Addis Abeba

Addis Abeba
Kaart	Wapen
	Vlag
Land	Ethiopië
Administratiewe gewes	Addis Abeba
Koördinate	09°01′N 38°45′O / 9.017°N 38.750°O / 9.017; 38.750
Stigting	1886
Oppervlakte:
- Totaal	527 vk km
Hoogte bo seevlak	2 355 m
Bevolking:
- Totaal (2008)	3 384 569
- Metropolitaanse gebied	4 567 857
- Bevolkingsdigtheid	5 165/vk km
Tydsone	UTC +3
Burgemeester (party)	Adanech Abebe

Addis Abeba is die hoofstad en grootste stad van Ethiopië en lê op 'n hoogte van 2 355 m. Die stad het 'n internasionale lughawe, 'n spoorlyn wat na die hawe van Djiboeti lei en 'n universiteit. Belangrike bedrywe sluit tabak, voedselprodukte, tekstiel, chemikalieë en sement in.

Geskiedenis

Die stad is in 1886 deur Menelik II gestig en het reeds twee jaar later die hoofstad geword. Italië het dit van 1936 tot 1941 beset toe hulle dit die hoofstad van Italiaans-Oos-Afrika gemaak het.

Besienswaardighede

Die St. George-katedraal, nasionale museum, nasionale biblioteek en Menelik II se graftombe is van die besienswaardighede vir die toeris. Die stad was die hoofkwartier van die Organisasie vir Afrika-eenheid en is steeds die hoofkwartier van die Verenigde Nasies se Ekonomiese Kommissie vir Afrika en van die Afrika-unie.

Bevolking

Addis Abeba se bevolking is in 1992 op 1 763 000 geraam , maar het intussen toegeneem tot 3 384 569 (2008), wat dit die grootste stad maak in 'n land wat nié aan die see grens nie.

Eksterne skakels

• Addis Abeba-fotogalery Geargiveer 28 November 2017 op Wayback Machine
• Addis Ababa Pano Geargiveer 30 Oktober 2008 op Wayback Machine
• Addis Abeba op Wikivoyage
• Addis Abeba-stadsbestuur Geargiveer 24 Julie 2014 op Wayback Machine
• Addis Abeba se stadsraad Geargiveer 7 Junie 2007 op Wayback Machine
• Inleiding tot Addis Abeba
• Foto's van Addis Abeba Geargiveer 9 Desember 2009 op Wayback Machine
• Foto-galery van Addis Abeba
• Opvoedingsinstellings in Addis Abeba Geargiveer 13 Desember 2009 op Wayback Machine