Pinotxa-kolibia min
| Pinotxa-kolibia mina | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Physalacriaceae |
| Generoa | Strobilurus |
| Espeziea | Strobilurus tenacellus Singer, 1962 |
| Basionimoa | Agaricus tenacellus |
Pinotxa-kolibia mina (Strobilurus tenacellus edo Collybia tenacella) Physalacriaceae familiako onddo espezie bat da.[1] Haragi gutxi du eta mikatza, ez du sukalderako balio.
Deskribapena
[aldatu | aldatu iturburu kodea]Kapela: 1 eta 3 cm bitarteko diametrokoa, ez oso mamitsua, hasieran ganbila, gero zabaldu egiten da titi txiki batekin. Azal leuna du, ez likatsua, okre koloretik marroi ilunera doana.
Orriak: Zurixkak, estu samar, nahiko lodiak, sabeldunak, libretik sinuadoetara doazenak.
Orri libreak: Oinera hurbiltzen diren orriak, baina ukitzen ez diotenak.
Hanka: Mehea, lerdena, barnehutsa, kapelaren kolore berekoa edo argixeagoa, goiko aldea zurixka du, sustrai antzeko bihurgunetsu eta iletsuarekin eta oso errotuta pinu edo izeien pinaburuetan.
Haragia: Hutsala, zaila, elastikoa, zuria, usaingabea eta zapore mingotsekoa.[2]
Etimologia: Strobilurus terminoa grekotik dator, ziba, pinaburu, esan nahi duen "stróbilus" hitzetik eta pinaburuen isatsa esan nahi duen, "ourá" hitzetik. Hau da, pinaburuen zurtoinetan hazten dena. Tenacellus epitetoa, zaila, esan nahi duen "ténax" hitzaren txikigarritik dator. Bere haragi zail eta elastikoagatik.
Jangarritasuna
[aldatu | aldatu iturburu kodea]Ez du sukalderako balio.[3]
Nahasketa arriskua
[aldatu | aldatu iturburu kodea]Strobilurus stephanocystis oso antzekoa da, mikroskopikoen bidez bereizten dira bereziki. Baeospora myosura ere pinaburuetan ateratzen da.
Sasoia eta lekua
[aldatu | aldatu iturburu kodea]Lurperatutako pinaburuetan hazten da. Pinus sylvestris, Pinus nigra eta Pinus mugo pinuetan.[4]
Banaketa eremua
[aldatu | aldatu iturburu kodea]Europa, Errusia, Asia (Japonia eta Jordania)
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 251 or. ISBN 84-404-0530-8..
- ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 260 or. ISBN 978-84-617-0196-4..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 176 or. ISBN 84-282-0865-4..
Kanpo estekak
[aldatu | aldatu iturburu kodea]
Datuak: Q878979
Multimedia: Strobilurus tenacellus / Q878979
Espezieak: Strobilurus tenacellus