Bissau

Bissau
Kaart	Vlag
	Wapen
Land	Guinee-Bissau
Provinsie	Bissau
Koördinate	11°52′N 15°36′W / 11.867°N 15.600°W / 11.867; -15.600
Stigting	1687
Oppervlakte:
- Totaal	77 vk km
Hoogte bo seevlak	1 m
Bevolking:
- Totaal (2007)	407 424
- Bevolkingsdigtheid	5 291/vk km
- Metropolitaanse gebied
Tydsone	UTC +0
Burgemeester

Bissau is die hoofstad van Guinee-Bissau. Die stad is geleë langs die Gebarivermonding, langs die Atlantiese Oseaan. Die stad het 'n geskatte bevolking van 407 424 (2007) en is die land se grootste stad, belangrikste hawe, en administratiewe en militêre sentrum. Grondboontjies, hardehout, kopra, palmolie en rubber is die hoofprodukte. Die stad is in 1687 deur Portugal gestig as 'n vestingshawe en handelsentrum. In 1942 word dit die hoofstad van Portugees-Guinee maar word dié status is later, 1973-74, aan Madina do Boe gegee.

Die stad is bekend vir sy jaarlikse karnaval. Ander trekpleisters is onder andere die Fortaleza d'Amura-barrakke (wat die guerrilla-vegter en politikus Amílcar Cabral se mausoleum bevat), die Pidjiguiti-gedenkbeeld (toegewy aan die dokwerkers wat in die Bissau dokstaking op 3 Augustus 1959 gesterf het), die Guinee-Bissau Nasionale Kunsinstituut, Bissau Nuwe Stadion en plaaslike strande. Baie geboue in die stad is geruïneer tydens die Guinee-Bissau Burgeroorlog, insluitend die Guinee-Bissau Presidensiële Paleis en die Bissau Franse Kulturele Sentrum. Die stadskern is ook steeds onderontwikkeld.

Die lughawe wat Bissau bedien is Osvaldo Vieiro Internasionale Lughawe.

Geskiedenis

Die stad is in 1687 deur Portugal gestig as 'n versterkte hawe en handelsentrum.^[1] In 1942 word dit die hoofstad van Portugees-Guinee.

Na die onafhanklikheidsverklaring deur die anti-koloniale guerrilla's die Partido Africano para a Independência da Guiné e Cabo Verde (PAIGC) in 1973, is die hoofstad van die rebelle-gebiede Madina do Boe verklaar, terwyl Bissau die koloniale hoofstad bly. Toe Portugal onafhanklikheid verleen het, na die militêre staatsgreep op 25 April in Lissabon, word Bissau die hoofstad van die nuwe onafhanklike staat.

Bissau was die toneel van intense gevegte tydens die begin en einde van die Guinee-Bissau-burgeroorlog in 1998 en 1999.^[2]

Verwysings

1. Roman Adrian Cybriwsky, Capital Cities around the World: An Encyclopedia of Geography, History, and Culture, ABC-CLIO, VSA, 2013, bl. 53
2. Uppsala Conflict Data Program Conflict Encyclopedia, Guinea Bissau: government, in depth, besoek op 12 Julie 2013, http://www.ucdp.uu.se/gpdatabase/gpcountry.php?id=68&regionSelect=2-Southern_Africa# Geargiveer 31 Desember 2013 op Wayback Machine

Bronne

• Richard Andrew Lobban, Jr. and Peter Karibe Mendy, Historical Dictionary of the Republic of Guinea-Bissau, 3rd ed. (Scarecrow Press, 1997, ISBN 0-8108-3226-7) bl. 91-96

Galery

• 
  Uitsig van Bissau van die Gebariver
• 
  Ministério da Justiça - Guinea-Bissau se Ministerie van Justisie
• 
  Che Guevara-plein, Bissau
• 
  Publieke vervoer in Bissau
• 
  Monument in die stadskern
• 
  Administrasie gebou van die Portuguese energiefirma Galp
• 
  An Economic Community of West African States (ECOWAS) tak in Bissau
• 
  African Party for the Independence of Guinea and Cape Verde (PAIGC) se hoofkantoor
• 
  Woongebied in Bissau
• 
  Guinea-Bissau se Presidensiële Paleis
• 
  Franse Kultuur Sentrum in Bissau
• 
  Sonpanele op die dak van 'n gebou
• 
  Sentrale Poskantoor
• 
  Museu Etnográfico Nacional - Nasionale Etnografiese Museum
• 
  Combatentes da Liberdade Laan, Bissau
• 
  Guinee-Bissau Doeane-agentskap, Porto de Bissau
• 
  Een van die hotelle in die stad
• 
  Hawe van Bissau