Lentinus substrictus

Lentinus substrictus
Sailkapen zientifikoa
ErreinuaFungi
KlaseaAgaricomycetes
OrdenaPolyporales
FamiliaPolyporaceae
GeneroaLentinus
Espeziea Lentinus substrictus
BasionimoaBoletus substrictus

Lentinus substrictus Polyporaceae familiako onddo espezie bat da.[1] Oso larrukara da eta ezinda jan.

Sinonimoak: Polyporus ciliatus, Polyporus lepideus, Polyporus substriatus, Polyporus rubripes, Polyporellus lepideus, Polyporellus ciliatus, Polyporus vossii, Polyporus platensis, Leucoporus lepideus, Leucoporus rubripes, Leucoporus brumalis var. vernalis, Leucoporus brumalis var. ciliatus, Polystictus substriatus, Polyporus guarapiensis, Leucoporus vernalis, Polyporus pauperculus, Polyporus brumalis var. vernalis, Polyporus esculentus, Microporus substriatus, Polyporus stipitarius var. pusilla, Leucoporus guarapiensis, Polyporus queletianus, Polyporus substrictus, Polyporus ustalis, Polyporus circulatus, Polyporus coerulescens, Polyporus saitoi, Leucoporus brumalis.

Deskribapena

[aldatu | aldatu iturburu kodea]

Kapela: Biribildua, 3 eta 8 cm bitarteko diametrokoa, hasieran ganbila, gero laua eta azkenik deprimitu samarra erdian. Azal leuna edo belus fin batekin edo ezkata oso txikiekin, estu, eta arre-horixkatik arre-gris-ilunera doan kolorekoa, argiagoa edo ilunagoa. Ertza denbora luzean biribildua eta izurtua.

Tutuak: Txikiak, finak, laburrak, zurixkak, zahartzean krema kolorekoak bihurtzen dira.

Poroak: Begi hutsez ia ikusezinak, biribilak, hasieran zuriak eta ondoren krema kolorekoak.

Hanka: Erdian, berdina, zilindrikoa, arre mate koloreko tantoekin, belusduna, kapelaren antzeko kolorekoa.

Haragia: Zuria, suberosoa, zaila, elastikoa, zapore leunekoa eta usain nabarmenik gabea.[2]

Etimologia: Polyporus terminoa grekotik dator, ugari, asko, esan nahi duen "poly" hitzetik eta poro, urrats, esan nahi duen "póros" hitzetik. Poro ugarirekin. Ciliatus epitetoa, ziliatua, irtengunea, irtenguneekin, esan nahi duen "cilium" hitzetik dator. Irtengune txikiz estalita duelako kapelaren ertza.

Jangarritasuna

[aldatu | aldatu iturburu kodea]

Ez da jateko modukoa, larrukara delako.[3]

Nahasketa arriskua

[aldatu | aldatu iturburu kodea]

Polyporus brumalis delakoarekin nahas daiteke, hau neguan eta udaberriaren hasieran hazten da, poro handiagoak izaten ditu, erraz ikusten direnak.[4]

Sasoia eta lekua

[aldatu | aldatu iturburu kodea]

Udaberrian, hainbat hostozabalen hildako egurretan hazten da, hala nola: Almus (haltza), Fraxinus (lizarra), Tilia (Ezkia), eta abarretan.[5]

Banaketa eremua

[aldatu | aldatu iturburu kodea]

Kanada, Ameriketako Estatu Batuak, Costa Rica, Panama, Hawaii, Argentina, Peru, Ekuador, Brasil, Europa, Errusia, Kaukasia, Erdialdeko Asia, Japonia, Txina, Kenya, Australia, Papua Ginea Berri.[6]

Erreferentziak

[aldatu | aldatu iturburu kodea]
  1. ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza  •   Bizkaiko Perretxiko eta Onddoak, A.D.E.V.E., 2012  •   Euskalnatura  •   Euskal Herriko Onddoak. 5 tomos, Luis García Bona, Kriselv, 1987  •   Catálogo micológico del País Vasco, Aeranzadi, 1973  •   Mendizalearen Hiztegia [mikologia], Ostadar Mendi Taldea.
  2. ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 628 or. ISBN 84-404-0530-8..
  3. ↑ (Gaztelaniaz) Palazon Lozano Fernando. (2006). Setas para todos. Jose Luis Añanos Echo Editorial Pirineo, 130 or. ISBN 84-87997-86-4..
  4. ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 484 or. ISBN 978-84-617-0196-4..
  5. ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 314 or. ISBN 84-282-0865-4..
  6. ↑ Lentinus substrictus: GBIF—the Global Biodiversity Information Facility.

Kanpo estekak

[aldatu | aldatu iturburu kodea]