Elisabeth Shue

Elisabeth Shue
Vida
Nacimientu	Wilmington[1], 6 d'ochobre de 1963[2] (61 años)
Nacionalidá	Estaos Xuníos
Grupu étnicu	xermano-norteamericanu Suizo-estadounidense ^(es) Neerlando-estadounidenses ^(es) Francés estadounidenses ^(es) brito-estadounidenses ^(es)
Llingua materna	inglés
Familia
Madre	Anne Brewster Wells
Casada con	Davis Guggenheim (1994 – )[1]
Fíos/es	Stella Street Guggenheim
Hermanos/es	Andrew Shue
Estudios
Estudios	Universidá de Harvard Wellesley College ^(es) Columbia High School ^(en)
Llingües falaes	inglés[3]
Oficiu	actriz de televisión, actriz de cine, actriz, productora de cine, cantante
Premios	ver Premio de la Asociación de Críticos de Cine de Los Ángeles a la Mejor Actriz  (1995) : Leaving Las Vegas Independent Spirit Award a la meyor actriz  (1995) : Leaving Las Vegas National Society of Film Critics Award for Best Actress  (1995) : Leaving Las Vegas
Nominaciones	ver Óscar a la meyor actriz (13 febreru 1996): Leaving Las Vegas
Instrumentu musical	voz
IMDb	nm0000223

Elisabeth Judson Shue (6 d'ochobre de 1963, Wilmington) ye una actriz de cine y televisión d'Estaos Xuníos. Candidata al Óscar, los Globos d'Oru, los Premios BAFTA y a los Premios del Sindicatu d'Actores.^[4] Conocida poles sos intervenciones en películes como The Karate Kid (1984), Back to the Future: Part II (1989), Back to the Future: Part III (1990), Leaving Las Vegas (1995), The Saint (1997), Hollow Man (2000) y Piranha 3D (2010).^[5]

Biografía

Elisabeth Shue nació en Wilmington, Delaware, Estaos Xuníos el 6 d'ochobre de 1963, nel senu d'una familia de clase media.^[6] Elisabeth ye fía d'Anne Wells, axente de banca, y de James Shue, abogáu y axente inmobiliariu, que divorciáronse cuando ella tenía once años. El so padre yera un activista republicanu qu'intentó ser escoyíu pal Senáu pol estáu de Nueva Jersey.^[7] Ye, arriendes, hermana del tamién actor Andrew Shue. Shue graduóse nel Columbia High School na llocalidá de Maplewood y darréu foi a la Universidá de Harvard en 1985, na que se graduaría años más tarde tres un paréntesis nel qu'empecipió la so carrera como actriz.^[6] Mientres los sos estudios en Columbia y tres el divorciu de los sos padres, ganó dineru faciendo de modelu en televisión. Shue convirtióse nuna cara familiar nos anuncios de Burger King, De Beers y Hellman.^[6]

Carrera

En 1984 llegaría'l so auténticu debú como protagonista con Karate Kid (1984) faciendo de novia de Ralph Macchio. Coles mesmes, fixo otros papeles en películes como Call to Glory (1984), rodada pa ser emitida en televisión. Siguió la so carrera actuando en Adventures in Babysitting (1987) y llogró'l so primer papel protagonista na cinta Cocktail (1988), protagonizada por Tom Cruise. Más tarde llegaríen les secueles de Back to the Future, nes qu'interpretaría a Jennifer Parker, la pareya del personaxe interpretáu por Michael J. Fox.^[8]

Na década de los años 90 l'actriz empezó a aceutar papeles más ventureros. Participó en Marrying Man (1991) con Alec Baldwin y Kim Basinger, pero la cinta foi duramente castigada per gran parte de la crítica.^[9] Dempués tuvo un papel protagonista en Leaving Las Vegas (1995), xunto a Nicolas Cage. La so interpretación valió-y una nominación al Óscar a la meyor actriz, Globu d'Oru a la meyor actriz de drama, al BAFTA a la meyor actriz y al Premiu del Sindicatu d'Actores a la meyor actriz protagonista.^[4] Dempués d'esti ésitu intervieno en títulos como Desconstructing Harry (1997) de Woody Allen, The Saint (1997) con Val Kilmer y el Thriller de suspensu Hollow Man (2000) na que compartía cartelu con Kevin Bacon y que recaldó 190 millones de dólares en tol mundu.^[10] Yá na década de los 2000 intervieno nel thriller Hide and Seek (2005), con Robert De Niro, y en Dreamer: Inspired by a True Story (2005) con Kurt Russell y Dakota Fanning, que foi allabada pola mayoría de prensa cinematográfica.^[11]

Dempués d'estos títulos vendríen otros ensin nengún tipu de repercusión na taquilla internacional o na crítica cinematográfica hasta que nel añu 2010 intervieno en trés nueves películes: Walking Madison (2010), Janie Jones (2010), xunto a Abigail Breslin, y el remake de Piranha (1978) en Piranha 3D (2010), rodada en formatu 3D y con actores como Richard Dreyfuss, Christopher Lloyd o Jerry O'Connell. Esta última cinta recibió na so mayoría escelentes comentarios.^[12]

En 2012 incorporóse al repartu estable de la serie CSI: Crime Scene Investigation en reemplazu de Marg Helgenberger.

Filmografía

Shue el 17 de febreru de 2006.

• 1984: The Karate Kid, de John G. Avildsen.
• 1984: Call to Glory, de Thomas Carter.
• 1984: Link, de Richard Franklin.
• 1987: Adventures in Babysitting, de Chris Columbus
• 1988: Cocktail, de Roger Donaldson.
• 1989: Back to the Future II, de Robert Zemeckis.
• 1990: Back to the Future III, de Robert Zemeckis.
• 1991: The Marrying Man, de Jerry Rees.
• 1991: Soapdish, de Michael Hoffman.
• 1993: Heart and Souls, de Ron Underwood.
• 1993: Twenty Bucks de Keva Rosenfeld.
• 1994: Radio Inside, de Jeffrey Bell.
• 1994: Blind Justice, de Richard Spence.
• 1995: Leaving Las Vegas, de Mike Figgis.
• 1995: Underneath, de Steven Soderbergh.
• 1996: The Trigger Effect, de David Koepp.
• 1997: The Saint, de Phillip Noyce.
• 1997: Deconstructing Harry, de Woody Allen.
• 1998: Cousin Bette, de Des McAnuff.
• 1998: Palmetto, de Volker Schlöndorff.
• 1999: Molly, de John Duigan.
• 2000: Hollow Man, (L'home ensin solombra) de Paul Verhoeven.
• 2001: Amy & Isabelle, de Lloyd Kramer.
• 2002: Tuck Everlasting, de Jay Russell.
• 2004: Mysterious Skin, de Gregg Araki.
• 2005: Hide and Seek, de John Polson.
• 2007: Dreamer: Inspired by a True Story, de John Gatins.
• 2007: Gracie, de Davis Guggenheim.
• 2007: First Born, d'Isaac Webb.
• 2008: Hamlet 2, d'Andy Fleming.
• 2009: Don McKay, de Jake Goldberger.
• 2010: Walking Madison, de Katherine Brooks.
• 2010: Janie Jones, de David M. Rosenthal.
• 2010: Hope Springs, de David Frankel.
• 2010: Piranha 3D, d'Alexandre Folia.
• 2012: House at the end of the street, de Mark Tonderai
• 2013: Behaving Badly, de Pamela Bender

Premios

Óscar

Añu	Categoría	Película	Resultáu
1996	Meyor actriz	Leaving Las Vegas	Candidata

Globu d'Oru

Añu	Categoría	Película	Resultáu
1995	Meyor actriz de drama	Leaving Las Vegas	Candidata

Premios BAFTA

Añu	Categoría	Película	Resultáu
1996	BAFTA a la meyor actriz	Leaving Las Vegas	Candidata

Premios del Sindicatu d'Actores

Añu	Categoría	Película	Resultáu
1996	Meyor actriz	Leaving Las Vegas	Candidata

Referencies

1. Afirmao en: The International Who's Who of Women 2006. Data d'espublización: ochobre 2005. Editorial: Routledge.
2. Afirmao en: Gemeinsame Normdatei. Identificador GND: 173569439. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
3. Afirmao en: idRef. Identificador de referencia de idRef SUDOC: 073649333. Data de consulta: 11 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
4. Consultáu en 2010Premios y nominaciones de Elisabeth Shue IMDb (n'inglés)
5. Consultáu en 2010Filmografía como actriz IMDb (n'inglés)
6. Consultáu en 2010Biografía de Elisabeth Shue IMDb (n'inglés)
7. Consultáu en 2010au.movies.yahoo.com Yahoo! (n'inglés)
8. Consultáu en 2010Jennifer Parker (Character) from Back to the Future IMDb (n'inglés)
9. Consultáu en 2010Respuesta crítica a Marrying Man Rotten Tomatoes (n'inglés)
10. Consultáu en 2010Recaldación de Hollow Man Box Office Mojo (n'inglés)
11. Consultáu en 2010Respuesta crítica a Dreamer: Inspired by a True Story Rotten Tomatoes (n'inglés)
12. Consultáu en 2010Respuesta crítica a Piranha 3D Rotten Tomatoes (n'inglés)

Enllaces esternos

• Wikimedia Commons acueye conteníu multimedia sobre Elisabeth Shue.
• Elisabeth Shue na Internet Movie Database (n'inglés)
• Videu d'una entrevista sobre Gracie (n'inglés)