Atzapar hori

Atzapar horia
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Gomphales
Familia	Gomphaceae
Generoa	Ramaria
Espeziea	Ramaria flava Quél., 1888
Basionimoa	Coralloides flavus
Mikologia
jangarria da Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Atzapar horia (Ramaria flava) Gomphaceae familiako onddo espezie bat da.^[1] Jan daiteke, nahiz eta pertsona batzuei beherakoa eragiten dien.

Sinonimoak: Clavariella flava, Clavaria flava, Clavaria coralloides.

Deskribapena

Karpoforoa: 8 eta 10 cm bitarteko altuerakoa. Oinarri zabal eta motz zuriz osatua dago, zenbait aldiz adarkatzen da, eta, azkenean, adar zilindriko batzuk geratzen dira, irregularki dikotomikoak hauskorrak, hori-sufre zurbil kolorekoak eta kolore bereko gorputz-adarrekin, koskadunak.

Haragia: Zuria, marmol itxurakoa, samurra, zapore gozoa du eta usain atsegina eta leuna.^[2]

Etimologia: Ramaria terminoa latinetik dator, "ramus" hitzetik, adar, esan nahi du. Flava epitetoa ere latinetik dator, hori, esan nahi duen "flavus" hitzetik. Bere koloreagatik.

Jangarritasuna

Jan daiteke, baina ale zaharrak bota egin behar dira.^[3]

Nahasketa arriskua

Ramaria sanguinea delakoarekin, honen haragiak tonu gorrixkak hartzen ditu. Ramaria aurea espeziearekin ere bai, honek hori-hurre kolorea du, argitxoagoa edo iluntxoagoa. Ramaria flavescens perretxikoarekin, honen adarkadura hori-arrosa kolorekoa da. Espezie hauek jangarriak dira, baina Ramaria formosa toxikoarekin nahasteko arriskua ere badago.^[4]

Sasoia eta lekua

Udatik udazkenera, lurrean hazten da, koniferoen eta hostozabalen basoetan. ^[5]

Banaketa eremua

Kanada, Ameriketako Estatu Batuak, Mexiko, Europa, Errusia, Japonia, Australia, Himalaiako eremua, Txile, Argentina.^[6]

Galeria

• 
• 
• 
• 

Erreferentziak

1. Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
2. (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 571 or. ISBN 84-404-0530-8..
3. (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 446 or. ISBN 978-84-617-0196-4..
4. (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 611 or. ISBN 84-282-0540-X (T. 2). ISBN: 84-282-0538-8 (O.C.)..
5. (Gaztelaniaz) Palazon Lozano Fernando. (2006). Setas para todos. Jose Luis Añanos Echo Editorial Pirineo, 153 or. ISBN 84-87997-86-4..
6. Ramaria flava: GBIF—the Global Biodiversity Information Facility.

Kanpo estekak