Castelserás

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castelserás
Municipio d'Aragón
Santa Bárbara
Entidat  • País  • Provincia  • Comarca	Municipio  Aragón  Teruel Baixo Aragón
Partiu chudicial	Alcanyiz
Superficie	31,16 km²
Población  • Total	795 hab. (2013)
Altaria  • Meyana	382 m.
Distancia  • 186,6 km	enta Teruel
Alcalde	Ángela Montañés Serrano
Codigo postal	44630
Parroquial  • Archidiocesi  • Arcipestrau  • Parroquia	Zaragoza Alcanyiz Natividat de Santa María
Coordenadas	40°58’51’’N 0° 8’49’’U
Castelserás Castelserás en Aragón
Web oficial

Castelserás (Castellseràs en catalán) ye una localidat d'a provincia de Teruel, situata en a comarca d'o Baixo Aragón.^[1] A suya población ye de 818 habitants (2004), en una superficie de 31,16 km² con una densidat de 26,25 hab./km²

Cheografía

Ye situato en o semontano d'as primeras sierras d'o Sistema Iberico, en a marguin dreita d'o río Guadalop, a mán d'on desemboca o río Mezquín.

Comprende o despoblato conoixito como Castelserás Viejo (en o sieglo XIII Borgalmofada u Borgalmohada), en a marguin ezquierda d'o río y auguas entalto.

Mugas

O suyo termin municipal muga con Torrociella d'Alcanyiz, con un cantón d'o termin de La Codonyera, con La Torre de Viliella, con Calanda y con Alcanyiz.

	Alcanyiz
Calanda		Torrociella d'Alcanyiz
	La Torre de Viliella	La Codonyera

Toponimia

O nombre ye de dificil interpretación, pareixe d'orichen catalán, como dició Coromines. Coromines creye que l'orichen d'este toponimo representa o mesmo problema que l'orichen de toponimos catalanes pareixitos, y los relaciona con l'antroponimo chermanico Särio u Sarhari. No creye que bi haiga relación con o toponimo Castilserás de Ciudad Real, que él considera derivato d'o castellano sera que fa referencia a os transportes de mineral dende Almadén.

En Catalunya existen Castellserà, Comen-seràs y Torre-serona. Toz estos toponimos son de l'aria de proveniencia d'os catalans que repobloron as cuencas d'o río Matarranya y Guadalop.

Seguntes o latinista Agustín Ventura Conejero, Castelserás significaría Castiello de SERANUS y SERANVS ye un antroponimo que se testimonia en as inscripcions latinas de La Iglesuela. Castelserás se remontaría a un Seranis que indicaría pertenencia. El s'apoya que en Galicia bi ha muitos toponimos que acaban en -as con orichen en -anis, y que mientres que en Gúdar-Chabalambre bi hay un Toranes en l'Alto Palancia bi ha un Toràs:

• Seranis > Seranes > Serans > Serás.
• Turanis > Toranes > Torans > Torás.

A radiz castel pareixe catalana, y en muitos casos en ye, manimenos se troba mas que mas cuan en un compuesto ye atona, de la mesma manera que pui; asinas Castel y Pui pareixen formas abreviatas de Castiel(lo) y Pueyo.

A hipotesi toponimica popular que relaciona l'orichen d'o toponimo con o recorrido de César por Espanya (explicandolo como Castrum Caesar, Castrum Zeras), no pareixe buena.

Ya en a Carta Puebla de Calanda veyemos escrito Castelseràs. En un texto de 1272 apareixe como Castiel Sazas:

De Compositione de Calanda, et de Alferit, et de la defesa, et de Borgalmohada, que nadie dicunt Castiel Sazas, facto inter fratres Calatravae et camerarium Cesaraugustae.

En o fogache de 1405 ordenato en as Corz de Maella de 1404 s'escribiba Castielseras.

En un texto d'o sieglo XV de l'archivo ducal de Frías, relatibo a los Calatravos, fegura como Castilserás.

Parla

Como en tot o Baixo Aragón en sentito amplo bi ha muitos aragonesismos. Se conserva o deminutivo aragonés -et, con a pronunciación é, sin t. Bi ha muitas palabras que rematan en -án, representando a perdida frecuent d'a -o final en l'aragonés medieval de tierra plana y en l'actual belsetán y chistabín. Existe muito adstrato catalán. O lexico de Castelserás se replegó en as anyadas 1990 y fue publicato en numero 5 d'a revista Ruxiada.

Historia

En 1273, a Orden de Calatrava forachitó d'o lugar a la población musulmana que i viviba, ta establir l'actual Castelserás.^[2]

Demografía

Evolución demografica

1992 1994 1996 1997 1998 1999 2000 2001 2002 - - - - 870 862 858 851 838

2003 2004 2005 2006 2007 2008 2009 2010 2011 831 818 827 828 839 839 828 831 832

2012 2013 2014 2015 2016 2017 2018 2019 2020 834 833 830 840 827 823 831 815 800

2021 2022 2023 2024 2025 2026 2027 2028 - 789 793 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015	2019
Partido Popular								3	3	3	4
Partido de los Socialistas de Aragón								4	3	3	3
Partido Aragonés								0	1	1	0
Total								7	7	7	7

Alcaldes

Lista d'alcaldes

Lechislatura	Nombre	Partiu politico
1979–1983	Jacinto Montañés Ceperuelo [3]	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Ángela Montañés Serrano	Partido Popular
2015–2019
2019–2023
2023–2027	Pilar Arellano Mayayo [4]	PP

Fiestas

• Sant Sabastián, 19 de chinero.
• Lunes de Pascua de Pentecosta.

Existe un baile tradicional con nombre catalán el rodat.

Personaches naixitos de Castelserás

Categoría principal: Naixitos de Castelserás.

• Carmen Valero, atleta.

Vinclos externos

• www.castelseras.com.
• Lexico de Castelserás.

Referencias

1. (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.128
2. (es) Historia de Aragón, dirichida por Eloy Fernández Clemente, La Esfera de los Libros, Madrit, 1ª edición, ISBN 978-84-9734-722-8, pachina 266.
3. (es) Treinta aniversario de las primeras elecciones municipales de la democracia.
4. (es) Consulta el listado de alcaldes que han sido proclamados en Aragón en Heraldo de Aragón.

Municipios d'a comarca d'o Baixo Aragón
Auguaviva | Alcanyiz | Alcorisa | Belmont de Sant Chusé | Berche | Calanda | La Canyada de Beric | Castelserás | La Cerollera | La Codonyera | La Chinebrosa | Foz Calanda | Lo Mas de las Matas | La Mata de los Olmos | Las Parras de Castellot | Los Olmos | Seno | Torrociella d'Alcanyiz | La Torre de Viliella | Val d'Algorfa