Paul Muni
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Paul Muni | |
|---|---|
 Paul Muni | |
| Información personal | |
| Calendata naiximiento: | 22 de setiembre de 1895 |
| Puesto naiximiento: |  Lviv (Imperio Austrohongaro)
|
| Calendata muerte: | 25 d'agosto de 1967 |
| Puesto muerte: |  Santa Barbara (California)
|
| Ocupación: | Actor |
| Conchuche: | Bella Finkel (1921-1967) |
| Premios Oscar | |
| 1936: Oscar a o Millor Actor por The Story of Louis Pasteur. | |
Meshilem Meier Weisenfreund, con nombre artistico Paul Muni, estió un actor estausunidense, naixito o 22 de setiembre de 1895 en Lviv (Imperio Austrohongaro, hue Ucraína) y muerto o 25 d'agosto de 1967 en Santa Barbara (California).[1]
En a suya carrera cinematografica, recibió un Oscar a o Millor Actor (amás de cuatro nominacions), un Premio NYFCC a o Millor Actor, una Copa Volpi a o Millor Actor, un Premio a lo Millor Actor d'o Festival Internacional de Cine de Mar del Plata y un Premio Tony a o Millor Actor Teatral. D'entre a suya filmografía, de puet destacar as suyas interpretacions en as cintas The Valiant (1929, William K. Howard), Scarface (1932, Howard Hawks), The Story of Louis Pasteur (1936, William Dieterle), The Life of Emile Zola (1937, William Dieterle), u The Last Angry Man (1959, Daniel Mann).
Primeras anyadas
[editar | modificar o codigo]Meshilem Meier Weisenfreund naixió d'a ciudat de Lviv, que en ixas calendatas (1895) yera en a provincia austriaca de Galitzia, en l'Imperio Austrohongaro, en una familia chodiga. Os suyos pais yeran actors de teatro en yiddisch, y emigroron en 1902 ta Nueva York, en os Estaus Unius,[1] como muchos atros habitants d'a redolada en ixas envueltas.
Estaus Unius
[editar | modificar o codigo]En os Estaus Unius, debutó en a escena con os suyos pais en 1907, a l'edat de 12 anyadas. Lo escubrió o empresario teatral Maurice Schwartz, que yera propietario d'o Yiddish Art Theater.[1]
Actividat cinematografica
[editar | modificar o codigo]Con 29 anyos d'edat, actuó en os teatros de Broadway, en Nueva York, en o suyo primer papel en el que emplegaba a luenga anglesa. En 1929 fue contractato por a Fox Film Corporation d'o productor William Fox, y nominato a o premio Oscar ta o Millor Actor por o suyo primer papel en o cine, en The Valiant, de William K. Howard, con Marguerite Churchill, DeWitt Jennings, Henry Kolker, Edith Yorke, Richard Carlyle y Johnny Mack Brown. Sindembargo, os papels que li ufriban no li cuacaban, y albandonó o cine ta tornar ta o teatro.
En 1932 tornó ta o cine, ta un papel en Scarface, una pelicula de cine negro de Howard Hawks, con Ann Dvorak, George Raft, Karen Morley y Osgood Perkins. Tamién en 1932 rodó I Am a Fugitive from a Chain Gang, de Mervyn LeRoy, con Glenda Farrell, Helen Vinson y Noel Francis; por a suya interpretación en ista cinta fue tamién nominato a l'Oscar a o Millor Actor. Ista cinta li fació retomar a suya carrera cinematografica, con títols d'importancia. A productora cinematografica Warner Bros. li ufrió un contracto.
Asinas, en 1936 rodó a pelicula The Story of Louis Pasteur, entrepetando a Louis Pasteur; o director cinematografico estió William Dieterle, y atros actors estioron Josephine Hutchinson, Anita Louise y Donald Woods. Por ista interpretación recibió o Oscar a o Millor Actor en 1936, amás d'a Copa Volpi a o Millor Actor d'o Festival Internacional de Cine de Venecia.
En 1937 interpretó a Émile Zola en a cinta The Life of Emile Zola, tamién de William Dieterle, con Gale Sondergaard, Joseph Schildkraut, Gloria Holden y Donald Crisp, recibindo una atra nominación a o premio Oscar a o Millor Actor y un Premio NYFCC a o Millor Actor, atorgato por o Cerclo de Criticos Cinematograficos de Nueva York.
En o periodo d'o Comité d'Actividaz Antiamericanas, promovito por o senador Joseph McCarthy, Paul Muni fue relegato, por a suyas posicions politicas, que feba apareixer en as suyas peliculas, aspecto claro en peliculas como en The Life of Emile Zola u Juarez, pero que apareixeba en muitos atros d'os suyos papels.[1]
En 1959 recibió a suya zaguera nominación a l'Oscar, por a pelicula The Last Angry Man, de Daniel Mann, con David Wayne y Betsy Palmer.
Actividat teatral
[editar | modificar o codigo]Paul Muni no albandonó o Teatro, y recibió en 1956 un Premio Tony a o Millor Actor Teatral por a suya participación en Inherit the Wind, una obra de Jerome Lawrence y Robert Edwin Lee.
Retirada d'a escena
[editar | modificar o codigo]En 1959, por os suyos problemas de salut, se retiró d'o cine y d'o teatro. Morió o 25 d'agosto de 1967 en a localidat de Montecito, en l'estato de California, a l'edat de 71 anyadas.
Premios
[editar | modificar o codigo]Cine
[editar | modificar o codigo]Paul Muni recibió un premio Oscar a o Millor Actor en 1936 por The Story of Louis Pasteur. Muni fue nominato a l'Oscar a o Millor Actor por The Valiant (1929), I Am a Fugitive from a Chain Gang (1932), The Life of Emile Zola (1937) y The Last Angry Man (1959).
Tamién recibió Muni en 1936 una Copa Volpi a o Millor Actor en o Festival Internacional de Cine de Venecia, por a suya interpretación de Louis Pasteur en The Story of Louis Pasteur
Recibió en 1937 un Premio NYFCC a o Millor Actor, d'o Cerclo de Criticos Cinematograficos de Nueva York por o suyo papel en The Life of Emile Zola. Tamién fue nominato a lo Premio NYFCC a o Millor Actor por The Last Angry Man en 1959, interpretación que li comportó tamién o Premio a lo Millor Actor d'o Festival Internacional de Cine de Mar del Plata
Teatro
[editar | modificar o codigo]Tamién recibió en 1956 un Premio Tony a o Millor Actor Teatral por a suya participación en Inherit the Wind.
Filmografía
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre Paul Muni.- (en) Paul Muni en IMDb.
- (en) Paul Muni en Internet Broadway Database.
- (en) Paul Muni en TCM Movie Database.
- (en) Paul Muni en Find a Grave.
Referencias
[editar | modificar o codigo]- ↑ 1,0 1,1 1,2 1,3 (es) Aguilera, Christian; y Dias, Núria: Los actores de los Oscar del siglo XX, L'Hospitalet de Llobregat (Barcelona) 1999, ISBN 84-930559-0-5 .
- ↑ (en) An Amateur Orphan en IMDb.
- ↑ (en) Seven Faces en IMDb.
- ↑ (en) Scarface en IMDb.
- ↑ (en) I Am a Fugitive from a Chain Gang en IMDb.
- ↑ (en) The World Changes en IMDb.
- ↑ (en) Hi Nellie! en IMDb.
- ↑ (en) Bordertown en IMDb.
- ↑ (en) Black Fury en IMDb.
- ↑ (en) Dr. Socrates en IMDb.
- ↑ (en) The Story of Louis Pasteur en IMDb.
- ↑ (en) The Good Earth en IMDb.
- ↑ (en) The Woman I Love en IMDb.
- ↑ (en) The Life of Emile Zola en IMDb.
- ↑ (en) Juarez en IMDb.
- ↑ (en) We Are Not Alone en IMDb.
- ↑ (en) Hudson's Bay en IMDb.
- ↑ (en) Commandos Strike at Dawn en IMDb.
- ↑ (en) Stage Door Canteen en IMDb.
- ↑ (en) A Song to Remember en IMDb.
- ↑ (en) Counter-Attack en IMDb.
- ↑ (en) Angel on My Shoulder en IMDb.
- ↑ (en) Imbarco a mezzanotte en IMDb.
- ↑ (en) The Last Angry Man en IMDb.
| Control d'autoridaz |
|
|---|
