Torrillas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo trata sobre Torrillas. Pa atros emplegos de los toponimos Torrellas, Torrillas u Turrillas se veiga Torrillas (desambigación).

Torrillas Torrijas
Municipio d'Aragón
Entidat  • País  • Provincia  • Comarca	Municipio  Aragón  Teruel Gúdar-Chabalambre
Partiu chudicial	Teruel
Superficie	57,34 km²
Población  • Total  • Densidat	36 hab. (2013) 0,63 hab/km²
Altaria  • Meyana	1.359 m.
Distancia  • 65 km	enta Teruel
Codigo postal	44421
Chentilicio	torrijano, torrijana (en castellano).
Parroquial  • Diocesi  • Arcipestrau  • Parroquia	Teruel y Albarracín Mora de Rubielos Santos Cosme y Damián
Coordenadas	40° 1’20’’N 0°57’27’’U
Torrillas Torrillas en Aragón
Web oficial

Torrillas (Torrijas en castellano) ye un municipio de la provinvia de Teruel, situau en la comarca de Gúdar-Chabalambre.

La suya población ye de 36 habitants, en una superficie de 57,34 km² y una densidat de población de 0,63 hab/km².

Cheografía

Ye situau en la Sierra de Chabalambre, en un pueyo a 1.359 metros d'altaria dencima de lo livel d'a mar, chunto a lo río de Torrillas, tributario de lo río d'Albentosa. Ye a una distancia de 65 km de Teruel, la capital de la suya provincia. Comprende lo casal de Las Corrals.

Mugas

Lo suyo termin municipal muga con Manzanera, Abechuela, La Yesa, Arcos de las Salinas y La Puebla de Valverde.

	La Puebla de Valverde	Manzanera
Arcos de las Salinas		Manzanera
	La Yesa	Abechuela

Demografía

Evolución demografica

1362 f 1495 f 1842 1857 1860 1877 1887 1897 1900 - - 422 666 750 716 697 611 629

1910 1920 1930 1940 1950 1960 1970 1981 1991 568 536 465 373 381 279 171 93 70

1992 1994 1996 1997 1998 1999 2000 2001 2002 - - 85 - 80 77 74 70 68

2003 2004 2005 2006 2007 2008 2009 2010 2011 94 87 86 73 70 73 62 66 63

2012 2013 2014 2015 2016 2017 2018 2019 2020 57 44 45 45 45 39 38 41 43

2021 2022 2023 2024 2025 2026 2027 2028 - 38 35 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									2
Partido Popular									1
Total									3

Alcaldes

Lista d'alcaldes

Lechislatura	Nombre	Partiu politico
1979–1980	Leonardo Garcés Morte	UCD
1980-1983	Antonio García Rubio
1983–1987
1987–1991
1991–1995
1995–1999
1999–2003
2003–2007	Antonio Gamir Rodríguez	Partido Popular
2007–2011	Pedro Navarro	Partido Aragonés
2011-2015	Joaquín Durbán López
2015–2019	Aurora Gil Montolio	Partido Popular
2019–2023
2023–2027	Maria Ines Villarreal Lopez [1]	PAR

Toponimia

Lo nombre puet venir de lo latín TURRICULA, pero no ye de descartar que tienga relación con toponimos teruelanos derivaus de la radiz TUR comuns en a zona.

Miguel Cortés y López diz en lo Diccionario geográfico-histórico de Espanya:

Turulis se llamaba en tiempos de Ptolomeo el Millares por nacer junto a un castillo llamado Turulias, hoy Torrijas; en cuyo castillo se estableció una casa de templarios, y hoy es un pueblo debajo del cual nace el Millares, que en el Bavor recibe al río Iduveda, que nace en Linares, en la falda occidental de este monte. Por lo tanto tiene dos nombres por sus dos fuentes Turulis u Turulias é Idubeda

Por lo que fa a lo castiello y mesón templero, Miguel Cortés y López s'entibocó: no yera en l'actual municipio teruelano, yera en Torija, localidat de L'Alcarria de Guadalachara.

Dimpués de la deseparación d'Exerica de lo concello de Teruel en 1261 los teruelanos quereban recuperar los territorios que d'alcuerdo con lo fuero de 1177 lis correspondeban, y prebaban de fer-lo poblando los territorios que teoricament lis correspondeban. Lo historiador Enric Guinot Rodríguez opina ni Torrillas ni Abechuela existiban en 1261, y que Torrillas y Almansa (nuclio precursor d'Abelluela) son citadas por primera vegada en mayo de 1262 como lugars que lo concello de Teruel heba de repoblar. D'esta traza os teruelanos nombroron mayordombres en un texto en lo que salen unas aldeyas de la zona en litichio con lo Reino de Valencia entre las que trobamos torrillas latinizau:

qui dividant et donent ad populandum quibuscumque personis voluerint...loca illa sunt in terminis turoliii, qui nominantur Musquerola, Val de Linares, Pena Calva, Atorela, Salmança, Turriles, Camarela et omnia loca que in termino Turolii sunt ad populandum

En atro texto en latín con elementos romances de lo 13 d'octubre de 1273 en lo que lo rei Chaime I alcuerda que lo bestiar de la villa de teruel y las aldeyas suyas pueda trescruzar los termins de Manzanera podemos leyer torrillis:

...per terminos de la Mançanera, possint ibidem remanere et allongare per unam vel duas noctes, nisi expedite et patenter inde exire potuerint, et quod oves aliquorum aliorum locorum non possint pascere in terminos de la Mançanera nisi cum voluntate dicti Bernardi Guillelmi, nisi fuerint villarum que sunt in circuytum ville de la Mançanera, videlicet Sarrionis, Alventose, Torrillis et Camarena, que pascant ibidem de area ad aream, secundum forum Aragonum; et si forte dictum bestiarium in suo transito seu passagio quod faciat per terminos de la Mançanera fecerit ibi dampnum..

En un manuscrito con las queixas de los nobles debant de Chaime I en Calatayú (chinero de 1265), en Uesca (febrero de 1265) y en as Corz de Exeya (abril-mayo de 1265) i podemos leyer Torriellas:

86 item clámase de los términos de Masanera que'l tuelle e tiene forçado furtivament en término que es clamado Torriellas; et clámase de Sarrión et del Toro que son et deven seder de Mansanera, que'l senyor rey le fuerça et tuelle

Se'n fa mención en lo "Libro de los feitos" de Chaime I:

503. E ·I· dia nos nos anauem deportar contra Biar, e cant fom a Otinyen uengueren nos homens de Cuera, e dixeren nos que en vn aguayt e celada quen Artal de Luna ab cauallers e ab peons, hauia feyt quels hauia morts ·XXVI· homens. E sobre aço nos tornam a Ualencia, e puys entram nos ne en Arago. E nos uenen a Torrelles que es prop de Camarena, aldea de Tarol, uench nos linfant don Jayme fiyl nostre, e ab ell labat de Poblet, e dix nos alli en Torrelles con li hauien parlat casament lo Rey, de Ffrança e la Regina ab la Contessa de Nines

En "Rationes decimarum Hispaniae (1279-80): Aragón y Navarra" se'n fa mención como Torrillas, la forma precursora de lo toponimo castellano Torrijas, y lo mencionan chunto con lugars de la redolada suya:

...de Pradas Sarrion, Albentosa, Torrillas, Almansa. Item pro primitia de Camarena Item pro...

item a vicario de Pradas / Albentosa et Sarrion, Templi sunt. Item a vicario de Mazanera / Item a rectore de Torrillas

item a rectore de Cascant / item a rectore de Alcamín / item a rectore de Torrillas...

Cheronimo Zurita lo menciona como Torrellas en lo Libro III capitol LXXVII de la suya obra Anales de la Corona de Aragón:

Sucedió por este tiempo que don Artal de Luna traía diferencia con los de Zuera, y con una celada que se puso con alguna gente de caballo y peones que salieron de Erla fueron desbaratados los de Zuera y matáronles veintisiete hombres. Y yendo el rey a Biar a recrearse, llegando a Ontiñena tuvo aviso de esto; y luego determinó de partirse para Aragón. Y llegado a Torrellas que está junto de Camarena, aldea de Teruel, salió el infante don Jaime a recibir a su padre y a pedirle licencia para ir a Francia, porque en este tiempo trataban de casarle con la condesa de Nives. Pero este matrimonio tampoco se efectuó y el infante don Jaime casó, según Montaner escribe, en vida del rey su padre, con Esclaramunda, que fue hermana de Roger Bernaldo conde de Fox, como dicho es

En lo Libro de colecta de la pecha de la Comunidad de Aldeas de Teruel (1360-1369) bi ha una mención en Mosqueruela a una muller de Pascual de Torillas y en Cedriellas de Martin Torillas. Encara que ye a man no podemos estar seguros que no se refiera a Torrellas de lo semontano de Moncayo u a Torrillas de La Rioja.

En atros textos medievals relativos a las mugas d'este lugar bi ha referencias a un río Truchiellas, que puet corresponder a l'actual río Torrijas. En los textos medievals de fins de lo sieglo XIV apareixe Torrijas, castellanización fonetica a partir d'un Torrillas. Pareix que como en "Conchiellos", "Variellas" y "Alcanyicello"/"Alcanyiciello" i ha habiu trabucamiento entre los diminutivos -iella (de lo latín -ELLA) y -ella (de lo latín -ICULA).

Gil Martínez de Valldenzebro, vezino et habitant del lugar de Torrijas, aldea de la ciudat de Teruel en 1378

.

Joan Guillem de Valdenzebro, vezino de Arquos, Gil Martínez de Valdenzebro, vezino de Torrijas en 1384.

La castellanización de lo toponimo (u si no ye castellanización, a lo menos lo cambio de -ll- ta -ch-) ye prou temprana pa que en la Edat Meya exista en Valencia l'apelliu Torriges orichinario d'este lugar, y en lo bispato de Valencia s'escriba en 1293 ecclesie de Torriges.

Molimentos

• Ilesia parroquial de los Santos Cosme y Damián, un edificio de lo sieglo XVIII en estilo barroco, con un retablo de lo sieglo XVI.
• Ermita de Santa Caterina, sieglo XIII.
• Ermita de Santa Margalida, sieglo XIV.
• Restas de l'antiga muralla.

Fiestas

• Santa Margalida, 20 de chulio.
• Sant Miguel, 29 de setiembre.

Vinclos externos

• Concello de Torrillas

Bibliografía

• (ca) Enric Guinot: Els límits del regne, el procés de formació territorial del País Valencià medieval (1238-1500). Edicions Alfons El Magnànim. 1995
• (es) Miguel Cortés y López: Diccionario geografico-historica de la España antigua. Imprenta Real, 1835.
• (es)(an) A. Canellas López: Fuentes de Zurita. Anales III, 67. Las asambleas de Calatayud, Huesca y Ejea de 1265, Zaragoza, 1978.

Referencias

1. (es) Consulta el listado de alcaldes que han sido proclamados en Aragón en Heraldo de Aragón

Municipios d'a comarca Gúdar-Chabalambre
Abechuela | Albentosa | Alcalá de la Selva | Arcos de las Salinas | Cabra de Mora | Camarena de la Sierra | Lo Castellar | Formich Susano | Fuents de Rubielos | Gúdar | Linars de Mora | Manzanera | Mora de Rubielos | Mosqueruela | Nogueruelas | Olba | La Puebla de Valverde | Puertomingalbo | Rubiuelos de Mora | Sant Agostín | Sarrión | Torrillas | Valbona | Val de Linars

Lugars d'o municipio de Torrillas
Las Corrals | Torrillas