Carlos Álvarez-Nóvoa

Carlos Álvarez-Nóvoa
Vida
Nacimientu La Felguera[1], 1940[2]
Nacionalidá España
Muerte Sevilla, 23 de setiembre de 2015[3] (74/75 años)
Estudios
Llingües falaes castellanu
Oficiu escritor, realizador, profesor universitariu, actor de teatru, actor de cine
Premios
Miembru de Academia de les Artes Escéniques d'España
Xéneru artísticu dramaturxa
IMDb nm0959614
Cambiar los datos en Wikidata

Carlos Álvarez-Nóvoa Sánchez (1940, La Felguera – 23 de setiembre de 2015, Sevilla)[4] foi un autor, escritor, profesor, direutor teatral y actor asturianu.

Biografía

[editar | editar la fonte]
Carlos Álvarez-Nóvoa nel Palaciu de Jabalquinto, na Escuela de Teatru de la sede Antonio Machado (Baeza) de los Cursos de Branu de la Universidá d'Andalucía (2007).

Nació en La Felguera (Asturies), xunto al parque Dolores Duro, en 1940. Yera llicenciáu en Derechu, Filoloxía Románica, Ciencies del Espectáculu y doctor en Filoloxía Hispánica.

Entamó la so trayeutoria como actor en 1957 nel Teatru Español Universitariu (T.E.U.) y darréu en Los Goliardos y otros grupos teatrales de Sevilla, Madrid y Barcelona. Amás d'interpretar a los clásicos y a los autores contemporáneos, foi autor d'obres como Cigarras y hormigas, La Merecedora, Pajaritos 27, Enamoradas de Bécquer.

En 1991 fizo la so primer apaición nel cine con Llanto por Granada (Vicente Escrivá) y nos años siguientes actuó en películes como Al Andalus (1992, Agustí Villaronga) o Los años bárbaros (1997, Fernando Colomo). En 1999 llogró pol so papel na película Solas, de Benito Zambrano, el Goya al meyor actor revelación y el premiu del Festival Internacional de Tokiu. Con Las olas, d'Alberto Morais, algamó'l premiu al meyor actor nel Festival de Cine de Moscú.

Al mesmo tiempu que desenvolvía la so carrera cinematográfica trabayó como profesor de lliteratura en dellos institutos de bachilleratu. L'últimu foi l'intitutu Rodrigo Caro de Coria del Río (Sevilla). Foi profesor d'Historia del Teatru na Escuela de Direición Escénica y Dramaturxa del Institutu del Teatru de Sevilla.

Antes de finar residía en Palomares del Río (Sevilla). Un teatru lleva'l so nome na llocalidá sevillana de Camas al igual qu'un centru d'arte escénicu en La Felguera. Tamién se-y recuerda con una placa na fachada de la su casa de nacencia dende 2019.

Filmografía

[editar | editar la fonte]

Televisión

[editar | editar la fonte]

Teatru

[editar | editar la fonte]

Pieces teatrales compuestes por Nóvoa

[editar | editar la fonte]
  • Enamoradas de Bécquer. Juego romántico en ocho escenas, 1985, asoleyada en 1986. Finalista del V Premiu de Teatru «Hermanos Machado»

Premios

[editar | editar la fonte]
Añu Premiu Categoría Trabayu Resultáu
1999 Premios Anuales de la Academia "Goya" Meyor actor revelación Solas Ganador
Festival Internacional de Tokiu Meyor actor Ganador
Premios de la Xunión d'Actores Meyor interpretación secundaria de cine Nomáu
Medayes del Círculu d'Escritores Cinematográficos Meyor actor secundariu Ganador[5]
2000 Premios Tirso de Molina La venus del espejo Nomáu
2005 Premios ACE (Nueva York) (Nueva York) Meyor actor - Cine La hija del caníbal Nomáu
2009 Premios de la Xunión d'Actores Meyor actor de repartu de teatru Bodas de sangre Ganador
Premiu d'Honor del VII Festival de Cine de Ponferrada Ganador
2010 Premiu "Langreanos en el Mundo" Ganador
2011 Festival Internacional de Cine de Moscú Meyor actor Las olas Ganador
2013 Festival de Curtiumetraxes Isaac Albéniz Meyor actor Al otro lado Ganador[6]
2015 Festival de Curtiumetraxes y Música de Cine "Cinema Blue" de Sevilla Meyor actor Soledad Ganador

Referencies

[editar | editar la fonte]
  1. ↑ Afirmao en: Google Freebase Data Dump. Editorial: Google.
  2. ↑ Afirmao en: Gemeinsame Normdatei. Identificador GND: 130208698. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
  3. ↑ Afirmao en: Find a Grave. Identificador Find a Grave: 152692424. Apaez como: Carlos Alvarez-Novoa. Data de consulta: 9 ochobre 2017. Llingua de la obra o nome: inglés.
  4. ↑ Muere el actor asturiano Carlos Álvarez-Nóvoa. 23 de setiembre de 2015. http://www.diariodesevilla.es/article/ocio/2117231/muere/actor/asturiano/carlos/alvareznovoa.html. Consultáu'l 23 de setiembre de 2015. 
  5. ↑ «Medallas del CEC a la producción española de 1999» (castellán). Círculo de Escritores Cinematográficos. Archiváu dende l'orixinal, el 2016-03-05. Consultáu'l 3 de xineru de 2019.
  6. ↑ “Aquél no era Yo” y Carlos Álvarez-Novoa, máximos galardonados en la 2ª edición Festival de Cortometrajes Isaac Albéniz 2013

Enllaces esternos

[editar | editar la fonte]