Ezko elur zuri

Ezko elur zuria
Sailkapen zientifikoa
ErreinuaFungi
KlaseaAgaricomycetes
OrdenaAgaricales
FamiliaHygrophoraceae
GeneroaCuphophyllus
Espeziea Cuphophyllus virgineus
Kovalenko, 1989
BasionimoaAgaricus virgineus
Mikologia
 
jangarria da

Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Ezko elur zuria (Cuphophyllus virgineus) Hygrophoraceae familiako onddo espezie bat da.[1] Jangarri ona fina eta delikatua. Autore batzuentzat Cuphophyllus virgineus eta Camarophyllus virgineus berdinak dira, beste batzuentzat ez.

Sinonimoak: Agaricus virgineus, Agaricus praealtus, Agaricus virgineus var. b niveus, Omphalia virginea, Hygrophorus virgineus, Hygrophorus niveus, Agaricus virgineus var. niveus, Camarophyllus virgineus, Camarophyllus virgineus var. nivea, Camarophyllus niveus, Hygrophorus ericeus, Hygrophorus lectus, Hydrocybe nivea, Hygrophorus virgineus var. niveus, Hygrocybe virginea, Hygrocybe nivea, Cuphophyllus niveus.

Deskribapena

[aldatu | aldatu iturburu kodea]

Kapela; 2 eta 5 cm bitarteko diametrokoa. Hasieran kanpai itxurakoa, gero laua titi batekin, eta, azkenean inbutu forman. Zuri-boli kolorekoa, higrofanoa, ez da likatsua, ertza zertxobait ildaskatua du.

Orriak: Oso dekurrenteak, okertuak, zuriak, lodiak eta zabal, orritxoekin eta laminulekin.

Orri dekurrenteak: Hanka ukitzeaz gain beherantz jarraitzen duten orriak.

Hanka: Zuria, oinarrian kolore arrosa izaten du sarritan, mehea, betea, gero barnehutsa, batzuetan luzetara arrailduta.

Haragia: Zuria, biguna eta hauskorra, usain eta zapore atseginak ditu.[2]

Etimologia: Hygrophorus hitza grekotik dator, heze eta ekarri beharreko, "phorèo"-tik, hau da, hezetasuna bildu eta kontserbatzen duenetik. Niveus epitetoa berriz latinetik dator, elurraren kolorekoa esan nahi duen "niveus" hitzetik. Bere koloreagatik.

Jangarritasuna

[aldatu | aldatu iturburu kodea]

Jateko ona, fina eta delikatua. [3]

Nahasketa arriskua

[aldatu | aldatu iturburu kodea]

Hygrophorus virgineus delakoarekin, honek tamaina handiagoa du eta jangarria da. Hygrophorus fuscescens delakoa ere jangarria da eta Hygrophorus niveus-en aldaera bat da, okre-arre kolorea du kapelaren erdian.[4]

Sasoia eta lekua

[aldatu | aldatu iturburu kodea]

Mendiko zelaietan hazten da, batez ere belarra moztu ondoren.[5]

Banaketa eremua

[aldatu | aldatu iturburu kodea]

Kanada, Alaska, Ameriketako Estatu Batuak, Peru, Groenlandia, Islandia, Kanariak, Europa, Errusia, Kaukasia, Turkia, Maroko, Siria, Israel, Himalaiako eremua, Kirgizistan, Japonia, Txina, Taiwan, Australia, Zeelanda Berria, Uganda, Togo.[6]

Galeria

[aldatu | aldatu iturburu kodea]

Erreferentziak

[aldatu | aldatu iturburu kodea]
  1. ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
  2. ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 116 or. ISBN 84-404-0530-8..
  3. ↑ (Gaztelaniaz) Palazon Lozano Fernando,. (2006). Setas para todos. Jose Luis Añanos Echo Editorial Pirineo, 194 or. ISBN 84-87997-86-4..
  4. ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 447 or. ISBN 84-282-0253-6 (T.I). ISBN: 84-282-0538-8 (O.C.)..
  5. ↑ (Gaztelaniaz) Bauer Carlo Alberto. (1982). Los Hongos de Europa,. Ediciones Omega, S. A., Barcelona, 180 or. ISBN 84-282-0666-X..
  6. ↑ Cuphophyllus virgineus: GBIF—the Global Biodiversity Information Facility.

Kanpo estekak

[aldatu | aldatu iturburu kodea]