaldes

Lista d'alcaldes

Lechislatura	Nombre	Partiu politico
1979–1983	Jesús Figueras Ramia[4]	Unión de Centro Democrático
1983–1987	Jesús Figueras Ramia
1987–1991	Jesús Figueras Ramia
1991–1995	Carlos Soler Ferrer	Partido de los Socialistas de Aragón
1995–1999	Carlos Soler Ferrer	Partido de los Socialistas de Aragón
1999–2003	Ramón Millán Piquer	Partido Aragonés
2003–2007	Ramón Millán Piquer	Partido Aragonés
2007–2011	Ramón Millán Piquer	Partido Aragonés
2011–2015	Ramón Millán Piquer	Partido Aragonés
2015–2019	Ramón Millán Piquer	Partido Aragonés
2019–2023
2023–2027	Raquel Benedi Becerra [5]	EXISTE

Puestos d'intrés

• Casa d'a Villa.
• Castiello.
• Casal Gordiano.
• Casal d'os Plana.
• Casal d'as Pepetas.
• Ilesia de Sant Miguel.
• Ermita d'a Virchen de l'Augua.
• Ermita d'o Llovedor.
• Ermita de Sant Macario, 1718.

Fiestas

• Sant Macario, chinero.
• Una tradición propia de Castellot ye una romería nomás que pa hombres ta un puesto montanyoso dito llovedor; ye o 1 de mayo y ye dedicata à la Virchen de l'agua, a qui ye dedicata a Ermita que bi ha en este puesto. La romería se fa dende 1405 en que once mozos fuoron ta la virchen de la Balma, en la provincia de Castellón, pa demandar augua.
• Fiestas patronals d'a Virchen de l'augua, agosto.

Personalidaz naixitas de Castellot

• Miguel Buñuel Tallada (1924-1980), escritor.
• Agustín Plana Sancho (1890-1980).
• Manuel Ricol Giner (1849-1920).

Referencias

1. (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.128
2. Archivo electoral
3. Como Castellote en positivo
4. (es) Treinta aniversario de las primeras elecciones municipales de la democracia. Ministerio de Hacienda y Administraciones Públicas
5. (es) Alcaldes y concejales por municipios 2023-2027 en a pachina web d'o Ministerio de Politica Territorial

Municipios de la comarca Mayestrato
Allepuz | Bordón | Canyada de Benatanduz | Cantaviella | Castellot | La Cuba | Fortanet | La Iglesuela | Mirambel | Miravet de la Sierra | Molins | Pitarc | Tronchón | Villar Luengo | Villarroya de los Pinars

Lugars d'o municipio de Castellot
Poblaus: Abenfigo | Los Alagons | l'Alchecira | Castellot | Crespol | Dos Torres de Mercader | Las Cuevas de Canyart | Ladrunyán | Luco de Bordón | Las Planas de Castellot Despoblaus: Santoleya | Torremocha

Lugars desapareixius de lo municipio de Castellot
Abella