Kimo formanitz

Kimo formanitza
Irudi gehiago
Sailkapen zientifikoa
Erreinua	Fungi
Klasea	Sordariomycetes
Ordena	Xylariales
Familia	Xylariaceae
Generoa	Xylaria
Espeziea	Xylaria polymorpha Grev., 1824
Basionimoa	Sphaeria polymorpha

Kimo formanitza (Xylaria polymorpha) Xylariaceae familiako onddo espezie bat da.^[1] Haragi gogorra du, ez du sukaldaritzarako balio. «Hildakoaren hatzak» bezala ezagutzen da.

Deskribapena

Fruktifikazioa: 3 - 6 x 1 - 2 (3) cm-koak, tenteak, zilindriko-elipsoidetik klabiformera, baina beti oso deformatuak, hatz deformatuen antzeko itxurakoak, buruaren azala oso zimurra du eta ukitzean latza da, goian biribildua eta marroi beltzaxkatik erabat beltzera.

Hanka: Oso laburra, baina bereizia eta beltza,

Haragia: Gogorra, solidoa, barrutik zuria, luzetara ebakitzen badugu, erdiko ardatz baten inguruan antolatuta dagoela ikusiko dugu, galburuen antolaketa gogorarazten du, halaber, peritezioen barrunbe beltz txikiak ikusten dira.^[2]

Etimologia: Polymorpha epitetoak, forma asko, esan nahi du.

Jangarritasuna

Sukaldaritzarako ez du balio.

Nahasketa arriskua

Xylaria longipe delakoarekin nahas daiteke, askoz estilizatuagoa eta sendotasun gutxiagokoa.

Sasoia eta lekua

Udan eta udazkenean, hostozabalen egurretan batez ere pagoetan eta haritzetan.

Banaketa eremua

Mundu osoa.

Erreferentziak

1. Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
2. (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 556 or. ISBN 978-84-617-0196-4..

Kanpo estekak