Supercopa de España de Balonmán
| Tipo | supercopa  |
|---|---|
| Deporte | balonmán |
| Organizador | ASOBAL |
| Localización e Datas | |
| País | España |
| Vixencia | 1985 – 2022 |
| Calendario da tempada | agosto – |
| Período de ocorrencia | 1 ano |
| Número de edición | 36 |
| Competición | |
| Primeiro posto | FC Barcelona (2022) |
A Supercopa de España de Balonmán é unha competición española de balonmán entre clubs organizada dende a tempada 1985-86 pola ASOBAL (Asociación de Clubs Españois de Balonmán), que enfronta ao campión da Liga ASOBAL co campión da Copa do Rei. A Supercopa despútase a partido único en campo neutral, e cada ano nunha sede diferente. O trofeo consiste nun lingote de bronce a primeira vez que se gaña a Supercopa, un de prata para a segunda, e un de ouro a terceira. Cando un club gaña o lingote de ouro volve comezar o ciclo. O FC Barcelona (4) e o Portland San Antonio (1) son os únicos equipos con lingote de ouro.
É unha das catro grandes competicións de balonmáno no estado español, xunto coa Liga ASOBAL, a Copa do Rei e a Copa ASOBAL.
O FC Barcelona é, con 14 títulos, o club que máis veces gañou esta competición.
Palmarés
[editar | editar a fonte]| Equipo | Campión | Subcampión |
|---|---|---|
| FC Barcelona | 14 | 5 |
| Renovalia Ciudad Real | 3 | 3 |
| AMAYA San Antonio | 3 | 1 |
| Teka Cantabria | 2 | 3 |
| Atlético de Madrid | 2 | 0 |
| Elgorriaga Bidasoa | 1 | 4 |
| Pevafersa Valladolid | 0 | 3 |
| Ademar León | 0 | 2 |
| CB Avidesa | 0 | 2 |
| CD Cajamadrid | 0 | 1 |
| Tecnisan | 0 | 1 |
Historial
[editar | editar a fonte]Cidades sede
[editar | editar a fonte]- 2 veces: Eivissa, Éibar e Zaragoza.
- 1 vez: Alacant, Borriana, Alcañiz, Donostia, Torrelavega, Granada, Santander, Palencia, Moguer, Pilar de la Horadada, Tudela, León, Lleida, Málaga, Pontevedra, Salamanca, Albacete, Guadalaxara e Córdoba.