Nuella

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nuella
Municipio d'Aragón
Casas pendidas de Nuella en un cinglo.
Entidat  • País  • Provincia  • Comarca	Municipio  Aragón  Zaragoza Comunidat de Calatayú
Partiu chudicial	L'Almunia de Donya Godina
Superficie	30,4 km²
Población  • Total	60 hab. (2013)
Altaria  • Meyana	491 m.
Distancia  • 72 km	enta Zaragoza
Alcalde	Luis Brusil Sánchez
Codigo postal	50269
Patrons	Sant Lorent
Parroquial  • Diocesi  • Arcipestrau  • Parroquia	Tarazona Baixo Xalón Vesitación de Ntra. Sra.
Río	Río Isuela
Coordenadas	41°32’17’’N 1°31’30’’U
Nuella Nuella en Aragón

Nuella (Nigüella en castellano) ye un municipio aragonés de la provincia de Zaragoza, situau en la comarca de la Comunidat de Calatayú. Fa parte de lo partiu chudicial de l'Almunia de Donya Godina.

La suya población ye de 81 habitants (2010), en una superficie de 30,4 km², con una densidat de población de 2,99 hab/km².

Cheografía

Ye situau en la val de la Isuela, a 491 metros d'altaria sobre lo livel d'a mar y a una distancia de 72 km de la ciudat de Zaragoza, la capital de la suya provincia y d'Aragón.

Mugas

Lo suyo termin municipal muga con Arandiga, Ebreya, Mesons d'Isuela, Epila y Ricla.

Toponimia

La primera mención ye como Nolia, cuan en 1177 lo bispe de Zaragoza don Pero de Torroja concedió la ilesia d'esta localidat a la ilesia d'Arandiga y modificó la repartición de decimas. Este texto ye reculliu en los "Cartularios de la Seu" y ye escrito en latín medieval:

...: ecclesiam de Nolia et de Masones et de Terga et de Trasovars et de Brea,...^[1]

En Rationes decimarum Hispaniae (1279-80):^[2] se leye Nuelia:

Item pro primicia de Arandega / Nuelia et Masones / Item pro primicia de Illueca...

En textos escritos en aragonés medieval s'escribe Nuella:

Item los de Nuella dan por juuaria XV solidos et un kafiz et meyo de trigo et IIII kafices et meyo de ordio. Los moros de Ricla dan por juuaria XXX a solidos III kafices de trigo VII kafices de ordio...^[3]

Y encara se leye Nuella en uns textos escritos en castellano de lo sieglo XVI de lo Condau de Morata:

De los Calis de Nuella, una pieça sitia en los Majuelos, que es cayz y medio de sembradura que affruenta con el término de Arándiga y con heredad de conceio.^[4]

Manimenos La forma actual Nigüella se troba ya en lo fogache de 1495. Seguntes la tradición popular, lo toponimo provién d'una batalla entre Pero IV d'Aragón y los unionistas. Dimpués de la batalla en lo lugar no quedó «ni huella» ("ni pisada") de vida.

En lo termin municipal de Moriella se troba un toponimo relacionau (Hostal d'en Nuella), que ye mencionau en fuents historicas relacionadas con lo Papa Luna y con las guerras carlistas.

Demografía

Evolución demografica

1992 1994 1996 1997 1998 1999 2000 2001 2002 - - - - 119 116 122 117 112

2003 2004 2005 2006 2007 2008 2009 2010 2011 105 97 90 89 91 87 84 81 79

2012 2013 2014 2015 2016 2017 2018 2019 2020 74 75 80 78 76 69 66 62 61

2021 2022 2023 2024 2025 2026 2027 2028 - 62 59 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Chunta Aragonesista									2
Partido de los Socialistas de Aragón									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007	Luis Brusil Sánchez	Chunta Aragonesista
2007–2011	Luis Brusil Sánchez	Chunta Aragonesista
2011–2015	Luis Brusil Sánchez	Chunta Aragonesista
2019–2023	Luis Brusil Sánchez	Chunta Aragonesista
2023–2027	Cintia Liarte Marin [5]	Chunta Aragonesista

Fiestas

• Sant Vicent, primer sabado de noviembre.
• Sant Lorent, 10 d'agosto.
• 1 de mayo, concurso de ranchos en lo río.

Asociacions

• Asociación de Mullers. Fa muitas actividaz anyals como "Los Chilindrones".
• Asociación "La Pezonería".

Referencias

1. (es) Ángel Canellas López: Los cartularios de San Salvador de Zaragoza. Volumen I. Monumenta diplomática aragonensía. IberCaja, 1989. ISBN 8487007341, 9788487007347. p 285, documento nº 490.
2. (es) José Rius Serra: Rationes decimarum Hispaniae (1279-80): Aragón y Navarra. CSIF 1946.
3. (es) Manuel de Bofarull y Sartorio: El Registro del Merino de Zaragoza, el caballero don Gil Tarín, 1291-1312, transcrito, anotado y acompañado de apuntes biográficos de la familia de Tarin (1889). Zaragoza : [s. n.] Imprenta del Hospicio., 1889, p 17
4. (es) Juan Ramón Royo García: La Bula Salviática en el Condado de Morata. Volumen 38 de Fuentes históricas aragonesas. Institución Fernando el Católico (C.S.I.C.), Diputación de Zaragoza, 2005, ISBN 8478208011, 9788478208012. p 113.
5. (es) Consulta el listado de alcaldes que han sido proclamados en Aragón en Heraldo de Aragón

Se veiga tamién

• Lista de municipios de Zaragoza

Municipios d'a Comunidat de Calatayú

Abanto | Alconchel de Fariza | Alfama d'Aragón | Alfarba | Aninyón | Arandiga | Ateca | Belmont de Gracián | Bichuesca | Bordalba | Bubierca | Cabrafuent | Calatayú | Calmarza | Campiello d'Aragón | Carenas | Castellón d'Alfarba | Castellón de las Armas | Cervera de la Canyada | Cetina | Cimballa | Clarés de Ribota | Codos | Contamina | Charava | Embit de Fariza | Fariza | El Fraixno | Fuents de Xiloca | Godollo | Ibdes | Malanquiella | Maluenda | Mara | Miedes d'Aragón | Mont-reyal de Fariza | Monterd | Montón | Morata de Xiloca | Morés | Moros | Munebrega | Nuella | Nuévalos | Olvés | Orera | Paracuellos de Xiloca | Paracuellos de la Ribera | Pozuel de Fariza | Ruesca | Sabinyán | Sediles | Sisamón | Terrer | Tobet | Torralba de Ribota | Torre Fermosa | Torre la Palla | Turrillo | Val Torres | Verdello | Viliella de Xiloca | Villafelich | Villalba | Villa Luenga | Villarroya de la Sierra | La Viluenya