Ardagai gorrikor

Ardagai gorrikorra
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Polyporales
Familia	Polyporaceae
Generoa	Daedaleopsis
Espeziea	Daedaleopsis confragosa J.Schröt., 1888
Basionimoa	Boletus confragosus
Mikologia
himenioa dekurrentea da   espora zuriak dauzka   bizkarroia da   ez da jangarria Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Ardagai gorrikorra (Daedaleopsis confragosa) Polyporaceae familiako onddo espezie bat da.^[1] Ezin da jan. Bere haragia kortxoa bezalakoa da.

Sinonimoak: Boletus albus, Boletus labyrinthiformis, Boletus suberosus, Boletus discoideus, Boletus angustatus, Daedalea suaveolens, Daedalea angustata, Daedalea confragosa, Daedalea rubescens, Daedalea imbricata, Daedalea medullaris, Daedalea albida, Daedalea alba, Daedalea discolor, Polyporus odorus zonatus, Daedalea pruinata, Daedalea corrugata, Daedalea discolor subsp. corrugata, Trametes bulliardii, Trametes rubescens, Lenzites klotzschii, Trametes confragosa, Lenzites crataegi, Lenzites bicolor, Lenzites discolor, Polyporus confragosus, Polyporus rubescens, Polyporus bulliardii, Lenzites corrugata, Lenzites atropurpurea, Lenzites proxima, Lenzites cookei, Merulius albus, Daedalea confragosa var. angustata, Trametes erubescens, Trametes zonata, Striglia discolor, Striglia confragosa, Striglia corrugata, Polyporus capreae, Cellularia cookei, Cellularia corrugata, Cellularia klotzschii, Cellularia crataegi, Cellularia bicolor, Cellularia proxima, Cellularia atropurpurea, Lenzites confragosa, Agaricus confragosus, Daedalea candicans, Daedalea favoloides, Daedalea ochracea, Trametes nigroaspera, Trametes confragosa f. bulliardii, Trametes confragosa f. rubescens, Daedaleopsis rubescens, Daedalea confragosa f. rubescens, Ischnoderma confragosum.

Deskribapena

Karpoforoa: 5 eta 15 cm bitarteko diametrokoa, zertxobait konkorduna, giltzurrun formakoa, eremu zirkularrekin, erradialki zimurtsua, kolore askotarikoa: okre-haragi kolorekoa edo arre-gorrixka. Ertz kamutsa, hasieran zurixka.

Himenioa: 15 mm arteko geruza bakarreko tutuak. Krema kolore zikineko poroak, arrosak, arrexkak edo arre-zikinak, itxura aldakorrekoa: biribilduak, luzangak edo labirintikoak, Daedaleopsis tricolor-ean orri itxura hartuz.

Bilbea: Okre antzeko kolorekoa hasieran, gero arrexka-gorrixka samarreko kolorekoa. Suberosoa.^[2]

Etimologia: Confragosa epitetoa latinetik dator, latza, esan nahi duen, "confragosus" hitzetik. Kapelaren gainazalak itxura zimurra duelako.

Jangarritasuna

Ez da jangarria.

Nahasketa arriskua

Espeziearen poliformismoa dela eta, interesgarritzat jotzen da bi mutur irudikatzea: espezie tipoa, poro biribildu edo luzangak dituena, Daedaleopsis confragosa, eta orrien itxurakoa dituen Daedaleopsis tricolor.

Sasoia eta lekua

Udazkenean, hostozabalen egurretan.^[3]

Banaketa eremua

Asia osoa, Europa, Ipar Amerika, Erdialdeko Amerika, Kolonbia, Australia, Hegoafrika, Brasil, Nigeria.^[4]

Galeria

• 
• 
• 
• 

Erreferentziak

1. Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
2. (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
3. (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 655 or. ISBN 84-404-0530-8..
4. Daedaleopsis confragosa: GBIF—the Global Biodiversity Information Facility.

Kanpo estekak