Calcena

	Calcena
	Municipio d'Aragón
	; Envista de Calcena.
Entidat; • País; • Provincia; • Comarca	Municipio; Aragón; Zaragoza; Aranda
Partiu chudicial	L'Almunia de Donya Godina
Superficie	64,7 km²
Población; • Total	; 75 hab. (2013)
Altaria; • Meyana	; 836 m.
Distancia; • 100 km	; enta Zaragoza
Alcalde	Mariano Miguel San Claudio
Codigo postal	50268
Chentilicio	calceneros u calcenarios.
Parroquial; • Diocesi; • Arcipestrau; • Parroquia	; Tarazona; Baixo Xalón; Ntra. Sra. d'os Reis
Coordenadas	41°39’19’’N 1°43’ 5’’U
	Calcena Calcena en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Calcena ye un municipio de la provincia de Zaragoza (Aragón), situau en la comarca de l'Aranda. La suya población ye de 75 habitants (INE 2017), en una superficie de 64,76 km² y una densidat de población de 1,16 hab/km².

Cheografía

Ye situada en la val de la Isuela a piet de la versant sud de la sierra de Moncayo y a lo nord-este de la sierra de Tablado.

Un sector de la sierra de Moncayo con una superficie d'erosión sobre un plego sinclinal de materials churasicos en lo suyo termin municipal se nombra como "planas de Calcena".

Situada entre las muelas d'esta unidat se troba la plana de los Ascones.^[1] La plana de los Ascones ye travesada por la cabecera de lo barranco de Val de la Plata. Son elevacions en las marguins de la plana de los Ascones puestos como Raso y penyas Albas, dende a on que baixa un ret de barrancos enta lo sud como lo de Val de Maderos, que desaugua en la Isuela auguas enta baixo de lo nuclio habitau, a piet de cimas como San José y Santa Barbara.

Lo barranco de Val de la Plata ye un tributario de la Isuela con gran poder d'erosión remontant que ha escarvau auguas enta baixo de la plana de los Ascones la foz mes gran de la sierra y a on que bi ha menas d'archent.^[2] En realidat son menas de galena con inclusions d'archent (galena archentifera).^[3] Lo barranco de Val la Plata recibe un ret de barrancos que baixan dende Picarro (una de las penyas de Ferrera), lo collau d'el Campo y La Tonda.

Toponimia

Lo toponimo calcena se puet interpretar como un toponimo d'orichen romano con sufixo -ena de pertenencia acompanyando a lo nombre d'un propietario latifundista (¿CALCIUS?), u tamién puet tener relación con la calcina u con la roca calsinera.^[4]

En lo suyo termin municipal encara se conserva bel microtoponimo en aragonés como La Plana, Collado del Bispé, collado Royo, plana de los Ascones y plana d'el Rebollo. Atros microtoponimos como corral de Vallonquera, La Tariuela u penyas d'el Cabo^[2] podrían tener influencia aragonesa.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	95	93	90	87	76

2003	2004	2005	2006	2007	2008	2009	2010	2011
71	69	66	61	54	52	50	68	70

2012	2013	2014	2015	2016	2017	2018	2019	2020
65	81	78	79	72	75	75	72	73

2021	2022	2023	2024	2025	2026	2027	2028	-
78	74	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Independients									2
Partido de los Socialistas de Aragón									1
Total									3

Alcaldes

Lista d'alcaldes
Lechislatura	Nombre	Partiu politico
1979–1983	Pedro José Molinos Modrego	ORT-PTE
1987–1991	Félix Marco Sebastián	PSOE
1991–1995	Félix Marco Sebastián	PSOE
1995–1999	Félix Marco Sebastián	PSOE
1999–2003	Félix Marco Sebastián	PSOE
2003–2007	Félix Marco Sebastián	PSOE
2007–2011	Félix Marco Sebastián	PSOE
2011–2015	Mariano Miguel San Claudio	Independient
2015–2019	Mariano Miguel San Claudio	PSOE
2019–2023	Mariano Miguel San Claudio	PSOE
2023–2027	Mariano Miguel San Claudio ^[5]	PSOE

Historia

Las menas de galena archentifera de val de la Plata permitioron que la ceca de Turiasu emitís moneda d'este metal precioso.^[3] S'espleitoron sobre tot en los sieglos XVI y XVII, quedando en 1914 abandonadas pa cutio.^[2]

Las penyas Albas estioron lo escenario d'una batalla en la Guerra de la Unión (1347-1348). Se'n fa mención en las "Cronicas de los Chudeces de Teruel" en l'anyada chudicial 1348-1349:

...quel rei de Castiella enbio a Ferrant Perez de Portocayeto con el pendon de don Ferrando et con todos sus vasallos, et a Johan Rodriguez de Malcasta et a Ferrant Gomez de Albornoz los cuals se replegaron en Agreda, et el dito Ferrant Gomez queriendo saber las entradas de Tarazona por enantar contra los de la dita Hunion, fuese a Penyas Albas, et los de Tarazona supieronlo ixieron a el bien mil peones et cuatro ombres de cavallo et alli huvieron brega en manera quel dito Ferrant Gomez fue venzedor et daronse todos a preson.^[6]

Puestos d'intrés

Ilesia d'a Virchen d'os Reis.
Menas de Valdeplata.
Repuis d'o castiello.
Ermita de Sant Chusé.
Ermita de Sant Roque.
Ermita de Sant Cristofo.

Fiestas

Sant Chusé, 19 de marzo.
Corpus Christi.
Romería a Sant Cristofo, chunio.
Virchen d'el Rosario y Santa Constancia, primer domingo de agosto.
Santa Ursula, 21 d'octubre.

Cultura

Os traches tradicionals deixoron d'usar-se enta 1930 per as mullers y enta 1940 per os hombres. ^[7]

Referencias

↑ (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33.
↑ ^2,0 ^2,1 ^2,2 (es) Eduardo Viñuales Cobos, Pascual Luna Gimeno: Red natural de Aragón. nº 14, Comarca del Aranda. Prames, 2007 p 80, p 93.
↑ ^3,0 ^3,1 (es) Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988.
↑ (es) Pascual Miguel Ballestín Toponimia Mayor de Aragón: ciudades, villas, lugares, aldeas, ríos, montañas y territorios, Gara d'Edizions, 2015, ISBN 978-84-8094-059-7, p.143
↑ (es) Consulta el listado de alcaldes que han sido proclamados en Aragón en Heraldo de Aragón
↑ (an)(es) Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994. p 158.
↑ (an) / (es) Manuel Alvar: Atlas lingüístico y etnográfico de Aragón, Navarra y Rioja. Tomo VIII, p.83, Alicant, Biblioteca Virtual Miguel de Cervantes, 2023

Municipios d'a comarca de l'Aranda
Aranda de Moncayo \| Calcena \| Ebreya \| Exarc de Moncayo \| Gotor \| Illueca \| Mesons d'Isuela \| Osella \| Pomer \| Purullosa \| Sestrica \| Tierga \| Trasobars

Datos: Q1650833
Multimedia: Calcena / Q1650833

[PELLICERMONCAYO-1] (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33.

[REDNATURALARANDA-2] 2,0 ^2,1 ^2,2 (es) Eduardo Viñuales Cobos, Pascual Luna Gimeno: Red natural de Aragón. nº 14, Comarca del Aranda. Prames, 2007 p 80, p 93.

[MINERALESARAGON-3] 3,0 ^3,1 (es) Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988.

[4] (es) Pascual Miguel Ballestín Toponimia Mayor de Aragón: ciudades, villas, lugares, aldeas, ríos, montañas y territorios, Gara d'Edizions, 2015, ISBN 978-84-8094-059-7, p.143

[5] (es) Consulta el listado de alcaldes que han sido proclamados en Aragón en Heraldo de Aragón

[6] (an)(es) Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994. p 158.

[7] (an) / (es) Manuel Alvar: Atlas lingüístico y etnográfico de Aragón, Navarra y Rioja. Tomo VIII, p.83, Alicant, Biblioteca Virtual Miguel de Cervantes, 2023

[1]

[2]

[3]

[4]

[5]

[6]

[7]