 Kalenders
|
|
|
Die jaar 2024 is die huidige jaar en 'n skrikkeljaar wat volgens die Gregoriaanse kalender op 'n Maandag begin het. Dis is die 24ste jaar van die 21ste eeu n.C. In teenstelling met gewone jare het die jaar 366 dae en 'n 29 Februarie.
- 1 Januarie – België neem die voorsitterskap van die Europese Unie by Spanje oor.
- 14 Januarie – Nadat Margrethe II ten gunste van haar oudste seun abdikeer het, lê Frederik X die ampseed as nuwe koning van Denemarke af.
- 4 Februarie – Ná die dood van die Namibiese president Hage Geingob word volgens die grondwet Nangolo Mbumba as sy opvolger ingesweer.
- 25 Februarie – Aaron Bushnell, 'n 25-jarige dienspligtige van die Amerikaanse Lugmag, verbrand homself buite die Ambassade van Israel in Washington, D.C. in protes teen Israel se optrede in Gasa.
- 7 Maart – In reaksie op die Russiese inval in Oekraïne sedert 2022 sluit Swede as 32ste lidland by die Noord-Atlantiese Verdragsorganisasie aan.
- 22 Maart – 'n Gekoördineerde terroriste aanval in die Krokus Stadsaal—musieklokaal in Moskou eis die lewens van meer as 133 mense.
- 13 April – Die Islamitiese Revolusionêre Wagkorps (IRGC) van Iran loods 'n missiel en hommeltuigaanval op Israel.
- 9 Mei – Hemelvaartsdag.
- 15 Mei – Die Slowaakse eerste minister Robert Fico word in 'n sluipmoordpoging in Handlová gewond.
- 29 Mei – Die sewende algemene verkiesing in Suid-Afrika vind plaas.
- 4–30 Junie – Die 9de T20I-wêreldbeker word in die Verenigde State en Wes-Indië aangebied en deur Indië gewen.
- 4 Junie – Die uitslag van die Indiese algemene verkiesing wat van 19 April tot 1 Junie in sewe fases gehou is om al die 543 lede van die Lok Sabha te verkies, word bekend gemaak.
- 6–9 Junie – Verkiesings vir die Europese Parlement.
- 1 Julie – Hongarye neem die voorsitterskap van die Europese Unie by België oor.
- 2 Julie – Die Nederlandse Schoof-kabinet word saamgestel.
- 4 Julie – Die Britse verkiesing vir die laerhuis word deur die Britse Arbeidersparty gewen.
- 7 Julie – Presidentsverkiesing in Meksiko.
- 13 Julie – Die voormalige Amerikaanse president Donald Trump word beseer in 'n sluipmoordpoging tydens 'n Republikeinse veldtogsaamtrek naby Butler, Pennsilvanië.
- 19 Julie – 'n Foutiewe opdatering van sekuriteitsagteware deur CrowdStrike, 'n Amerikaanse kuberveiligheidsmaatskappy het besighede en regerings regoor die wêreld is geraak in wat beskryf is as die grootste onderbreking in die geskiedenis van inligtingstegnologie tot op daardie stadium.
- 25 Julie – Slag van Tinzaouaten vind plaas in Mali waartydens Toeareg-rebelle Russiese huursoldate die grootste verlies toedien sedert die 2021 Wagner-groep ontplooiing in die land.
- 26 Julie – Die Olimpiese Somerspele 2024 begin in Parys, Frankryk.
- 26 Julie – 'n Polisieklopjag op 'n plaas wat vermoedelik dien as 'n geheime militêre opleidingskamp in Witrivier,Mpumalanga lei tot die arrestasie van 95 Libiese burgers.
- 6 Augustus – Die Oekraïense Weermag loods 'n inval in Rusland se Koersk-oblast as deel van die voortslepende Russies-Oekraïnse Oorlog.
- 18 Augustus – Afsluiting van die Olimpiese Somerspele 2024.
- 28 Augustus – 8 September – Die Paralimpiese Somerspele 2024 word gehou.
- 10 September – Die Polaris Dawn private menslike ruimtevlugsending wat deur SpaceX bestuur word, word gelanseer in die Verenigde State.
- 17 September – Etlike Hezbollah-lede gedood en beseer in Libanon en Sirië toe hul radioroepers ontplof het.
- 1 Oktober – Iran loods ‘n ballistiese missiel aanval op Israel.
- 9 Oktober – ‘n Algemene verkiesing word in Mosambiek gehou om die president, die 250 lede van die Vergadering van die Republiek en lede van die tien provinsiale vergaderings te verkies.
- 30 Oktober – ‘n Algemene verkiesing word in Botswana gehou om die samestelling van die 13de Parlement van Botswana asook plaaslike rade regoor die land te bepaal.
- 5 November – Presidentsverkiesing in die Verenigde State van Amerika.
- 21 November – Kunswerk A.I.God, ‘n portret van die Engelse wiskundige Alan Turing het die eerste kunswerk deur 'n humanoïde robot, Ai-Da geword wat op 'n veiling verkoop is, vir $1,0 miljoen (R17,54 miljoen).
- 3 Januarie – Edwill van Aarde, Suid-Afrikaanse televisie-, radio-omroeper en sportkommentator (* 1938).
- 4 Januarie – Glynis Johns, Suid-Afrikaanse aktrise (* 1923).
- 7 Januarie – Franz Beckenbauer, Duitse sokkerspeler en bestuurder (* 1945).
- 11 Januarie – Gonzalo Lira, Amerikaanse ondersoekende joernalis en oorlogskommentator. (* 1968).
- 13 Januarie – Joyce Randolph, Amerikaanse aktrise (* 1924).
- 30 Januarie – Chita Rivera, Amerikaanse aktrise (* 1933).
- 2 Februarie – Don Murray, Amerikaanse akteur (* 1929).
- 4 Februarie – Hage Geingob, Namibiese politikus en derde president van Namibië (* 1941).
- 10 Februarie – Aletta Bezuidenhout, Suid-Afrikaanse aktrise (* 1949).
- 11 Februarie – Kelvin Kiptum, Keniaanse langafstandhardloper (* 1999).
- 16 Februarie – Aleksei Nawalni, Russiese regsgeleerde, politikus en finansiële aktivis (* 1976).
- 17 Februarie – Mike Procter, Suid-Afrikaanse krieketkaptein en keurder (* 1946).
- 11 Maart – Eric Carmen, Amerikaanse sanger (* 1949).
- 11 Maart – Paul Alexander, Amerikaanse verlamde polio-oorlewende, die laaste man wat in 'n ysterlong geleef het (* 1946).
- 18 Maart – Hans Heese, Suid-Afrikaanse skrywer en genealoog (* 1945).
- 21 Maart – Markus Jooste, Suid-Afrikaanse sakeman (* 1961).
- 3 April – Vera Tschechowa, Duitse aktrise (* 1940).
- 4 April – Hennie Maas, Suid-Afrikaanse radio-omroeper (* 1942).
- 10 April – O.J. Simpson, Amerikaanse voetbalspeler, akteur en misdadiger (* 1947).
- 20 April – Andrew Davis, Engelse dirigent (* 1944).
- 23 April – Murunwa Makwarela, Suid-Afrikaanse politikus (* 1972).
- 29 April – Dingaan Thobela Suid-Afrikaanse professionele bokser (* 1966).
- 17 Mei – Sid Going, Nieu-Seelandse rugbyspeler (* 1943).
- 21 Mei – James Selfe, Suid-Afrikaanse DA-politikus (* 1955).
- 1 Junie – Ruth Maria Kubitschek, Duitse aktrise (* 1931).
- 7 Junie – "Bill" Anders, Apollo 8-ruimtevaarder (* 1933).
- 12 Junie – Wjatsjeslaf Zoedof, Sowjetse ruimtevaarder (* 1942).
- 20 Junie – Donald Sutherland, Kanadese akteur (* 1935).
- 11 Julie – Shelley Duvall, Amerikaanse aktrise (* 1949).
- 13 Julie – Shannen Doherty, Amerikaanse aktrise (* 1971).
- 18 Julie – Bob Newhart, Amerikaanse akteur en skrywer (* 1929).
- 20 Julie – Jan Groenewald, Suid-Afrikaans akteur, televisieredakteur en dramaturg (* 1946).
- 25 Julie – Louis van Schoor, Suid-Afrikaanse massamoordenaar (* 1950).
- 31 Julie – Ismail Haniyeh, Palestynse politieke leier van Hamas, vermoor in Iran (* 1963).
- 14 Augustus – Gena Rowlands, Amerikaanse aktrise en skryfster (* 1930).
- 18 Augustus – Alain Delon, Franse akteur (* 1935).
- 21 Augustus – William Smith, Suid-Afrikaanse wetenskap- en wiskunde-onderwyser, bekend op televisie (* 1939).
- 23 Augustus – Abraham H. de Vries, Afrikaanse skrywer (* 1937).
- 27 Augustus – Anastasia de Vries, Afrikaanse joernalis, rubriekskrywer en lektor (* 1960).
- 3 September – Georg Meiring, laaste hoof van die Suid-Afrikaanse Weermag en eerste hoof van die Suid-Afrikaanse Nasionale Weermag (* 1939).
- 5 September – Sérgio Mendes, Brasiliaanse musikant (* 1941).
- 9 September – James Earl Jones, Amerikaanse akteur (* 1931).
- 13 September – Pravin Gordhan, Suid-Afrikaanse politikus en minister van finansies en openbare ondernemings (* 1949).
- 20 September – Kathryn Crosby, Amerikaanse aktrise (* 1933).
- 22 September – Koos van der Merwe, Suid-Afrikaanse politikus (* 1937).
- 27 September – Hassan Nasrallah, Libanese geestelike en die sekretaris-generaal van Hezbollah (* 1960).
- 28 September – Kris Kristofferson, Amerikaanse akteur en komponis (* 1936).
- 1 Oktober – Frits Gaum, predikant van die Nederduitse Gereformeerde Kerk (* 1940).
- 12 Oktober – Tito Mboweni, agtste Goewerneur van die Suid-Afrikaanse Reserwebank, ANC-minister van arbeid en finansies (* 1959).
- 21 Oktober – Christine Boisson, Franse aktrise (* 1956).
- 25 Oktober – Hans du Plessis, Afrikaanse skrywer en digter (* 1945).
- 30 Oktober – Danie Odendaal, Suid-Afrikaanse skrywer, TV-vervaardiger en -regisseur (* 1947).
- 2 November – Alan Rachins, Amerikaanse akteur, skrywer, en regisseur (* 1942).
- 3 November – Quincy Jones, Amerikaanse plate- en TV-vervaardiger, dirigent en liedjieskrywer (* 1933).
- 6 November – Tony Todd, Amerikaanse vervaardiger, en regisseur (* 1954).
- 12 November – Bent Mejding, Deense akteur en regisseur (* 1937).
Kalenders