La Foradada d'el Toscar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Foradada d'el Toscar Foradada del Toscar
Municipio d'Aragón
El barrio de la Villa Alta, como le dicen en la localidat, por alto de la N-260.
Entidat  • País  • Provincia  • Comarca	Municipio  Aragón  Uesca Ribagorza
Capital	Murillo de Llena
Partiu chudicial	Boltanya
Superficie	106,58 km²
Población  • Total  • Densidat	158 hab. (2013) 1,48 hab/km²
Altaria  • Meyana	873 m.
Distancia  • 118 km	enta Uesca
Alcalde	Joaquin Senz Gabas
Codigo postal	22452
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Andreu apóstol
Coordenadas	42°24’37’’N 0°21’ 2’’E
La Foradada d'el Toscar La Foradada d'el Toscar en Aragón
Web oficial

Esta pachina ye escrita en ribagorzano.

La Foradada d'el Toscar ( /lafoɾa'ðaða.deltos'ka/; oficialment, en castellano Foradada del Toscar^[1]) ye un llugar y municipio aragonés de la provincia de Uesca, situau en la comarca de Ribagorza. La suya población ye de 158 habitants en una superficie de 106,58 km² y una densidat de 1,48 hab/km².^[1]

Toponimia

El llugar se diz Foradada d'el Toscar por estar chusto debaixo d'un toscar, un aflloramiento de grans cantidaz de piedra tosca.

Como en belatros nuclios de la Ribagorza media, a on se parlla aragonés ribagorzano, amés d'el paradigma d'articlos en uso actual, se i troba toponimos fosilizaus con articlo lo: «lo Panar de las Llagunas» (1613), «Lo campo de los letones» (1613), lo cual da amuestra de que d'antes s'usaba.

Cheografía

El llugar de La Foradada se troba a 980 m^[2] en el puerto de la Foradada, a poquez metros de la corona d'el mismo. Ye chusto debaixo d'una penya calsinera que tiene per nombre «lo Toscar» per l'aflloramiento de grans cantidaz de tosca sedimentaria que i ha. Lo Toscar ye una prollargación de la sierra Ferrera que, per tenir un troz pareix que rompiu, tiene un puntón bel poquet mes deseparau, que ye lo que recibe el nombre de «Foradada». El barranco que naixe en el puerto y baixa per debant de Foradada se diz barranco de la Foradada y desemboca en l'Esera en Navarri.

El municipio entero, en cambio, ye mes llargo en diferents direccions. El primer costau por a on s'esparde ye per l'atra man d'el collau de la Foradada ta la Fueva, a on incluye los llugarons de la Cort y las Corz que ya son fovanos. Dimpués, tornand ta la cuenca de l'Esera, tamé incluye la valleta de l'Aigüeta de Viu que ye entre la Ferrera y la punta de las Forcas y desemboca en l'embalse d'Argoné, per el mont de la villa de Campo, y comprende los llugarons de Viu y Senz.

Per la vall de l'Esera, incluye los llugars de las Colladas y Navarri per a on el barranco de Foradada s'achunta con el río, y Murillo de Llena, Vacamorta y Espluga, estes tres zaguers en la vall d'el barranco de Vacamorta.

Historia

El llugar de la Foradada eba una aldea que feba parte de l'abadiau de Sant Veturián de la Fueva.^[2] Se'n tiene conoiximiento que existise dende el siglo XI pe'l documento de las decimas de Castillón,^[3] que se van trobar en Castillón de Sos, y pe's cartularios de Roda.^[2]

El nombre apareix como «Foratata» en los primers textos con rasgos de romance. S'ha trobau una persona que se diba «Fedaco de Foratata» citada en los cartularios de Roda, datables d'entre los anyos 964 y 972, se cita el llugar como «villa de Foratata» en l'anyo 1025^[4] y bella persona que se fa dir «de Foratata» en los documentos de Sant Veturián dica, lo menos, 1209.^[4]

A partir d'el siglo XIII pareix que el toponimo s'estabiliza ya como «Foradada». Se troba «termino de Foradada» en 1243 y «villam de Foradada» en 1250, los dos en los cartularios de Sant Veturián.^[4] Amaneix «villam et castrum de Foradada» en 1289, y «Locum dicitur Foradada» en 1293.^[5]

Demografía

D'el llugar de la Foradada:

Evolución demografica

1992 1994 1996 1997 1998 1999 2000 2001 2002 - - - - - - 28 25 24

2003 2004 2005 2006 2007 2008 2009 2010 2011 22 22 23 23 32 35 38 37 33

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

De tot el municipio:

Evolución demografica

1992 1994 1996 1997 1998 1999 2000 2001 2002 - - - - - - 242 235 228

2003 2004 2005 2006 2007 2008 2009 2010 2011 220 213 220 212 231 238 226 215 211

2012 2013 2014 2015 2016 2017 2018 2019 2020 - - - - - - - 172 -

2021 2022 2023 2024 2025 2026 2027 2028 - - 168 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Parla

La parla actual en el municipio ye principalment de tendencia ribagorzanas, en es llugar mas orientals, sacand-ne los nuclios de Foradada, la Cort y las Corz, que per trobar-se a on se troban manifiestan tendencias mes sobrarbencas que s'adscribirían a l'aragonés fovano. Foradada tamién pertenece a lo dominio lingüistico d'o fovano con la sola diferencia d'o sistema d'articlos que son el, la, los, las, y el uso del pronombre mos. La resta de rasgos son igual que en o fovano. Manimenos, en el llugar de la Foradada, per trobar-se tan alto y de camino ta'l puerto, el contacto sosteniu con la vecina comarca de Sobrarbe a traviés de la Fueva fa que predominen toz os rasgos fovanos tanto foneticos como morfosintaticos que no son guaire comuns en la resta de Ribagorza, como l'apocope de consonants inicials en los articlos «la» y «las», que s'han puesto conoixer como «a» y «as» en boca de vecins de la localidat no fa guaires anyos y as formas verbals no apocopadas fendo, chirando, mos n'imos, femos, tenemos.

En el siglo XV, el sistema d'articlos que se i emplegaba podría haber estau «lo, los, la, las» perque en el Fogache de 1495 los habitadors el feban servir en los apellidos suyos: «Domingo lo Pueyo», «Marquo la Penya» y «Johan de la Cort», etc.

Administración

Como con muitos municipios ha pasau, la Foradada d'el Toscar ye un municipio formau per agregación de los nuclios que el forman.^[6][7] Encara que s'ha respectau el nombre orichinal, que fa referencia a'l llugar de la Foradada, el creiximiento d'el municipio en incorporand-se-ie los atros nuclios ha conduciu a que la capitalidat municipal s'haiga tresladau ta unatro nuclio.

En el periodo intercensal 1842-1857 se van achuntar con la Foradada los llugars de las Colladas (formalment «Las Casas de las Colladas»^[6]) y Navarri,^[6] Murillo de Llena,^[6] Senz^[6] y Viu.^[6] Espluga, que eba parte d'el desapareixiu municipio de Merli, se i va achuntar ta 1970.^[6] L'achuntamiento ye en Murillo de Llena.^[7]

Reparto de concellers

Eleccions municipals[8]
Partiu	1979	1983	1987	1991	1995	1999	2003	2007	2011	2015	2019
Partido de los Socialistas de Aragón	-	4	4	4	3	3	1	4	0	2	2
Partido Aragonés	-	-	-	3	4	-	4	1	1	1	2
Partido Popular	-	3	3	-	-	4	0	0	0	2	-
Independients	-	-	-	-	-	-	-	-	4[9]	-	-
Unión de Centro Democrático	7	-	-	-	-	-	-	-	-	-	-
Total	7	7	7	7	7	7	5	5	5	5	5

Alcaldes

Lista d'alcaldes

Lechislatura	Nombre	Partido politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	María del Carmen Castillón Castillón	Partido de los Socialistas de Aragón
2011–2015	Joaquín Senz Gabás	Independient
2015–2019
2019–2023
2023–2027	Pedro Manuel Puyalto Delmas [10]	PSOE

Imáchens

• 
  La penya lo Toscar por alto de la Villa Alta
• 
  Ilesia de Sant Andreu.
• 
  Casa noble.
• 
  Sierra Ferrera y La Foradada d'el Toscar

Se veiga tamé

• Lista de municipios de Uesca.

Referencias

1. (es) «Foradada del Toscar» en la subpachina «Relación de unidades poblacionales» d'el Instituto Nacional de Estadística, consultada el 21 de marzo de 2011.
2. (es) «Foradada» en la pachina oficial de l'Achuntamiento de Foradada d'el Toscar, consultada el 23 d'aviento de 2010.
3. (es) Las décimas de Castejón de Sos. ¿Vestigios del primitivo romance ribagorzano? de Moisés Selfa Sastre. Consultau el 23 d'aviento de 2010.
4. (es) Toponimia documental del valle medio del Ésera I. Análisis de toponimia mayor; SELFA SASTRE, Moisés.
5. (es) Estudio lingüístico de la onomástica del monasterio de San Victorián de Sobrarbe (Huesca). Años 1289 - 1304, por SELFA SASTRE, Moisés. 2006.
6. (es) «Foradada de Toscar» en la subpachina «Alteraciones de los municipios en los Censos de Población desde 1842» d'el Instituto Nacional de Estadística, consultada el 23 d'aviento de 2010
7. (es) Pachina web oficial de l'Achuntamiento de Foradada del Toscar; consultada el 23 d'aviento de 2010.
8. Archivo Electoral
9. Como Agrupación de Electores de Foradada del Castillo
10. (es) Consulta el listado de alcaldes que han sido proclamados en Aragón en Heraldo de Aragón

Vinclos externos

• Se veigan as imáchens de Commons sobre la Foradada d'el Toscar.
• (an) Video sobre caza en la parla de Morillo de Liena en o Municipio de la Foradada. De l'Archivo Audiovisual del Aragonés.

Municipios d'a comarca de Ribagorza

Arén de Noguera | Benavarri | Benás | Beranui | Bisagorri | Bonansa | Campo | Capella | Castigaleu | Castilló de Sos | Chía | Estupinyán | La Foradada d'el Toscar | Graus | Isabana | Llascuarre | Monesma y Caixigar | Montanui | Las Pauls | Perarruga | La Puebla de Castro | Puent de Montanyana | Santa Llestra y Sant Quílez | Saúnc | Secastiella | Seira | Sesué | Sopeira | Tolva | Torlarribera | Vall de Bardaixín | Vall de Lierp | Viacamp i Lliterà | Vilanova

Lugars d'o municipio de la Foradada d'el Toscar
As Colladas | Esplluga | La Foradada d'el Toscar | A Cort | As Cortz | Murillo de Llena | Navarri | Senz | Vacamorta | Víu