Nanterre

Nanterre
Wapen
Nanterre
Koördinate: 48°53′56″N 2°11′49″O / 48.89889°N 2.19694°O / 48.89889; 2.19694
Land	Frankryk
Gewes	Île-de-France
Département	Hauts-de-Seine
Arrondissement	Nanterre
Kanton	Nanterre-Nord, Nanterre-Sud-Est, Nanterre-Sud-Ouest
Regering
• Burgemeester	Patrick Jarry
Oppervlak
• Totaal	12,19 km^2 (4,71 vk. myl)
Hoogte	22–127 m (72–417 ft)
Bevolking
• Totaal	89 476
• Digtheid	7 340/km^2 (19 000/vk. myl)
Poskode	92000
Skakelkodes	92050
Webwerf	nanterre.fr

Nanterre is 'n westelike voorstad van die Franse hoofstad Parys, sowat 11,1 kilometer van die Paryse stadsentrum af, met 'n oppervlak van 12,1 vierkante kilometer en meer as 89 000 inwoners. Nanterre is die prefektuur (hoofstad) van die département Hauts-de-Seine en die setel van die Arrondissement van Nanterre. Die Universiteit van Parys X-Nanterre is een van die grootste in die metropolitaanse gebied van Parys.

La Défense, die sentrale besigheidsdistrik van Parys, strek oor die oostelike deel van Nanterre (dit maak ook deel uit van die voorstede Courbevoie en Puteaux). Die belangrikste nywerhede in Nanterre is motorvervaardiging, masjienbou, metaal- en voedselverwerking en skoonheidsmiddels.

Etimologie

Die naam Nanterre het 'n lang geskiedenis en dateer uit die tydperk voor die Romeinse verowering van Gallië. Die Romeine het die stad Nemetodorum genoem, 'n afleiding van die Keltiese woorde nemeto ("heiligdom") en duros ("deur, poort", "fort, vesting"). Die heiligdom, waarna die stad se naam oorspronklik verwys het, is glo die antieke heiligdom op die berg Mont-Valérien.

Eksterne skakels

• Wikimedia Commons het meer media in die kategorie Nanterre.
• (fr) Amptelike webwerf van Nanterre