Анэт Норберг

У Вікіпедыі ёсць артыкулы пра іншых людзей з прозвішчам Норберг.
Анэт Норберг
шведск.: Anette Norberg
Агульная інфармацыя
Пол жанчына
Спецыялізацыя кёрлінг[1]
Нарадзілася 12 лістапада 1966(1966-11-12) (58 гадоў)
Грамадзянства
Альма-матар
Рабочы бок праварукасць[2]
Рост 174 см
Вага 70 кг
Лагатып Вікісховішча Медыяфайлы на Вікісховішчы

Анэт Норберг (шведск.: Anette Norberg; нар. 12 лістапада 1966, Гэрнёсанд, Швецыя) — шведская кёрлінгістка, скіп нацыянальнай зборнай Швецыі на зімовых Алімпійскіх гульнях 2006 і 2010.

Адна з самых тытулаваных кёрлінгістак у гісторыі сусветнага кёрлінгу: двухразовая алімпійская чэмпіёнка (на цяперашні час адзіная з жанчын-скіпаў алімпійскіх чэмпіёнак, якая на дзвюх Алімпіядах выйгравала залатыя медалі ў турнірах жаночых каманд), трохразовая чэмпіёнка свету, сяміразовая чэмпіёнка Еўропы. Трэнер па кёрлінгу.

Дасягненні

[правіць | правіць зыходнік]
  • Зімовыя Алімпійскія Гульні: золата (2006, 2010), срэбра (1988; дэманстрацыйны турнір).
  • Чэмпіянат свету па кёрлінгу сярод жанчын: золата (2005, 2006, 2011), срэбра (2001, 2009), бронза (1988, 1989, 1991, 2003).
  • Кантынентальны кубак па кёрлінгу (у складзе каманды «мір»): золата (2003, 2006, 2008, 2012), срэбра (2004).
  • Чэмпіянат Еўропы па кёрлінгу: золата (1988, 2001, 2002, 2003, 2004, 2005, 2007), срэбра (1984, 1987), бронза (1989, 1991).
  • Чэмпіянат Швецыі па кёрлінгу сярод жанчын: золата (1987, 1989, 1991, 1994, 1998, 2001, 2003, 2004, 2005, 2006, 2007, 2008), срэбра (2012, 2013, 2018), бронза (2009, 2011, 2019).
  • Чэмпіянат Швецыі па кёрлінгу сярод змешаных каманд: золата (2008), срэбра (2017, 2019).
  • Чэмпіянат Швецыі па кёрлінгу сярод змешаных пар: бронза (2017).
  • Чэмпіянат Еўропы па кёрлінгу сярод юніёраў: срэбра (1986, 1987), бронза (1983).
  • Чэмпіянат Швецыі па кёрлінгу сярод юніёраў: золата (1983, 1986, 1987).

Прыватнае жыцце

[правіць | правіць зыходнік]

Замужам, ёсць дачка — Тэрэза Вэстман, таксама кёрлінгістка, чэмпіёнка Швецыі сярод змешаных пар 2018, гуляе ў камандзе маці.

Малодшая сястра Анэт, Катрын Ліндаль — кёрлінгістка і трэнер, таксама неаднаразовая чэмпіёнка Алімпійскіх гульняў, свету, Еўропы, шмат гадоў гуляла ў камандзе Анэт.

У 2014 Норберг паведаміла прэсе, што ў 2013 ў яе быў дыягнаставана анкалагічнае захворванне лёгкіх. Яна прайшла курс лячэння, які ўключаў хірургічныя аперацыі і хіміятэрапію, пасля чаго сімптомы захворвання не выяўляюцца.

Скончыла Упсальскі ўніверсітэт, дзе вывучала матэматыку.

Зноскі

  1. ↑ (unspecified title) Праверана 8 мая 2022.
  2. ↑ results worldcurling