Alfacharín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alfacharín Alfajarín
Municipio d'Aragón
Anvista d'Alfacharín dende o suyo castiello.
Entidat  • País  • Provincia  • Comarca	Municipio  Aragón  Zaragoza Comarca Central
Partiu chudicial	Zaragoza
Mancomunidat	Central
Superficie	137,57 km²
Población  • Total	2415 hab. (2013)
Altaria  • Meyana	199 m.
Distancia  • 17 km	enta Zaragoza
Alcalde	Francisco Verge Salvado
Codigo postal	50172
Parroquial  • Archidiocesi  • Arcipestrau  • Parroquia	Zaragoza Zuera Sant Miguel Arcángel
Coordenadas	41°36’49’’N 0°42’13’’U
Alfacharín Alfacharín en Aragón
Web oficial

Alfacharín (Alfajarín en castellano y oficialment) ye una villa y municipio aragonés d'a provincia de Zaragoza, situada en a Comarca Central. Fa parte d'o partiu chudicial de Zaragoza.

A suya población ye de 2.298 habitants (2012), en una superficie de 137,57 km², con una densidat de población de 16,70 hab/km².

Historia

Encara que o castiello andalusí d'Alfacharín fuese reconquiesto por o rei Alifonso I o Batallero, se tornó a perder dimpués d'a batalla de Fraga. En 1131 os cristianos ya prenioron Alfacharín pa cutio. En 1293 o rei Chaime I creyó a baronía d'Alfacharín con os lugars d'Alfacharín, Candasniellos, Farlet y Nuez d'Ebro, que fue entregada a Pero Cornel III. Alfacharín en os sieglos XIII y XIV, mientres perteneixió a la Casa de Cornel, fue fortificau.

Cheografía

A villa d'Alfacharín ye situada a 199 metros d'altaria sobre o livel d'a mar, a una distancia de 17 km d'a ciudat de Zaragoza, a capital d'a suya comarca, d'o suyo partiu chudicial, d'a suya provincia y d'Aragón.

En o termin d'Alfacharín trobamos o despoblau de Candasniellos.

Clima

A suya temperatura anyal ye 15.22 °C, con una temperatura meya en chinero de 5.3 °C y en chulio de 26.89 °C.^[1]

Toponimia

O suyo nombre ye d'orichen arabe, y en os textos medievals apareixe, como ye normal, con diferents variants graficas: Alfaiarin, Alfaiarino, Alfagerin, Alfagarin, Alfagarino, Alhagerin, Alhagerim.

Sobre o suyo significau en arabe tenemos tres explicacions:

• Dende l'arabe المحجر Al-Hacharïn ("los que treballan en una pedrera").
• Dende l'arabe Al-Hayyarayn ("as dos penyas").
• Dende l'arabe Al-faikhar (os "alfarers").

A zaguera hipotesi encara que siga la mes conoixida ye menos probable que atras porque o fonema arabe representau por a letra kha s'adaptó ta l'aragonés como g ("garrofera"), estando a primera hipotesi mes acertada porque a chim amaneix como ch en os arabismos presos por l'aragonés.

Lo trobamos escrito Alfaiarin en lo testamento de Tomás Cornel, un texto de 1353 en luenga aragonesa:

En el nopne de Dios e de su gracia. Sepan todos, que nós, don Thomás Cornel, sennor de Alfaiarin, puesto en gran flaqueza e enfermedat, emperò bendito Dios en nuestro buen sesso e buena memoria e palaura manifiesta porque nenguno en carne puesto, a la muert corporal escapar non puede, e mas cierta cosa non sia, que és la muert

En o fogache de 1495 s'escribiba Alfajarin. En a documentación medieval d'a Cort de chusticia d'a Casa de Ganaders de Zaragoza s'escribe Alfajarín y Alfacharín, correspondendo con un tiempo que a scripta medieval aragonesa se descomponeba y preneba a ortografía castellana, con a ch pa representar l'africada.

venian Johan Espanyol e Pedro de la Cadena camino de Alfacharín enta la ciudat de Çaragoça

conpareció don Pedro de Alfacharín, ganadero de aquesta ciudat

Bi ha microtoponimos en aragonés como Cados, La Portaza (l'arco d'entrada d'a muralla medieval), Cueva de las Grallas. Bi ha tamién un toponimo muit interesant, Brazal del Marchuel, que vien de l'arabe "march", "prau", preso por l'aragonés como "Almarchal", con un sufixo romance, y que amuestra un caso de -ch- en romance actual que vien d'o fonema africau que se representa con chim en arabe.

Demografía

Evolución demografica

1362 f 1495 f 1842 1857 1860 1877 1887 1897 1900 - - 582 1.018 1.051 916 974 1.057 978

1910 1920 1930 1940 1950 1960 1970 1981 1991 1.240 1.348 1.325 1.282 1.221 1.168 1.171 1.283 1.546

1992 1994 1996 1997 1998 1999 2000 2001 2002 - - 1.450 - 1.460 1.478 1.495 1.538 1.591

2003 2004 2005 2006 2007 2008 2009 2010 2011 1.611 1.742 1.816 1.879 1.963 1.963 2.032 2.168 2.215

2012 2013 2014 2015 2016 2017 2018 2019 2020 2.259 2.235 2.250 2.266 2.298 2.288 2.312 2.315 2.339

2021 2022 2023 2024 2025 2026 2027 2028 - 2.374 2.434 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals[2]
Partiu	1979	1983	1987	1991	1995	1999	2003	2007	2011	2015	2019
Partido Aragonés	-	6	7	6	7	4	5	5	4	5	5
Partido de los Socialistas de Aragón	-	3	2	3	-	1	2	3	2	2	4
Ganar Alfacharín	-	-	-	-	-	-	-	-	-	2	1
Partido Popular	-	-	-	0	2	2	1	1	2	2	1
Chunta Aragonesista	-	-	-	-	-	-	-	0	3	-	-
Izquierda Unida	-	-	-	-	-	2	1	0	-	-	-
Unión de Centro Democrático	4	-	-	-	-	-	-	-	-	-	-
Independients	2	-	-	-	-	-	-	-	-	-	-
Total	6	9	9	9	9	9	9	9	11	11	11

Alcaldes

Lista d'alcaldes

Lechislatura	Nombre	Partiu politico
1979–1983	Jesús Pallás Luño	UAP
1983–1987	Ángel Córdova Andrés	Partido Aragonés
1987–1991	Ángel Córdova Andrés	Partido Aragonés
1991–1995	Ángel Córdova Andrés	Partido Aragonés
1995–1999	Ángel Córdova Andrés	Partido Aragonés
1999–2003	Jesús Jaria Gilaberte	Partido Aragonés
2003–2007	Santos Miguel Moliner	Partido Aragonés
2007–2011	Francisco Vergé Salvadó	Partido Aragonés
2011–2015	Francisco Vergé Salvadó	Partido Aragonés
2015–2017	Inmaculada Abadía[3]	Partido Popular
2017–2019	Jesús Vicén[4]	Partido de los Socialistas de Aragón
2019–2023
2023–2027	Jose Tomas Pueyo Continente [5]	PP

Molimentos

A ilesia de Sant Miguel Arcánchel d'Alfacharín.

• Castiello d'Alfacharín.
• La Portaza:, l'arco d'entrada d'a muralla, d'o sieglo XIV.
• Ilesia de Sant Miguel Arcánchel d'Alfacharín, a ilesia parroquial adedicada a Sant Miguel Arcánchel, una ilesia que ye l'antiga mesquita d'o sieglo XII d'a localidat, encara que a suya torre ye de 1486. L'edificio ye protechiu legalment dende o 21 de noviembre de 2001 con a suya declaración como Bien d'Intrés Cultural.^[6]

Localidaz achirmanatas

• Idron (Pireneus Atlanticos, Occitania).

Vinclos externos

• Se veigan as imáchens de Commons sobre Alfacharín.
• (es) Alfajarin.org.
• (es) Mancomunidad Ribera Izquierda del Ebro.

Referencias

1. (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
2. (es) Resultaus electorals oficials d'o Ministerio de l'Interior
3. (es) El PAR critica el cambio de alcaldía en Alfajarín, en o Heraldo de Aragón.
4. (es) Jesús Vicén, alcalde de Alfajarín: "PP y PSOE nos repartimos la alcaldía y ha funcionado bastante bien", en o Heraldo de Aragón.
5. (es) Consulta el listado de alcaldes que han sido proclamados en Aragón en Heraldo de Aragón
6. (es) Texto en o Boletín Oficial d'Aragón d'a declaración como Bien d'Intrés Cultural d'a ilesia de Sant Miguel Arcánchel d'Alfacharín.

Municipios d'a Comarca Central
Alfacharín | Botorrita | Lo Burgo d'Ebro | Cadret | Cuart de la Uerba | Exaulín | Fuents d'Ebro | María de la Uerba | Mediana d'Aragón | Mozota | Nuez d'Ebro | Osera d'Ebro | Pastriz | La Pobla d'Alfindén | Sant Mateu de Galligo | Utevo | Villafranca d'Ebro | Villamayor de Galligo | Villanueva de Galligo | Zaragoza | Zuera

Lugars d'o municipio d'Alfacharín
Poblaus: Alfacharín | El Condado | Los Huertos Despoblaus: Candasniellos