Oliet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Oliet Oliete
Municipio d'Aragón
Entidat  • País  • Provincia  • Comarca	Municipio  Aragón  Teruel Andorra-Sierra d'Arcos
Partiu chudicial	Alcanyiz
Superficie	85,5 km²
Población  • Total	349 hab. (2012)
Altaria  • Meyana	541 m.
Distancia  • 121 km	enta Teruel
Alcalde	Ramiro Alfonso Carod
Codigo postal	44548
Parroquial  • Diocesi  • Arcipestrau  • Parroquia	Teruel y Albarracín Mont Albán Asumpción de Ntra. Sra.
Ríos	Martín
Coordenadas	40°59’36’’N 0°40’46’’U
Oliet Oliet en Aragón
Web oficial

Wikisource

En Wikisource bi ha un texto sobre Alcuerdo de mollonación entre los d'Oliet y lo Monesterio de Sant Per de los Griegos.

Oliet (Oliete en castellano) ye un municipio de la provincia de Teruel, situau en la comarca d'Andorra-Sierra d'Arcos. La suya población ye de 364 habitants (2018), en una superficie de 85,5 km².

Cheografía

Ye situau chunto a lo río Martín en una costera que representa un releu en cuesta a lo norte de la sierra de los Moros. Puyando t'alto por lo Martín mos trobamos lo entibo de Cueva Foradada.

Mugas

Alacón		Arinyo
Muniesa		Alloza
	Arcaine, Estercuel

Historia

Bi ha un poblau iberico, El Palomar. Se crei que lo poblau iberico se despobló por las guerras sertorianas, como atros poblaus de la redolada.

Lo casco urbán d'Oliet ye en un cabezo a on que seguntes la tradición yera lo castiello de García de Sesse. Antigos documentos fablan d'un castiello en Oliet en lo sieglo XIV.

Toponimia

Lo toponimo Oliet se relaciona con lo latín OLIVETUM ("oliveral")^[1] seguindo la fonetica aragonesa. Una relación con l'antiga ciudat ibera Ildugoite no ye demostrada, y de fueras d'un pareixiu en los nombres no bi ha mas elementos pa correlacionar l'actual Oliet con l'antiga Ildulgoite. Cualques autors creyen que lo Palomar no yera una ciudat prou gran pa corresponder con una ciudat mencionada en las fuents clasicas.

Lo toponimo en aragonés Oliet encara s'escribiba en 1540, como indica un texto en castellano relativo a los mercedarios:

fecho fue aquesto enel lugar de Oliet a seis dias del mesde setiembre anyo de nuestra salvacion de mil quinientos y cuarenta

Y dimpués de 1540 encara se feba servir en castellano de lo sieglo XVIII y se podeba veyer escrito, como diz Agustín Ventura Conejero:

Este aditamiento es muy posterior, pues todavía en un mapa de Aragón del S XVIII hemos visto escrito Miravet, Fortanet, Oliet, etc.^[1]

En un texto de 1321 relacionau con lo Monesterio de Sant Per de los Griegos bi ha microtoponimos intresants en aragonés: Defesa de Blasco, Barranco de la Glera, Linde Gorda, El Ragatiello, El Torretón de los Moros (en lo poblau iberico), y Tormos Gordos.

En un texto de 1332 se pueden leyer los microtoponimos torrellones de penya, cabezo de Johan dAriño, peniellas, cueva blanca, penyaçuelas de la Savina, las carrascas y barranco del arco.

Demografía

Evolución demografica

1992 1994 1996 1997 1998 1999 2000 2001 2002 - - 499 - 490 479 476 476 476

2003 2004 2005 2006 2007 2008 2009 2010 2011 476 474 465 460 490 504 486 479 470

2012 2013 2014 2015 2016 2017 2018 2019 2020 459 430 422 412 365 357 364 351 343

2021 2022 2023 2024 2025 2026 2027 2028 - 340 330 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Popular									3
Total									7

Alcaldes

Lista d'alcaldes

Lechislatura	Nombre	Partiu politico
1979–1983	Antonio Oliete Martín [2]	UCD
1983–1987
1987–1991
1991–1995
1995–1999
1999–2003
2003–2007
2007–2011	Pedro Millán
2011–2015	Ramiro Alfonso Carod	Partido Socialista de Aragón
2015–2019
2019–2023	Rogelio Villanueva Lázaro	PAR
2023–2027	Rogelio Villanueva Lazaro [3]	CS-TÚ ARAGÓN

Puestos d'intrés

Poblaus ibericos

Poblau iberico d'El Palomar monumento historico-artistico dende 1981. Bi ha unatro poblau iberico auguas enta baixo en lo Cabezo de Sant Per, con una intresant torre iberica que ye conoixida como El Torretón de los Moros.

Molimentos relichiosos

• Ilesia Parroquial de l'Asumpción (sieglo XVII).
• Muitas ermitas:
  • Sant Bertolomeu (sieglo XVI)
  • Virchen d'el Cantal (1660),
  • Ermita d'el Calvario.
  • Ermita de Sant Per, con enrunas de l'antigo monesterio de Sant Per de los Griegos, de la Orden de Santa María de la Mercé de los Cativos.

Patrimonio natural

La sima de Sant Per d'orichen karstico, una de las mas profundas y famosas d'Aragón.

Fiestas

• 24 d'agosto,Sant Bertolomeu.
• 14 de setiembre.

Bibliografía

• (es) Fray Joaquín Millán Rubio: Santa María de El Olivar. Santuario, monasterio, corazón de su comarca. Provincia Mercedaria de Aragón, 1997.
• (es) Agustín Ventura Conejero: Toponimia de la provincia de Teruel. Revista Teruel, 48, 1972.

Referencias

1. (es) Agustín Ventura Conejero: Toponimia de la provincia de Teruel. Revista Teruel, 48, 1972, p 229.
2. (es) Treinta aniversario de las primeras elecciones municipales de la democracia.
3. (es) Consulta el listado de alcaldes que han sido proclamados en Aragón en Heraldo de Aragón.

Municipios d'a comarca d'Andorra-Sierra d'Arcos
Alacón | Alloza | Andorra | Arinyo | Crivillén | Exulve | Estercuel | Gargallo | Oliet